കിടിലൻ മേക്കോവറിൽ അക്ഷയ് കുമാ‍ർ; 'ബച്ചൻ പാണ്ഡെ' 26ന്

തന്‍റെ പുതിയ ചിത്രമായ 'ബച്ചൻ പാണ്ഡെ' 2022 ജനുവരി 26ന് റിലീസ് ചെയ്യുമെന്ന് പ്രഖ്യാപിച്ച് നടൻ അക്ഷയ് കുമാര്‍. ട്വിറ്ററിലൂടെയാണ് താരം ഇത് വ്യക്തമാക്കിയിരിക്കുന്നത്. എന്നാൽ ചിത്രം തീയേറ്ററുകളിലെത്തുമോ അതോ ഒടിടി റീലീസ് ആയിരിക്കുമോയെന്ന് വ്യക്തമാക്കാതെയാണ് അക്ഷയ്‍യുടെ ട്വീറ്റ്.

Also Read: കാമുകന് തന്നേക്കാള്‍ 14 വയസ് കൂടുതല്‍; സോഷ്യല്‍ മീഡിയയുടെ ചോദ്യങ്ങള്‍ക്ക് നടിയുടെ കിടിലന്‍ മറുപടി

കൃതി സനൻ, ജാക്വിലിൻ ഫെര്‍ണാണ്ടസ്, അര്‍ഷാദ് വാര്‍സി, പങ്കജ് തൃപതി എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളായി എത്തുന്നത്. ഗ്യാങ്സ്റ്റര്‍ സിനിമയാണിത്. ഗുണ്ടാസംഘത്തലവനായാണ് അക്ഷയ് സിനിമയിൽ എത്തുന്നത്. ചിത്രത്തിന്‍റെ പോസ്റ്ററിൽ അക്ഷയ് തികച്ചും പുതിയ മേക്കോവറിലാണുള്ളത്. ഈ മാസം ചിത്രീകരണമാരംഭിച്ച സിനിമ കൊവിഡ് പ്രോട്ടോക്കോള്‍ പാലിച്ചാണ് പൂര്‍ത്തിയാക്കിയത്. ഫർഹാദ് സാംജിയാണ് ചിത്രത്തിന്‍റെ സംവിധാനം നിര്‍വ്വഹിച്ചിരിക്കുന്നത്. തിരക്കഥയൊരുക്കിയിരുന്നതും അദ്ദേഹം തന്നെയാണ്.

Also Read: 'സാധാരണക്കാരുടെ പാട്ടാണ് അല്ലാതെ പ്രമദവനം പോലെയല്ല'; അല്‍ഫോണ്‍സ് പുത്രന്റെ 'പാട്ടില്‍' പാടി നീരജ് മാധവും

ജനുവരി 7ന് ട്വിറ്ററിലൂടെ തന്നെ അക്ഷയ് കുമാർ സിനിമയുടെ ഫസ്റ്റ് ലുക്ക് പങ്കുവെച്ചതിനോടൊപ്പം ഷൂട്ടിങ് ആരംഭിച്ച വിവരവും അറിയിച്ചിരുന്നു. രാജസ്ഥാൻ ഉൾപ്പടെ വിവിധ സ്ഥലങ്ങളിലായി ആണ് സിനിമയുടെ ചിത്രീകരണം നടന്നത്. സജീദ് നദിയാവാലയാണ് നിര്‍മ്മാണം.

Also Watch :