ബോളിവുഡിന്റെ പ്രിയപ്പെട്ട താരദമ്പതികളാണ് ആലിയയും രൺബീറും. കഴിഞ്ഞ വർഷമായിരുന്നു ഇരുവരും വിവാഹിതരായത്. അയാൻ മുഖർജി സംവിധാനം ചെയ്ത ബ്രഹ്മാസ്ത്ര എന്ന ചിത്രമാണ് ആലിയയുടേയും രൺബീറിന്റേയുമായി ഒടുവിൽ പുറത്തിറങ്ങിയ ചിത്രം. ബോക്സോഫീസിൽ മികച്ച കളക്ഷനും ചിത്രം നേടിയിരുന്നു. ഇപ്പോഴിത ഇരുവരുടേയും പുതിയ ചിത്രങ്ങൾ തമ്മിൽ തീയേറ്ററുകളിൽ ഏറ്റുമുട്ടാനൊരുങ്ങുന്നുവെന്നാണ് പുറത്തുവരുന്ന വിവരം. ആലിയയുടെ ഹാർട്ട് ഓഫ് സ്റ്റോണും രൺബീറിന്റെ അനിമലും ആണ് ഒരു ദിവസം റിലീസിനൊരുങ്ങുന്നത്. Also Read:
ആലിയയുടെ ഹോളിവുഡ് അരങ്ങേറ്റം കൂടിയാണ് ഹാർട്ട് ഓഫ് സ്റ്റോൺ. കഴിഞ്ഞ ദിവസമാണ് ആലിയ തന്റെ ട്വിറ്ററിലൂടെ ഒരു വീഡിയോ പങ്കുവച്ചത്. ഈ വർഷം നെറ്റ്ഫ്ലിക്സിലൂടെ സ്ട്രീം ചെയ്യുന്ന നിരവധി ചിത്രങ്ങളുടെ വീഡിയോകളായിരുന്നു ആലിയ പങ്കുവച്ചത്. ഇതിൽ ഹാർട്ട് ഓഫ് സ്റ്റോണിന്റെ റിലീസ് തീയതിയും കാണാം. ഓഗസ്റ്റ് 11ന് നെറ്റ്ഫ്ലിക്സിലൂടെ ചിത്രമെത്തുമെന്ന് ആലിയയും കുറിച്ചിട്ടുണ്ട്. ആലിയയുടേയും രൺബീറിന്റെയും കരിയറിലെ ഒരു നിർണായക മാസമായിരിക്കുകയാണ് ഓഗസ്റ്റ്. രൺബീർ കപൂറും രശ്മിക മന്ദാനയും പ്രധാന വേഷത്തിലെത്തുന്ന അനിമലും ഓഗസ്റ്റ് 11 നാണെത്തുന്നത്. സന്ദീപ് റെഡ്ഡി വംഗ സംവിധാനം ചെയ്യുന്ന അനിമൽ ഏറെ പ്രതീക്ഷയോടെയാണ് സിനിമ ലോകം ഉറ്റുനോക്കുന്നത്.
ഹിന്ദി, തെലുങ്ക്, തമിഴ്, മലയാളം, കന്നഡ എന്നീ അഞ്ച് ഭാഷകളിൽ ചിത്രം പുറത്തിറങ്ങും. എന്തായാലും രണ്ട് ചിത്രങ്ങളും ഏറെ പ്രതീക്ഷയാണ് സിനിമപ്രേക്ഷകർക്ക് സമ്മാനിക്കുന്നത്. ടോം ഹാപ്പറാണ് ഹാർട്ട് ഓഫ് സ്റ്റോൺ സംവിധാനം ചെയ്യുന്നത്. അലിസൺ ഷ്രോഡർ, ഗ്രെഗ് റുക്ക എന്നിവർ ചേർന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. ഗൽ ഗദോത്, ജമി ഡോർനാൻ, ആലിയ ഭട്ട് എന്നിവരാണ് ചിത്രത്തിൽ പ്രധാന വേഷത്തിലെത്തുന്നത്.
