പാരമ്പര്യം നിലനിർത്തണം: ആൺകുട്ടിക്ക് വേണ്ടി ഐശ്വര്യ റായ് IVF ചെയ്തു: ബാങ്കോക്കിലെ പ്രശസ്ത ക്ലിനിക്കിൽ ദമ്പതികൾ കോടികൾ ചിലവിട്ടു; ആരോപണം!

സ്വന്തം കുടുംബ ജീവിതം സ്വകാര്യമായി തന്നെ കൊണ്ടുപോകാൻ ശ്രദ്ധിക്കുന്ന താരങ്ങളാണ് ഐശ്വര്യയും, ഭർത്താവ് അഭിഷേക് ബച്ചനും. മകൾ ആരാധ്യയെ കാമറക്കണ്ണുകളിൽ നിന്നും അകറ്റി നിർത്താൻ ഐശ്വര്യ ശ്രമിക്കുന്ന ചിത്രങ്ങളും നിരവധി തവണ മാധ്യമങ്ങളിൽ വന്നിട്ടുണ്ട്. ഇപ്പോഴിതാ കുടുംബത്തെകുറിച്ച് മുൻപ് വന്നൊരു ആരോപണം ആണ് വൈറലായി മാറുന്നത്.

ഐശ്വര്യ റായ് ഒരു ആൺകുട്ടി ജനിക്കാൻ IVF നടത്തി എന്നൊരു ആക്ഷേപം വൻ വിവാദങ്ങൾക്ക് തിരി കൊളുത്തിയിരുന്നു. "ബാങ്കോക്കിൽ ആൺകുഞ്ഞുങ്ങളെ സൃഷ്ടിക്കുന്നതിൽ സ്പെഷലൈസ്ഡ് ആയ ഒരു ഐവിഎഫ് ക്ലിനിക്കിലേക്ക് പോകുന്ന വഴി ഞങ്ങൾക്ക് ഒരു പെൺകുഞ്ഞിനെ വേണമെന്ന് 2 സൂപ്പർതാരങ്ങൾ അഭിമുഖങ്ങൾ നൽകിയിരുന്നു", എന്ന് തുടങ്ങുന്ന ട്വീറ്റ് ആണ് വീണ്ടും വൈറലാകുന്നത്.

ഇത്രയും വലിയ കാപട്യം. ജനിക്കാൻ പോകുന്നത് ആൺകുട്ടിയാണ് എന്നവർക്കറിയാം, കാരണം എന്ത് വിലകൊടുത്തും ഒരു പുരുഷ അവകാശിയെ അവർക്ക് ഹാജരാക്കണം. യുപിക്കാരുടെ സ്ഥിരം ചിന്താഗതി. വെറുതയല്ല ഈ സംസ്ഥാനത്ത് ഇത്രയധികം പെൺ ഭ്രൂണഹത്യകൾ നടക്കുന്നത്" ഭൈരവി ഗോസ്വാമി എന്ന പേരിലുള്ള ട്വിറ്റർ അക്കൗണ്ടിൽ നിന്നും വന്ന പോസ്റ്റ് ആണ് ഏറെ വിവാദങ്ങൾക്ക് വഴി വെച്ചത്. നോർത്ത് ഇന്ത്യൻ ജീവിത രീതിയും, ബച്ചൻ കുടുംബത്തിന്റെ പാരമ്പര്യവുമെല്ലാം തുലനം ചെയ്യപ്പെട്ട വിവാദത്തിൽ ഐശ്വര്യ റായിക്കെതിരെ ഉയർന്ന ആരോപണം വിശ്വസിക്കുന്നവരും കൂടുതലായിരുന്നു. തങ്ങൾക്കെതിരെ വന്ന ട്വീറ്റിന് മറുപടി നൽകാൻ ബച്ചൻ കുടുംബം ശ്രമിച്ചതുമില്ല.

ഹേറ്റ് സ്റ്റോറി എന്ന സിനിമയിൽ മുഖം കാണിച്ചിട്ടുള്ള ഭൈരവി ഗോസ്വാമിയുടെ പേരിലുള്ള അക്കൗണ്ടിൽ നിന്നുമാണ് ഈ ട്വീറ്റ് വന്നത് എന്നതും വിവാദങ്ങൾക്ക് ശക്തി പകർന്നു. എന്നാൽ സർവ്വ വിവാദങ്ങളും അവസാനിപ്പിച്ചുകൊണ്ട് 2011 നവംബർ 16 ന് ഐശ്വര്യ ഒരു പെൺകുഞ്ഞിന് ജന്മം നൽകി. എന്തടിസ്ഥാനത്തിലാണ് നിങ്ങൾ ജനങ്ങളെ തെറ്റിദ്ധരിപ്പിക്കുന്ന ട്വീറ്റ് നൽകിയത് എന്ന ചോദ്യത്തിന് താൻ ആരെയും പേരെടുത്ത് പരാമർശിച്ചിട്ടില്ല, ജനങ്ങൾ തെറ്റിദ്ധരിച്ചതാണ് എന്നായിരുന്നു ഭൈരവിയുടെ ആദ്യ പ്രതികരണം.

"സെലിബ്രിറ്റികളെ കുറിച്ച് ഞാൻ ട്വീറ്റ് ചെയ്യാറില്ല. സെലബ്രിറ്റികൾക്ക് സാമൂഹിക ശ്രദ്ധയും ആവശ്യമില്ല. പൊതുവിഷയങ്ങളെ കുറിച്ചാണ് ഞാൻ ട്വീറ്റുകൾ ചെയ്യാറുള്ളത്. എനിക്ക് താല്പര്യം സാധാരണക്കാരോടാണ്, സെലിബ്രിറ്റികളുടെ കാര്യത്തിലല്ല" ഭൈരവി പറഞ്ഞു. സൂപ്പർ താരങ്ങൾ എന്ന് പറഞ്ഞാൽ ഇന്ത്യൻ തന്നെയാകണം എന്നില്ലല്ലോ ? ആരുമാകാം. യുപി മാനസികാവസ്ഥ ഉള്ള ആളുകൾ ലോകത്ത് ഒരുപാടില്ലെ ? എന്നായിരുന്നു ഭൈരവിയുടെ വിശദീകരണം.