Also Read: മുംബെെയിലേക്ക് വന്നാല്‍ കെെകാര്യം ചെയ്യുമെന്ന് ശിവേസനയുടെ ഭീഷണി, കങ്കണയ്ക്ക് വെെ പ്ലസ് ക്യാറ്റഗറി സുരക്ഷ!
സുരക്ഷ വേണ്ടതില്ലെന്ന് സ്വര
നിത്യവും സോഷ്യല്‍ മീഡിയയില്‍ ഭീഷണികള്‍ നേരിടുന്ന താരമാണ് സ്വര ഭാസ്കര്‍. എന്നാല്‍ കങ്കണയെ പോലെ തനിക്ക് സുരക്ഷ വേണ്ടതില്ലെന്ന് സ്വര പറയുന്നു. ആ പണം ഉപകാരപ്രദമായ കാര്യങ്ങള്‍ക്ക് ചെലവാക്കുന്നതാണ് തനിക്കിഷ്ടമെന്നും സ്വര പറഞ്ഞു.
ആരാധകയുടെ ട്വീറ്റ്
ഒരു ആരാധകയുടെ ട്വീറ്റിനോട് പ്രതികരിക്കുകയായിരുന്നു സ്വര. വെെ പ്ലസ് സുരക്ഷ ആരെങ്കിലും അര്‍ഹിക്കുന്നുണ്ടെങ്കില്‍ അത് സ്വരയാണ്. അത്രമാത്രം അവര്‍ നിത്യവും സോഷ്യല്‍ മീഡിയയില്‍ നേരിടുന്ന ഭീഷണികള്‍. വെരിഫെെഡ് അക്കൗണ്ടുള്ളവര്‍ പോലും ഭീഷണി മുഴക്കുന്നുണ്ടെന്നായിരുന്നു ആരാധിക ചൂണ്ടിക്കാണിച്ചത്.
നികുതിപ്പണം യഥാർത്ഥ പ്രശ്നങ്ങളിലേക്ക്
ഇതിന് മറുപടി നല്‍കുകയായിരുന്നു സ്വര. നികുതി നല്‍കുന്നവരുടെ പണം യഥാര്‍ത്ഥ ആവശ്യങ്ങള്‍ക്കായി ഉപയോഗിക്കുന്നതിനോടാണ് താല്‍പര്യം. വികസനം, പോഷകാഹാരക്കുറവ് പോലുള്ളവയ്ക്കായി എന്നായിരുന്നു സ്വരയുടെ മറുപടി. ഇതോടെ താരത്തിന് കെെയ്യടിക്കുകയാണ് സോഷ്യല്‍ മീഡിയ.
മുംബെെയിലേക്ക് വരുമെന്ന് കങ്കണ
മുംബെെയിലേക്ക് സെപ്തംബര്‍ 9 ന് വരുമെന്ന് കങ്കണ അറിയിച്ചിരുന്നു. ഇതിന് പിന്നാലെയാണ് സുരക്ഷ ഏര്‍പ്പെടുത്തിയത്. മുംബെെ പാക് അധീന കശ്മീര്‍ പോലെയായെന്ന പ്രസ്താവനയാണ് ശിവസേനയെ താരത്തിനെതിരെ തിരിച്ചത്.