ബാലപീഡനത്തിനെതിരെ യുനിസെഫിനൊപ്പം ആയുഷ്മാൻ ഖുറാനയും

കുട്ടികൾക്കെതിരെയുള്ള ലൈംഗീക പീഡനം തടയുന്ന പദ്ധതിയ്ക്കായി ബോളിവുഡ് താരം ആയുഷ്മാൻ ഖുറാനയെ തെരഞ്ഞെടുത്ത് യുനിസെഫ്. ഇന്ത്യൻ സര്‍ക്കാരും യുനിസെഫും ചേര്‍ന്ന് നടത്തുന്ന പദ്ധതിയുടെ ഭാഗമായാണ് ആയുഷ്മാന്‍ ഖുറാനയെ തെരഞ്ഞെടുത്തത്.

കുട്ടികൾക്കെതിരെയുള്ള ക്രൂരതയാണ് ലോകത്തെ ഏറ്റവും ഭീകരമായ ക്രൂരത ‘Crimes against children are the most heinous’ എന്നാണ് താരം അഭിപ്രായപ്പെട്ടത്. സര്‍ക്കാരിന്‍റെ വനിതാ ശിശുക്ഷേമ വകുപ്പും യുനിസെഫും ചേര്‍ന്നാണ് പോസ്കോ നിയമം കൃത്യമായി നടപ്പിലാക്കുന്നതിനുള്ള ഉപായമായി പദ്ധതിയ്ക്ക് രൂപം നല്‍കിയിരിക്കുന്നത്.

Read Also: പോലീസ് ഓഫീസറായിആയുഷ്മാൻ ഖുറാന; 'ആര്‍ട്ടിക്കിള്‍ 15'

ഇത്തരം ഒരു ക്യാമ്പയിന്‍റെ ഭാഗമാകാന്‍ താരം രണ്ടാമതൊന്ന് ആലോചിച്ചില്ല എന്നാണ് ഇൻഡസ്ട്രിയുടെ അകത്തുള്ള സംസാരം. വ്യത്യസ്തമായ കഥാപാത്രങ്ങൾ കൊണ്ടും കൃത്യമായ നിലപാടുകൾ കൊണ്ടും ബോളിവുഡിലെ യുവതലമുറയിലെ സെൻസിബിളായ നടൻ എനന പേര് ഇതിനോടകം നേടിക്കഴിഞ്ഞ നടനാണ് ആയുഷ്മാൻ.

ഇന്ത്യയിലെ ജാതിവിവേചനം പ്രതിപാദ്യമായ ആര്‍ട്ടിക്കിൾ 15 എന്ന ചിത്രത്തിലെ അഭിനയത്തിന് കഴിഞ്ഞ വര്‍ഷത്തെ മികച്ച നടനുള്ള അവാര്‍ഡും ആയുഷ്മാന്‍ ഖുറാന സ്വന്തമാക്കിയിരുന്നു.