Also Read:പേളിയുടെ ബോളിവുഡ് അരങ്ങേറ്റം; ആകാംഷ പകര്‍ന്ന് 'ലുഡോ'യുടെ ട്രെയിലര്‍
സിമ്പയ്ക്ക് ശേഷം സര്‍ക്കസ്
ഇതിനിടെ ഇതാ മറ്റൊരു ചിത്രവുമായി എത്തുകയാണ് രോഹിത് ഷെട്ടി. സിമ്പയ്ക്ക് ശേഷം രണ്‍വീറിനെ നായകനാക്കി വീണ്ടുമൊരു ചിത്രമൊരുക്കുകയാണ് രോഹിത് ഷെട്ടി. സര്‍ക്കസ് എന്ന് പേരിട്ടിരിക്കുന്ന ചിത്രം മുഴുനീള കോമഡി ചിത്രമായിരിക്കും.
ഷെയ്ക്സ്പിയറുടെ ദ കോമഡി ഓഫ് ഇറേഴ്സ്
മറ്റൊരു സവിശേഷത വിഖ്യാത എഴുത്തുകാരന്‍ വില്യം ഷെയ്ക്സ്പിയറുടെ കോമഡി നാടകമായ ദ കോമഡി ഓഫ് ഇറേഴ്സ് ആണ് രോഹിത് സിനിമയാക്കുന്നത്. രണ്‍വീര്‍ ഇരട്ട വേഷത്തിലെത്തുന്ന ചിത്രത്തില്‍ പൂജ ഹെഗ്ഡെ, ജാക്വിലിന്‍ ഫെര്‍ണാണ്ടസ്, വരുണ്‍ ശര്‍മ, സിദ്ദാര്‍ത്ഥ ജാദവ്, ജോണി ലിവര്‍ തുടങ്ങിയവരും പ്രധാന വേഷങ്ങളിലെത്തുന്നു.
ചിത്രം തീയേറ്ററുകളിലെത്തുക 2021 ഓടെ
മുംബെെയിലും ഊട്ടിയിലും ഗോവയിലുമായിട്ടാണ് സിനിമയുടെ ചിത്രീകരണം. 2021 ലാകും ചിത്രം തീയേറ്ററുകളിലെത്തുന്നത്. ഷെക്സ്പിയര്‍ തുടക്കകാലത്ത് എഴുതിയ ഹാസ്യനാടകങ്ങളിലൊന്നാണ് കോമഡി ഓഫ് ഇറേഴ്സ്. സ്ലാപ്സ്റ്റിക് കോമഡിയാണ് നാടകത്തിന്റെ സവിശേഷത.
സൂര്യവന്‍ഷി റിലീസിന്
അതേസമയം അക്ഷയ് കുമാര്‍ നായകനാകുന്ന സൂര്യവന്‍ഷി റിലീസിന് തയ്യാറെടുക്കുകയാണ്. ചിത്രത്തില്‍ രണ്‍വീറും അജയ് ദേവ്ഗണും അതിഥി വേഷത്തിലെത്തുന്നുണ്ട്. കത്രീന കെെഫാണ് ചിത്രത്തിലെ നായിക.