ഇമ്രാന് ഹാഷ്മി ട്വീറ്റ്
ചൈനക്കാരുടെ വിചിത്രമായ ഭക്ഷണശീലങ്ങളാണ് കൊറോണക്ക് കാരണമായതെന്ന രീതിയിൽ ചര്ച്ചകള് നടക്കുന്നതിനിടെയാണ് അതിനെ സാധൂകരിക്കുന്ന രീതിയിലുള്ള നടന്റെ ട്വീറ്റ്. 'ആയിരക്കണക്കിന് മൈലുകള് ആകലെ കിടക്കുന്നൊരു കൂട്ടര് വവ്വാലിനെപ്പോലുള്ള വിചിത്രമായ ജീവിയെ ഭക്ഷണമാക്കുന്നതാണ് ഇപ്പോഴത്തെ ഈ അവസ്ഥയ്ക്ക് കാരണമായത്' എന്നാണ് ഇമ്രാന് ഹാഷ്മി ട്വീറ്റ് ചെയ്തിരിക്കുന്നത്.
ട്വീറ്റിനെ അനുകൂലിച്ചും പ്രതികൂലിച്ചും
താരത്തിന്റെ ട്വീറ്റിനെ അനുകൂലിച്ചും പ്രതികൂലിച്ചും നിരവധിപേരെത്തുന്നുണ്ട്. കൂടാതെ നിരവധി ചൈനക്കാരും താരത്തിനെതിരെ രംഗത്തെത്തിയിട്ടുണ്ട്. ചിലര് താരത്തിന്റെ ട്വീറ്റ് സാധൂകരിക്കാനെന്നോണം ചൈനയിൽ ഭക്ഷണം പാകം ചെയ്യുന്ന വീഡിയോകളും പങ്കുവെച്ചിട്ടുണ്ട്.
പുലിവാല് പിടിച്ച് താരം
കൊറോണ വൈറസ് വ്യാപനം സംബന്ധിച്ച് ചൈന ഇതുവരെ കൃത്യമായ വിവരങ്ങള് പുറത്തുവിടാതിരുന്നതാണ് കൊവിഡ് 19 ഇത്രയേറെ പടരാൻ കാരണമായതെന്ന് അടുത്തിടെ അമേരിക്കന് മാഗസിനായ നാഷണല് റിവ്യൂ ആരോപിച്ചതും ഏറെ വിവാദമായിരുന്നു.
ട്വീറ്റ് ഏറ്റെടുത്ത് നിരവധിപേർ
അതിനോട് ചേര്ത്ത് വായിച്ചാണ് ചിലര് ഈ ട്വീറ്റ് ഏറ്റെടുത്തിരിക്കുന്നത്. ഹോളിവുഡ് താരങ്ങളടക്കം നിരവധി സെലിബ്രിറ്റികളിലും ഇതിനകം കൊറോണ വൈറസ് ബാധ സ്ഥിരീകരിച്ചിട്ടുണ്ട്. ഇതിനകം ഇരുപത്തയ്യായിരത്തിലേറെ മരണങ്ങളും ലോകമെങ്ങുനിന്നും റിപ്പോര്ട്ട് ചെയ്തിട്ടുണ്ട്.