ബോളിവുഡ് നടി റിയ ചക്രബര്ത്തിയുടെ അറസ്റ്റിന് പിന്നാലെ റിയയ്ക്ക് പിന്തുണയുമായി നടി താപ്സി പന്നു. റിയ മയക്കുമരുന്ന് ഉപയോഗിച്ചതായി എന്സിബിയുടെ റിമാന്ഡ് കോപ്പിയില് എവിടേയും പറയുന്നില്ല. സുശാന്തിന് വേണ്ടിയായിരുന്നു റിയ മയക്കുമരുന്ന് വാങ്ങിയതെന്നാണ് പറയുന്നത്. അങ്ങനെയെങ്കില് ജീവിച്ചിരുന്നുവെങ്കില് സുശാന്തിനേയും അറസ്റ്റ് ചെയ്യുമായിരുന്നില്ലേയെന്നും താപ്സി ചോദിക്കുന്നു.
ട്വിറ്ററിലൂടെയായിരുന്നു താപ്സിയുടെ പ്രതികരണം. 'തിരുത്ത്, അവള് ലഹരി ഉപയോഗിച്ചിട്ടില്ല. സുശാന്തിനായി ഇടപാട് നടത്തുകയാണ് ചെയ്തത്. അങ്ങനെയങ്കില് സുശാന്ത് ജീവിച്ചിരുന്നെങ്കില് അദ്ദേഹത്തെയും ജയിലിടയ്ക്കുമായിരുന്നോ? ഓഹ്, അങ്ങനെയായിരിക്കില്ല അല്ലേ? അവള് സുശാന്തിനെ ലഹരി കഴിക്കാന് നിര്ബന്ധിച്ചിരിക്കണം. അതായിരുന്നു ശരി, നിങ്ങള് അത് സാധ്യമാക്കി ഗയ്സ്,’ തപ്സി പരിഹാസ രൂപേണ ട്വീറ്റ് ചെയ്തു.
Also Read: 'പുരുഷാധിപത്യത്തെ തകര്ക്കാം'; അറസ്റ്റിന് പിന്നാലെ റിയയ്ക്ക് പിന്തുണയുമായി ബോളിവുഡ് താരങ്ങള്
സുശാന്തിന്റെ കുടുംബത്തിന്റെ അഭിഭാഷകനായ വികാസ് സിങ്ങിനെ പരിഹസിക്കുകയും ചെയ്തു താപ്സി. എന്സിബി റിയെ അറസ്റ്റ് ചെയ്തതിനെ കുറിച്ച് ചോദിച്ചപ്പോള് റിയക്കെതിരെ മയക്കുമരുന്ന് കേസ് അല്ല തങ്ങള് നല്കിയതെന്നായിരുന്നു വികാസിന്റെ പ്രതികരണം. ഇതിനെയാണ് താപ്സി പരിഹസിച്ചത്.
അപ്പോള് ഇത് അദ്ദേഹത്തിന്റെ കേസല്ല. അവളൊരു ഗോള്ഡ് ഡിഗ്ഗറല്ല, കൊലപാതകിയല്ല, പക്ഷെ മയക്കുമരുന്ന് വാങ്ങുകയോ ഉപയോഗിക്കുകയോ ചെയ്തിട്ടുണ്ടെന്നാണ്. ആ കേസ് ആരുടെയാണെങ്കിലും ആശംസകള്. സുശാന്തിന് ലഭിച്ചില്ലെങ്കിലും അവര്ക്ക് നീതി ലഭിച്ചു. ആശംസകള് എന്നായിരുന്നു താപ്സിയുടെ ട്വീറ്റ്.
Also Read: പൊട്ടിക്കരഞ്ഞ് റിയ; ലഹരി ഉപയോഗം സമ്മതിച്ചു, ബോളിവുഡിലെ 25 ഉന്നതരെ കുറിച്ചും വെളിപ്പെടുത്തല്!
നേരത്തെ റിയക്ക് പിന്തുണയുമായി നടി സ്വര ഭാസ്കറും രംഗത്തു വന്നിരുന്നു. റിയ ക്രിമിനല് ആണെന്ന് കരുതുന്നില്ലെന്നും അവര്ക്ക് തിരിച്ചുവരാന് സാധിക്കുമെന്നാണ് പ്രതീക്ഷിക്കുന്നതെന്നുമാണ് സ്വര ഭാസ്കര് പറഞ്ഞത്. എന്.ഡി.ടി.വിയോടായിരുന്നു സ്വര ഭാസ്കറിന്റെ പ്രതികരണം. നീതി പുലരുമെന്ന് തന്നെയാണ് കരുതുന്നതെന്നും അവര് കൂട്ടിച്ചേര്ത്തു.
അതേസമയം, റിയ ചക്രബര്ത്തിയുടെ ജാമ്യാപേക്ഷ കോടതി തള്ളി. റിയയെ പതിനാല് ദിവസത്തെ ജൂഡീഷ്യല് കസ്റ്റഡിയില് വിടാനാണ് കോടതി ഉത്തരവ്. ജാമ്യാപേക്ഷ നിരസിച്ചതുമായി ബന്ധപ്പെട്ട് റിയ സെഷന്സ് കോടതിയെ സമീപിക്കുമെന്ന് റിപ്പോര്ട്ടുകള് സൂചിപ്പിക്കുന്നു.