അപകടം ഉണ്ടായത്
ആ തുറന്ന് പറച്ചിലിന് ശേഷം എനിക്ക് നേരെ ഒരുപാട് വധശ്രമങ്ങള്‍ നടന്നു എന്നാണ് അടുത്തിടെ നല്‍കിയ അഭിമുഖത്തില്‍ തനുശ്രീ വെളിപ്പെടുത്തിയത്. മഹാകാല്‍ ക്ഷേത്രത്തിലേക്ക് പോകുന്ന വഴി, 2022 ല്‍ ഉജ്ജയിനിയില്‍ വച്ച് എന്റെ കാര്‍ അപകടത്തില്‍ പെട്ടു. എന്റെ കാറിന്റെ ബ്രേക്കില്‍ കൃത്രിമം കാണിച്ചുകൊണ്ടാണ് അപകടം ഉണ്ടാക്കിയത്.
ആ ഷോക്ക്
ആ അപകടത്തില്‍ ശരീരത്തില്‍ നിന്ന് ഒരുപാട് രക്തം പോയി. മാസങ്ങളോളം ചികിത്സ ചെയ്യേണ്ടി വന്നു. ആ സംഭവത്തിന്റെ ഷോക്കില്‍ നിന്ന് കരകയറാനും എനിക്ക് കുറച്ച് നാളുകള്‍ വേണ്ടി വന്നു. അതൊരു വന്‍ അപകടം തന്നെയായിരുന്നു. സമാനമായ അപകടങ്ങള്‍ തുടര്‍ച്ചയായി നടന്നുകൊണ്ടിരുന്നു.
വിഷം ചേര്‍ത്തോ
അപകടങ്ങള്‍ ഒരു ഭാഗത്ത് നടക്കവെ, എനിക്ക് പല അസുഖങ്ങളും വരാന്‍ തുടങ്ങി. എന്റെ വീട്ടില്‍ ഒരു ജോലിക്കാരി ഉണ്ടായിരുന്നു. അവര്‍ തരുന്ന ഭക്ഷണത്തില്‍ എന്തോ കലര്‍ത്തിയിരിയ്ക്കാം. എന്റെ വെള്ളത്തില്‍ വിഷം ചേര്‍ത്തോ എന്ന് പോലും ഞാന്‍ സംശയിക്കുന്നു എന്നാണ് തനുശ്രീ ദത്ത പറയുന്നത്.
വെളിപ്പെടുത്തല്‍
2018 ല്‍ ആണ് ഒരു ചാനല്‍ ഷോയ്ക്ക് ഇടയില്‍ നാന പട്കറില്‍ നിന്നും ലൈംഗികമായ അതിക്രമം നേരിടേണ്ടി വന്നു എന്ന് തനുശ്രീ വെളിപ്പെടുത്തിയത്. 2009 ല്‍ റിലീസ് ചെയ്ത ഹോണ്‍ ഓകെ പ്ലസ് എന്ന ചിത്രത്തിന്റെ സെറ്റില്‍ വച്ചായിരുന്നു എന്നും നടി വ്യക്തമാക്കിയിരുന്നു