Also Read: ഒടിടി പ്ലാറ്റ്ഫോമുകളെല്ലാം പോണ്‍ ഹബ്ബുകളാണ്; പുതിയ വിവാദവുമായി കങ്കണ
സവർക്കറിന്റെ ആരാധിക
ഞാന്‍ സവര്‍ക്കര്‍, നേതാ ബോസ്, ഝാന്‍സി റാണി പോലെയുള്ളവരെയാണ് ആരാധിക്കുന്നത്. ഇന്ന് സര്‍ക്കാര്‍ എന്ന ജയിലിലില്‍ ഇടാന്‍ നോക്കുമ്പോള്‍ എന്റെ തിരഞ്ഞെടുപ്പുകളില്‍ എനിക്ക് ആത്മവിശ്വാസമുണ്ട് കങ്കണ പറയുന്നു. ട്വിറ്ററിലൂടെയായിരുന്നു കങ്കണയുടെ പ്രതികരണം.
ജയിലിലേക്ക് പോകാന്‍ കാത്തിരിക്കുകയാണ്
ജയിലിലേക്ക് പോകാന്‍ കാത്തിരിക്കുകയാണ്. അതിലൂടെ തന്റെ ആരാധനാപാത്രങ്ങള്‍ കടന്നു പോയ കഷ്ടതകളിലൂടെ കടന്നു പോകാന്‍ തനിക്കാകുമെന്നും കങ്കണ പറയുന്നു. ഇത് തന്റെ ജീവിതത്തിന് അര്‍ത്ഥം നല്‍കുമെന്നും കങ്കണ കൂട്ടിച്ചേര്‍ക്കുന്നു.
ആമിര്‍ ഖാനെ ടാഗ് ചെയ്തിട്ടുണ്ട്
എങ്ങനെയാണോ ഝാന്‍സി റാണിയുടെ കോട്ട തകര്‍ത്തത് അതുപോലെത തന്റെ വീട് തകര്‍ത്തു. സവര്‍ക്കറിനെ ജയിലില്‍ അടച്ചത് പോലെ തന്നേയും ജയിലില്‍ അടയ്ക്കാന്‍ ശ്രമിക്കുന്നു. ആരെങ്കിലും ചെന്ന് അസഹിഷ്ണു കൂട്ടത്തോട് ചോദിക്കൂ, ഈ അസഹിഷ്ണുതയുടെ രാജ്യത്തു നിന്ന് എത്രത്തോളം വേദനയിലൂടെ കടന്നു പോയെന്ന് കങ്കണ പറയുന്നു. ആമിര്‍ ഖാനേയും ടാഗ് ചെയ്തിട്ടുണ്ട് കങ്കണ.
ചോദ്യം ചെയ്യലിന് ഹാജരാകണം
രാജ്യദ്രോഹക്കേസില്‍ ബോളിവുഡ് താരം കങ്കണ റണൗട്ടിനും സഹോദരി രംഗോലി ചണ്ഡേലിനും മുംബൈ പോലീസ് സമന്‍സയച്ച്‌ അയച്ചു . ഈ മാസം 26, 27 തീയതികളില്‍ ഇരുവരും ചോദ്യം ചെയ്യലിന് ഹാജരാകണമെന്നാണ് സമൻസിലുള്ളത്. എഎൻഐയാണ് ഇത് റിപ്പോര്‍ട്ട് ചെയ്തിരിക്കുന്നത്.