മോദിയെ 'അര്‍ബൻ നാസി'യെന്ന് വിളിച്ച് സംവിധായകൻ അനുരാഗ് കശ്യപ്

പ്രധാനമന്ത്രി നരേന്ദ്ര മോദിയെ അര്‍ബൻ നാസി എന്ന് വിശേഷിപ്പിച്ച് ബോളിവുഡ് സംവിധായകനും നടനുമായ അനുരാഗ് കശ്യപ്. ട്വിറ്ററിലൂടെയാണ് ഈ പരാമര്‍ശം അദ്ദേഹം നടത്തിയിരിക്കുന്നത്. പൗരത്വ നിയമത്തിനെതിരെ രാജ്യമെങ്ങും നടത്തുന്ന പ്രതിഷേധങ്ങള്‍ക്ക് മറുപടിയായി കഴിഞ്ഞ ദിവസം മോദി നൽകിയിരിക്കുന്ന മറുപടിയിലെ കള്ളങ്ങൾ പൊളിച്ചടുക്കിക്കൊണ്ടുള്ള ട്വീറ്റും താരം പങ്കുവെച്ചിട്ടുണ്ട്.

Also Read: പൗരത്വ ബില്ലിനെതിരെ പ്രതിഷേധിക്കുന്നവർ ഈ ക്രിസ്മസിനെങ്കിലും വീട്ടിലൊരു നക്ഷത്രം തൂക്കണമെന്ന് ഹരീഷ് പേരടി


മുസ്ലീം അഭയാര്‍ഥികളെ തടവിൽ പാര്‍പ്പിക്കുകയാണ് എന്നാണ് പ്രചാരണം നടക്കുന്നതെയുന്നും എവിടെയാണ് തടവറകള്‍ നിര്‍മ്മിച്ചിരിക്കുന്നതെന്നുമായിരുന്നു മോദി ചോദിച്ചിരുന്നത്. കോൺഗ്രസും അര്‍ബൻ നക്സലുകളുമൊക്കെ തടവറയെപറ്റി നടത്തുന്നത് വ്യാജ പ്രചാരണം ആണെന്നുമായിരുന്നു മോദി പറഞ്ഞിരുന്നത്. ഇതിനൊക്കെ ശേഷമാണ് ഇപ്പോൾ മോദിയെ അര്‍ബൻ നാസിയെന്ന് വിശേഷിപ്പിച്ചുകൊണ്ട് തടവറുകളെകുറിച്ചുള്ള തെളിവുകളും കശ്യപ് നിരത്തിയിരിക്കുന്നത്.

Also Read: പൗരത്വ നിയമത്തെ വിമര്‍ശിച്ച് ഷെയിൻ നിഗം; നമ്മുടെ സ്വന്തം രാജ്യത്ത് നമ്മൾ രണ്ടാം കിട പൗരന്മാർ ആകുന്നുവെന്ന് താരം!



ആസമിലേയും മറ്റുമുള്ള കരുതൽ തടവറുകളുടെ ചിത്രങ്ങള്‍ സഹിതമാണ് കശ്യപിന്‍റെ ട്വീറ്റ്. പൗരത്വ ഭേദഗതി നിയമത്തിനെതിരെ ആദ്യം മുതൽ തന്‍റെ ശക്തമായ നിലപാടുകള്‍ കശ്യപ് ട്വീറ്റ് ചെയ്യാറുണ്ട്. പൗരത്വ നിയമത്തിൽ തന്‍റെ അഭിപ്രായം അറിയിച്ചതിനെതുടര്‍ന്ന് ട്വിറ്റര്‍ തന്‍റെ ഫോളോവേഴ്സിനെ മനപ്പൂര്‍വ്വം പിൻവലിക്കുകയുണ്ടായെന്നു കാണിച്ചും മുമ്പ് കശ്യപ് എത്തിയിരുന്നു.

Also Watch :