മാലാഖ പോലൊരു പെൺകുഞ്ഞ്! 'ബിപാഷയും കരണ്‍ സിംഗും' നെഞ്ചോട് ചേർത്ത് പേരു ചൊല്ലി വിളിച്ചു. അവൾ അമ്മയുടെ രാജകുമാരിയാകുമെന്നു ജ്യോതിഷി

പൗര്‍ണ്ണമി തിഥിക്ക് ശേഷം വരുന്ന ചതുര്‍ത്ഥിയാണ് സങ്കഷ്ടി ചതുര്‍ത്ഥിയായി ആചരിക്കുന്നത്. ഈ ദിവസം പ്രാർത്ഥിച്ചാൽ ജീവിതത്തിൽ സമ്പത്തും ഐശ്വര്യവും സമൃദ്ധിയും വിളയാടുമെന്നാണ് വിശ്വാസം. സങ്കഷ്ടി ചതുര്‍ത്ഥി ദിനത്തിൽ പിറന്നതിനാലാണ് കുഞ്ഞിനു ദേവിയെന്നു പേരു നൽകിയിരിക്കുന്നത്. ദേവി അനുഗ്രഹീതവും ഭക്തിയുമുള്ള കുട്ടിയായിരിക്കുമെന്ന് പ്രശസ്ത ജ്യോതിഷി പണ്ഡിറ്റ് ജഗന്നാഥ് ഗുരുജി പറഞ്ഞു. അവൾ മാതാപിതാക്കളഉടെ ജീവിതത്തിൽ ഭാഗ്യവും സന്തോഷവും സമൃദ്ധിയും മനോഹാരിതയും കൊണ്ടുവരുമെന്നും ജ്യോതിഷി പറയുന്നു.

വളരെ ഈശ്വരഭക്തയായ വ്യക്തിയാണ് ബിപാഷ. ദേവി എന്ന പേര് മാതാപിതാക്കളുടെ നല്ല തിരഞ്ഞെടുപ്പാണ്. ദേവി ആത്മീയതയിലും മതത്തിലും ചായ്‌വ് കാണിക്കുന്നയാളായിരിക്കും. ശാന്തതയും ദയയും കൊണ്ട് ആളുകളുടെ ഹൃദയങ്ങളെ കീഴടക്കുമെന്നും ബിപാഷ ബസുവിൻ്റെയും കരൺ സിംഗ് ഗ്രോവറിൻ്റെയും കരിയർ കുഞ്ഞിൻ്റെ സാന്നിധ്യത്താൽ ഉയർച്ച നേടുമെന്നും ജ്യോതിഷി പറയുന്നു. ദേവി ഒരു മോഡേൺ പെൺകുട്ടിയായിരിക്കുമെന്നും അവളുടെ ഇന്ത്യൻ വേരുകൾ അമ്മയെപ്പോലെ ഒരുപാട് വിലമതിക്കുന്നുണ്ടെന്നും അവൾ അവളുടെ അമ്മയുടെ രാജകുമാരിയാകുമെന്നു ജ്യോതിഷി കൂട്ടിച്ചേർത്തു.

നായികയായും സഹതാരമായും നെഗറ്റീവ് റോളുകളിലുമെല്ലാം ബോളിവുഡിൽ തിളങ്ങിയ ബിപാഷ 2016 ൽ കരണ്‍ സിംഗ് ഗ്രോവറുമായുള്ള വിവാഹ ശേഷം സിനിമ വിട്ടിരുന്നു. സിനിമയിൽ നിന്നും അകന്നെങ്കിലും താരം സമൂഹ മാധ്യമങ്ങളിൽ സജീവമാണ്. കുഞ്ഞുങ്ങളെ ദത്തെടുത്തു വളർത്താനും വളരെ ഇഷ്ടമാണെന്നു ഈ ദമ്പതികൾ മുമ്പ് പറഞ്ഞിട്ടുണ്ട്. രാജ്യത്ത് അടിസ്ഥാന സൗകര്യങ്ങള്‍ പോലും ലഭിക്കാത്ത ധാരാളം കുട്ടികളുണ്ട്. അവരെ പരിപാലിക്കേണ്ടതു നമ്മുടെ ഉത്തരവാദിത്തമാണ്, ബിപാഷ ബസു പറഞ്ഞു.

രണ്ടാമത്തെ മറ്റേണിറ്റി ഫോട്ടോഷൂട്ടിന്റെ ഫോട്ടോകൾ പങ്കുവെച്ച് 'നിങ്ങൾ ജീവിക്കുന്ന ശരീരത്തെ സ്നേഹിക്കു' എന്നാണ് ബിപാഷ പറഞ്ഞത്. 43 -ാം വയസിൽ അമ്മയായതിൻ്റെ സന്തോഷത്തിലാണ് താരസുന്ദരി. ജീവിതത്തില്‍ പുതിയൊരു ഘട്ടത്തിലേക്ക് കടക്കുകയാണെന്നും ഇതുവരെ കടന്നുവന്നതില്‍ വ്യത്യസ്തമായൊരു സമയത്തിലേക്കാണ് ഇനി യാത്രയെന്നും ബിപാഷ മുമ്പ് കുറിച്ചിരുന്നു. എല്ലാവരുടെയും സ്നേഹത്തിനും പ്രാര്‍ത്ഥനകള്‍ക്കും നന്ദിയും പറയുന്നുണ്ട്.

Read Latest Movie News And Malayalam News