അതിസുന്ദരിയായി ആലിയ, കണ്ണെടുക്കാനാകുന്നില്ലെന്ന് ആരാധകരും; 'ആര്‍ആര്‍ആര്‍'ലെ സീത ഇതാ!

ബാഹുബലിക്ക് ശേഷം രാജമൗലി ഒരുക്കുന്ന ബ്രഹ്മാണ്ഡ ചിത്രം 'ആർആർആർ' ഒക്ടോബർ 13ന് തീയേറ്ററുകളിലേക്ക് എത്താൻ തയ്യാറെടുക്കുകയാണ്. രൗദ്രം രണം രുദിരം എന്നതിന്റെ ചുരുക്കപേരാണ് 'ആർആർആർ' എന്നത്. ചിത്രത്തിൽ ജൂനിയർ എൻ.ടി.ആറും രാം ചരണുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. 450 കോടി മുതൽ മുടക്കിലാണ് ആർആർആർ ഒരുങ്ങുന്നത്. ഡിവിവി എന്റർടെയിൻമെന്റ്‌സിന്റെ ബാനറിൽ ഡി.വി.വി ധനയ്യയാണ് ഈ ചിത്രം നിർമ്മിക്കുന്നത്.Also Read: ആദര്‍ശ് കുമാര്‍ അണിയൽ ഒരുക്കിയ 'തലപ്പ'

ബോളിവുഡ് താരങ്ങളായ ആലിയ ഭട്ടും, അജയ് ദേവ്ഗണും ചിത്രത്തിൽ മറ്റ് പ്രധാന കഥാപാത്രങ്ങളെ കൈകാര്യം ചെയ്യുന്നുമുണ്ട്. സ്വാതന്ത്ര്യസമര സേനാനികളായിരുന്ന അല്ലൂരി സീതാരാമ രാജു, കൊമരു ഭീം എന്നിവരുടെ കഥ സാങ്കൽപിക കഥാപശ്ചാത്തലവുമായി ചേർത്താണ് ചിത്രം പറയുന്നത്. ബ്രിട്ടീഷ് നടി ഡെയ്‌സി എഡ്ജർ ജോൺസ്, തമിഴ് നടൻ സമുദ്രക്കനി എന്നിവരും ആർആർആറിൽ മുഖ്യ വേഷത്തിൽ എത്തുന്നുണ്ട്. ഇപ്പോഴിതാ ചിത്രത്തിൽ ആലിയ അവതരിപ്പിക്കുന്ന സീത എന്ന കഥാപാത്രത്തിൻ്റെ ലുക്ക് പോസ്റ്റർ പുറത്ത് വിട്ടിരിക്കുകയാണ് അണിയറപ്രവർത്തകർ. ട്വിറ്ററിലൂടെയാണ് പോസ്റ്റർ പുറത്ത് വിട്ടത്.

Also Read: മമ്മൂക്ക എന്ന മഹാനടനെ ഓര്‍ത്ത് അഭിമാനം തോന്നുന്നു! പ്രീസ്റ്റ് ഒ

'ആർആർആർ' എന്ന പേരിൻ്റെ മുഴുവൻ പേരാണ് രൗദ്രം രണം രുധിരം. ചിത്രത്തിലെ ഗാനത്തിന് സംഗീതം ഒരുക്കുന്നത് എം.എം.കീരവാണിയാണ്. ചിത്രത്തിന്റെ തിരക്കഥ ഒരുക്കിയിരിക്കുന്നത് വി. വിജയേന്ദ്ര പ്രസാദാണ്. പത്ത് ഭാഷകളിലാകും ചിത്രം റിലീസിന് എത്തുക. 2021 ദസറ റിലീസായായി ചിത്രം പ്രേക്ഷകരിലേക്ക് എത്തും. ഇതോടെ രാജമൌലി ചിത്രങ്ങളുടെ ആരാധകരും സിനിമാപ്രേമികളും എല്ലാം അത്യന്തം ആവേശത്തിലാണ്.