Also Read: നടന്‍ പൃഥ്വിരാജിന് കൊവിഡ്
ഇന്ത്യയുടെ റൊമാന്റിക് കപ്പിള്‍
ചിത്രത്തിലൂടെ ഷാരൂഖും കാജോളും ഇന്ത്യയുടെ റൊമാന്റിക് കപ്പിളായി മാറുകയായിരുന്നു. അന്ന് ലഭിച്ച റൊമാന്റിക് ഹീറോ പരിവേഷം ഇന്നും ഷാരൂഖിന് ചുറ്റുമുണ്ടെന്നതാണ് വാസ്തവം. എന്നാല്‍ രസകരമായൊരു വസ്തുത, ചിത്രത്തില്‍ അഭിനയിക്കാന്‍ ഷാരൂഖ് തയ്യാറായിരുന്നില്ല എന്നതാണ്. പ്രമുഖ ഫിലിം ക്രിട്ടിക് അനുപമ ചോപ്രയുടെ പുസ്തകത്തിലാണ് ഇതേക്കുറിച്ച് പറയുന്നത്.
വ്യത്യസ്തനാകാന്‍ ആഗ്രഹിച്ചിരുന്നു
റൊമാന്റിക് ചിത്രങ്ങള്‍ക്ക് കാമ്പില്ലായിരുന്നുവെന്നും ദുര്‍ബലമായിരുന്നുവെന്നാണ് ഷാരൂഖ് കരുതിയിരുന്നത്. മറ്റ് ഖാന്മാരില്‍ നിന്നും വ്യത്യസ്തനാകാന്‍ അദ്ദേഹം ആഗ്രഹിച്ചിരുന്നു. ആമിറും സല്‍മാനുമെല്ലാം അന്ന് റൊമാന്റിക് കഥാപാത്രങ്ങളായിരുന്നു ചെയ്തിരുന്നത്. ഷാരൂഖ് ആകട്ടെ നെഗറ്റീവ് റോളുകളിലൂടെ ശ്രദ്ധ നേടുകയായിരുന്നു.
പകരം കണ്ടത് സെയ്ഫിനെ
മൂന്ന് ആഴ്ചകളിലായി ആദിത്യ ചോപ്ര പലവട്ടം ഷാരൂഖിനെ കണ്ടു. ചിത്രത്തില്‍ അഭിനയിക്കണമെന്ന് ആവശ്യപ്പെട്ടു. ഒരു ഘട്ടത്തില്‍ ആദിത്യ പ്രതീക്ഷകള്‍ ഉപേക്ഷിച്ചിരുന്നു. സെയ്ഫ് അലി ഖാനെ പകരം നായകനായി ആദിത്യ തീരുമാനിക്കുകയും ചെയ്തു. ആ സമയം കരണ്‍ അര്‍ജുന്റെ ചിത്രീകരണത്തിലായിരുന്നു ഷാരൂഖ്. പിന്നീട് അദ്ദേഹം ഓക്കെ പറയുകയായിരുന്നു.
സിമ്രനെ ഇഷ്ടം വരാതെ കാജോള്‍
ചിത്രത്തിലെ നായികയായ കാജോള്‍ തന്റെ കഥാപാത്രമായിരുന്ന സിമ്രനെ കുറിച്ച് കരുതിയിരുന്നത് ബോറിങ് ആണെന്നായിരുന്നു. പക്ഷെ പിന്നീട് എല്ലാവരിലും ഒരു സിമ്രനുണ്ടെന്നും അവള്‍ കുറച്ച് പഴഞ്ചനാണെങ്കിലും കൂള്‍ ആണെന്നും ബോധ്യപ്പെട്ടുവെന്നും അങ്ങനെയാണ് സിനിമയിലേക്ക് എത്തുന്നതെന്നും കാജോള്‍ പറയുന്നു.