Also Read: പിറന്നാള്‍ ദിനത്തിൽ നടി ശോഭയെപ്പോലെ അണിഞ്ഞൊരുങ്ങി രേഷ്മ
ഫോള്‍ട്ട് ഇന്‍ ഔര്‍ സ്റ്റാര്‍സിന്റെ ചലച്ചിത്രാവിഷ്കാരം
ജോണ്‍ ഗ്രീനിന്റെ ബെസ്റ്റ് സെല്ലറായ ഫോള്‍ട്ട് ഇന്‍ ഔര്‍ സ്റ്റാര്‍സിന്റെ ചലച്ചിത്രാവിഷ്കാരമാണ് ദില്‍ ബേച്ചാര. ഇതേ പേരിലൊരു ഹോളിവുഡ് ചിത്രമുണ്ട്. സിനിമാ പ്രേമികളുടെ പ്രിയ സിനിമകളിലൊന്നാണത്. അതുകൊണ്ട് തന്നെ ദില്‍ ബേച്ചാര റിലീസ് ചെയ്യുമ്പോള്‍ ഫോള്‍ട്ട് ഇന്‍ ഔര്‍ സ്റ്റാറുമായുള്ള താരതമ്യത്തിനുള്ള സാധ്യതയുണ്ട്.
എവിടെ കാണാം ?
ഇന്ന് ഡിസ്നി പ്ലസ് ഹോട്ട്സ്റ്റാറിലൂടെയാണ് ദില്‍ ബേച്ചാര റിലീസ് ചെയ്യുക. ഇന്ത്യന്‍ സമയം വെെകിട്ട് 7.30 ന് ചിത്രം ഒടിടി പ്ലാറ്റ്ഫോമിലെത്തും. സബ്സ്ക്രിഷ്ന്‍ ഉള്ളവര്‍ക്കും ഇല്ലാത്തവര്‍ക്കും ഹോട്ട്സ്റ്റാറിലൂടെ സിനിമ കാണാനാകും. സുശാന്തിനുള്ള ആദരമെന്ന നിലയിലാണ് സൗജന്യമായി ചിത്രം പ്രേക്ഷകരിലേക്ക് എത്തിക്കുന്നതെന്ന് ഹോട്ട്സ്റ്റാര്‍ അറിയിച്ചിരുന്നു.
കെെയ്യടി നേടി ട്രെയിലറും ഗാനങ്ങളും
സിനിമയുടെ ട്രെയിലര്‍ കഴിഞ്ഞ ദിവസം പുറത്ത് വന്നിരുന്നു. പേക്ഷകരില്‍ നിന്നും മികച്ച പ്രതികരണമാണ് ലഭിക്കുന്നത്. എആര്‍ റഹ്മാന്‍ ആണ് ചിത്രത്തിന്റെ സംഗീതം ഒരുക്കിയിരിക്കുന്നത്. ഗാനങ്ങളെല്ലാം ഇതിനോടകം തന്നെ ഹിറ്റ് ചാര്‍ട്ടുകളില്‍ ഇടം നേടിക്കഴിഞ്ഞു.
പിന്തുണയുമായി താരങ്ങളും
ആരാധകരെ പോലെ തന്നെ താരങ്ങളും ഏറെ പ്രതീക്ഷയോടെയാണ് ചിത്രത്തിനായി കാത്തിരിക്കുന്നത്. സാറ അലി ഖാന്‍, കൃതി സനോന്‍, കാര്‍ത്തിക് ആര്യന്‍, രണ്‍വീര്‍ ഷോരെ തുടങ്ങിയവര്‍ ചിത്രം കാണണമെന്ന് ആരാധകരോട് ആവശ്യപ്പെട്ട് രംഗത്ത് എത്തിയിരുന്നു.