ബോളിവുഡ് സിനിമാപ്രേമികൾക്ക് ഇത് തോരാ കണ്ണീരിൻ്റെ വർഷം; യുവനടൻ രഞ്ജൻ സേഗാൾ അന്തരിച്ചു!

ബോളിവുഡ് നടൻ രഞ്ജൻ സേഗാൾ അന്തരിച്ചു. 36 വയസ്സായിരുന്നു. ചണ്ഢിഗഡിലെ ആശുപത്രിയിൽ ചികിത്സയിലിരിക്കെയായിരുന്നു നമൻ അന്ത്യശ്വാസം വലിച്ചത്. മൾട്ടിപ്പിൾ ഓർഗൺ ഫെയ്ലറാണ് മരണകാരണമായി റിപ്പോർട്ടുകളിൽ ചൂണ്ടിക്കാട്ടുന്നത്. ദി സിനി ആൻ്റ് ടിവി അസോസിയേഷനായ സിൻറാ നടൻ്റെ വേർപാടിൽ അനുശോചനമറിയിച്ചുകൊണ്ട് ട്വീറ്റ് ചെയ്തു. 2010 നവംബർ മുതൽ രഞ്ജൻ സംഘടനയിൽ അംഗമാണെന്നും അദ്ദേഹത്തിൻ്റെ വിയോഗത്തിൽ നികത്താനാകാത്ത സങ്കടമുണ്ടെന്നും സിൻ്റായുടെ ഔദ്യോഗിക ട്വിറ്റർ ഹാൻഡിലിൽ കുറിച്ചു.

Also Read: അമിതാഭ് ബച്ചന് കൊവിഡ്-19 സ്ഥിരീകരിച്ചു; മുംബൈ നാനാവതി ആശുപത്രിയില്‍ പ്രവേശിപ്പിച്ചു

ഐശ്വര്യ റായി നായികയായി അഭിനയിച്ച് ശ്രദ്ധേയമായ ചിത്രം സർബ്ജിത്തിൽ ശ്രദ്ധിക്കപ്പെടുന്ന ഒരു വേഷം നടൻ രഞ്ജൻ അവതരിപ്പിച്ചിരുന്നു. ചിത്രത്തിൽ രവീന്ദ്ര പണ്ഡിറ്റിൻ്റെ കഥാപാത്രത്തെയാണ് രഢ്ജൻ അവതരിപ്പിച്ചിരുന്നത്. 2016ൽ പുറത്തിറങ്ങിയ സിനിമ ഐശ്വര്യ റായിയുടെ തിരിച്ചുവരവ് ചിത്രമായാണ് ഏറെ ഘോഷിക്കപ്പെട്ടത്. ഇത് കൂടാതെ ഫോഴ്സ്, കർമ്മ, പഞ്ചാബി ചിത്രമായ മഹി എൻആർഐ തുടങ്ങിയ ചിത്രങ്ങളിലും അഭിനയിച്ചിട്ടുണ്ട്. കുറെയേറെ കാലമായി ശാരീരിക അസ്വസ്ഥതകൾ മൂലം നടൻ ചികിത്സയിൽ കഴിയുകയായിരുന്നു.

Also Read: ജയയുടേയും ഐശ്വര്യയുടേയും ആന്റിജന്‍ ടെസ്റ്റ് നെഗറ്റീവ്; സ്രവ പരിശോധനാ ഫലം ഇന്ന്

പഞ്ചാബ് സിനിമാ മേഖലയിലും രഞ്ജൻ സുപരിചിതനായിരുന്നു. നിരവധി ടെലിവിഷൻ ഷോകളിലും രഞ്ജൻ ശ്രദ്ധേയമായ പ്രകടനങ്ങൾ കാഴ്ച വെച്ചിട്ടുണ്ട്. ക്രൈം പട്രോൾ, സാവ്ധാൻ ഇന്ത്യ, തും ദേനാ സാഥ് മേരാ, ഭവാർ, കുൽദീപക്, ഗുസ്താക് ദിൽ എന്നീ ടിവി ഷോകളിലൂടെ മിനിസ്ക്രീൻ പ്രേക്ഷകർക്കും രഞ്ജൻ്റെ മുഖം സുപരിചിതമാണ്. 2020 ബോളിവുഡിൽ നിരവധി താരങ്ങളുടെ അപ്രതീക്ഷിത വിയോഗമാണ് സംഭവിച്ചുകൊണ്ടിരിക്കുന്നത്. അഭിനയ കുലപതികളായിരുന്ന റിഷി കപൂർ, ഇർഫാൻ ഖാൻ, യുവനടൻ സുശാന്ത് സിങ് രാജ് പുത്, സരോജ് ഖാൻ, ജഗ്ദീപ് എന്നിവരാണ് ഇക്കൊല്ലം ഇതിനോടകം മരിച്ച ബോളിവുഡ് താരങ്ങൾ.

Also Read: ഐശ്വര്യ റായ്ക്കും മകള്‍ ആരാധ്യക്കും കൊവിഡ്-19