Also Read: അമിതാഭ് ബച്ചന് കൊവിഡ്-19 സ്ഥിരീകരിച്ചു; മുംബൈ നാനാവതി ആശുപത്രിയില്‍ പ്രവേശിപ്പിച്ചു
ആന്റിജന്‍ ടെസ്റ്റ് ഫലം നെഗറ്റീവ്
അമിതാഭിനും അഭിഷേകിനും കൊവിഡ് 19 സ്ഥിരീകരിച്ചതോടെ വീട്ടിലെ മറ്റ് അംഗങ്ങളേയും പരിശോധനയ്ക്ക് വിധേയരാക്കി. ജയ ബച്ചന്റേയും ഐശ്വര്യ റായിയുടേയും ആന്റിജന്‍ ടെസ്റ്റിന്റെ ഫലം നെഗറ്റീവ് ആയിരുന്നു. സ്രവ പരിശോധന ഫലമാണ് ഇനി പുറത്ത് വരാനുള്ളത്.
സ്രവ പരിശോധനാ ഫലം ഇന്ന്
ഇന്നു തന്നെ ഐശ്വര്യയുടേയും ജയയുടേയും സ്രവ പരിശോധനാ ഫലം പുറത്ത് വരും. മഹാരാഷ്ട്ര ആരോഗ്യ മന്ത്രി രാജേഷ് ഥോപ് ആണ് ഈ വിവരം അറിയിച്ചത്. ആശങ്കപ്പെടാനില്ലെന്നും മന്ത്രി വ്യക്തമാക്കി. വീട്ടിലുള്ളവരെല്ലാം ഇപ്പോള്‍ നിരീക്ഷണത്തിലാണ്.
വിവരം പുറത്ത് വിട്ടത് അമിതാഭ് ബച്ചൻ
തനിക്ക് കൊവിഡ് സ്ഥിരീകരിച്ചെന്നും കുുടംബാംഗങ്ങളുടെ പരിശോധനാഫലത്തിനായി കാത്തിരിക്കുകയാണെന്നുമായിരുന്നു അമിതാഭ് ബച്ചൻ്റെ ട്വീറ്റ്. കഴിഞ്ഞ 10 ദിവസത്തിനിടെ താനുമായി ബന്ധപ്പെട്ടവരെല്ലാം പരിശോധനയ്ക്ക് വിധേയരാകണമെന്നും ബച്ചൻ അഭ്യര്‍ത്ഥിച്ചു.
Also Read: 'ഗെറ്റ് വെല്‍ സൂണ്‍'; അമിതാഭിനും അഭിഷേകിനും രോഗശാന്തി ആശംസിച്ച് സിനിമാ ലോകം
രോഗശാന്തി നേർന്ന് സിനിമാ ലോകം
വാര്‍ത്ത പുറത്തു വന്നതിന് പിന്നാലെ പ്രതികരണവുമായി നിരവധി താരങ്ങള്‍ രംഗത്ത് എത്തി.. മലയാളത്തിലെ സൂപ്പര്‍ താരങ്ങളായ മമ്മൂട്ടി, മോഹന്‍ലാല്‍ തുടങ്ങി ധനൂഷ്, ദുല്‍ഖര്‍ സല്‍മാന്‍, സോനം കപൂര്‍, താപ്സി പന്നു, മഹേഷ് ബാബു എന്നവരും ബച്ചനും മകനും രോഗശാന്തി ആശംസിച്ചു കൊണ്ട് രംഗത്ത് എത്തിയിട്ടുണ്ട്.