പഴയൊരു അഭിമുഖം
സുസ്മിത മിസ് ഇന്ത്യ പുരസ്കാരം നേടിയിട്ട് 26 വര്ഷങ്ങള് പിന്നിട്ടു. പണ്ട് എന്ഡി ടിവിയില്, അന്തരിച്ച നടന് ഫാറൂഖ് ഷെയ്ഖുമായുള്ള അഭിമുഖത്തിലായിരുന്നു താരം മനസ് തുറന്നത്. ഈ വിഡിയോയാണ് ഇപ്പോള് സോഷ്യല് മീഡിയയില് ആരാധകരാരോ കുത്തിപ്പൊക്കിയിരിക്കുന്നത്.
മിസ് ഇന്ത്യയാക്കിയ വസ്ത്രം
മിസ് ഇന്ത്യ വിജയിച്ചപ്പോള് ധരിച്ചിരുന്നു ഗൗണിനെ കുറിച്ചായിരുന്നു താരത്തിന്റെ വെളിപ്പെടുത്തല്. അത് തയ്യാറാക്കിയത് ഒരു സാധാ ടെയ്ലര് ആയിരുന്നുവെന്നു താരം പറയുന്നു. നാല് ഡിസെെനര് വസ്ത്രങ്ങളുടെ ചെലവ് താങ്ങാന് തനിക്കാകുമായിരുന്നില്ലെന്നും തന്റേതൊരു മധ്യവര്ഗ്ഗ കുടുംബമായിരുന്നുവെന്നും താരം പറയുന്നു.
വസ്ത്രത്തിലേക്കല്ല, നിന്നെയാണ് നോക്കുക
ഡിസെെനര് വസ്ത്രങ്ങള് വാങ്ങാന് മാത്രം കാശുണ്ടായിരുന്ന കുടുംബമായിരുന്നില്ല. നാല് വസ്ത്രമായിരുന്നു വേണ്ടിയിരുന്നത്. അപ്പോള് അമ്മയാണ് പറഞ്ഞത്, അതിനെന്താണ്. അവര് നിന്റെ വസ്ത്രത്തിലേക്കല്ല നിന്നെയാണ് നോക്കാന് പോകുന്നത്. ഞങ്ങള് സരോജിനി മാര്ക്കറ്റില് നിന്നും തുണി വാങ്ങി. താരം പറയുന്നു.
ബാക്കി അമ്മയുടെ വക
അവിടെ ഒരു ചെറിയ തുന്നല്ക്കടയുണ്ടായിരുന്നു. പെറ്റിക്കോട്ടൊക്കെ തെെയ്ക്കുന്നയാള്. അദ്ദേഹത്തിന് തുണി നല്കി. ടിവിയില് വരാനുള്ളതാണ്. നല്ല വസ്ത്രം തുന്നണമെന്ന് പറഞ്ഞു. അദ്ദേഹം തുന്നി തന്നു. ബാക്കി വന്ന തുണി കൊണ്ട് അമ്മ റോസാ പൂവുണ്ടാക്കി. പുതിയ കറുത്ത സോക്സ് വാങ്ങി വെട്ടി ഗ്ലൗസാക്കി മാറ്റിയെന്നും താരം ഓര്ക്കുന്നു.
പണമല്ല. ലക്ഷ്യബോധമാണ് വേണ്ടത്
അന്ന് ആ ഗൗണ് ധരിച്ചാണ് താന് മിസ് ഇന്ത്യ ആയതെന്നും നിങ്ങള്ക്ക് വേണ്ടത് നേടാന് ആവശ്യം പണമല്ലെന്നും ലക്ഷ്യ ബോധമായിരിക്കണമെന്നും താരം പറഞ്ഞു. വീഡിയോ വെെറലായതോടെ താരത്തെ അഭിനന്ദിക്കുകയാണ് സോഷ്യല് മീഡിയ.