ഗാങ്സ്റ്റർ ഡ്രാമയായാണ് അനിമൽ ഒരുങ്ങുന്നത്. അച്ഛനും മകനും തമ്മിലുള്ള വൈകാരിക നിമിഷങ്ങളും ചിത്രം പറയുന്നുണ്ട്. ഭൂഷൻ കുമാറാണ് ചിത്രം നിർമ്മിക്കുന്നത്. ബോബി ഡിയോൾ, ത്രിപ്തി ഡിമ്രി തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്. അനിമലിലെ രൺബീറിന്റെ ക്യാരക്ടർ ലുക്ക് സോഷ്യൽ മീഡിയയിൽ തരംഗമായിരുന്നു.
Read Latest Malayalam Movie News And Malayalam News
Also Watch:
ആലിയയുടെ ഹോളിവുഡ് അരങ്ങേറ്റം കൂടിയാണ് ഹാർട്ട് ഓഫ് സ്റ്റോൺ. കഴിഞ്ഞ ദിവസമാണ് ആലിയ തന്റെ ട്വിറ്ററിലൂടെ ഒരു വീഡിയോ പങ്കുവച്ചത്. ഈ വർഷം നെറ്റ്ഫ്ലിക്സിലൂടെ സ്ട്രീം ചെയ്യുന്ന നിരവധി ചിത്രങ്ങളുടെ വീഡിയോകളായിരുന്നു ആലിയ പങ്കുവച്ചത്. ഇതിൽ ഹാർട്ട് ഓഫ് സ്റ്റോണിന്റെ റിലീസ് തീയതിയും കാണാം. ഓഗസ്റ്റ് 11ന് നെറ്റ്ഫ്ലിക്സിലൂടെ ചിത്രമെത്തുമെന്ന് ആലിയയും കുറിച്ചിട്ടുണ്ട്. ആലിയയുടേയും രൺബീറിന്റെയും കരിയറിലെ ഒരു നിർണായക മാസമായിരിക്കുകയാണ് ഓഗസ്റ്റ്. രൺബീർ കപൂറും രശ്മിക മന്ദാനയും പ്രധാന വേഷത്തിലെത്തുന്ന അനിമലും ഓഗസ്റ്റ് 11 നാണെത്തുന്നത്. സന്ദീപ് റെഡ്ഡി വംഗ സംവിധാനം ചെയ്യുന്ന അനിമൽ ഏറെ പ്രതീക്ഷയോടെയാണ് സിനിമ ലോകം ഉറ്റുനോക്കുന്നത്.
ഹിന്ദി, തെലുങ്ക്, തമിഴ്, മലയാളം, കന്നഡ എന്നീ അഞ്ച് ഭാഷകളിൽ ചിത്രം പുറത്തിറങ്ങും. എന്തായാലും രണ്ട് ചിത്രങ്ങളും ഏറെ പ്രതീക്ഷയാണ് സിനിമപ്രേക്ഷകർക്ക് സമ്മാനിക്കുന്നത്. ടോം ഹാപ്പറാണ് ഹാർട്ട് ഓഫ് സ്റ്റോൺ സംവിധാനം ചെയ്യുന്നത്. അലിസൺ ഷ്രോഡർ, ഗ്രെഗ് റുക്ക എന്നിവർ ചേർന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. ഗൽ ഗദോത്, ജമി ഡോർനാൻ, ആലിയ ഭട്ട് എന്നിവരാണ് ചിത്രത്തിൽ പ്രധാന വേഷത്തിലെത്തുന്നത്.
ഗാങ്സ്റ്റർ ഡ്രാമയായാണ് അനിമൽ ഒരുങ്ങുന്നത്. അച്ഛനും മകനും തമ്മിലുള്ള വൈകാരിക നിമിഷങ്ങളും ചിത്രം പറയുന്നുണ്ട്. ഭൂഷൻ കുമാറാണ് ചിത്രം നിർമ്മിക്കുന്നത്. ബോബി ഡിയോൾ, ത്രിപ്തി ഡിമ്രി തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്. അനിമലിലെ രൺബീറിന്റെ ക്യാരക്ടർ ലുക്ക് സോഷ്യൽ മീഡിയയിൽ തരംഗമായിരുന്നു.
Read Latest Malayalam Movie News And Malayalam News
Also Watch: