സുശാന്തിൻ്റെ മരണം; മൊഴി കൊടുക്കാൻ മുംബൈയിലെത്തി തിരിച്ച സഞ്ജനയുടെ കുറിപ്പ് ചർച്ചയാകുന്നു!

ഡൽഹിയിലായിരുന്ന സഞ്ജനയെ മുംബൈയിലേക്ക് വിളിപ്പിച്ചായിരുന്നു മൊഴിയെടുക്കൽ. അതിനു ശേഷം സഞ്ജന മുംബൈയിൽ നിന്ന് ഡൽഹിയിലേക്ക് മടങ്ങുന്നതിന് തൊട്ടുമുൻപ് സോഷ്യൽ മീഡിയയിൽ പങ്കുവെച്ച കുറിപ്പാണ് ഇപ്പോൾ ചർച്ചയാകുന്നത്.

നാലുമാസങ്ങൾക്ക് ശേഷം മുംബൈയിലേക്ക് മടങ്ങിയെത്തിയ വിശേഷമാണ് സഞ്ജന പങ്കുവെച്ചിരിക്കുന്നത്. കുറച്ച് കാലങ്ങൾക്ക് ശേഷം കണ്ട മുംബൈയ്ക്ക് സഞ്ജന യാത്ര പറഞ്ഞ വിധമാണ് ശ്രദ്ധേയമാകുന്നത്.

Also Read: വൈകാരികമായ വാക്കുകളിലൂടെ സുശാന്തിൻ്റെ ഓർമ്മയിൽ സഹോദരി; പ്രിയപ്പെട്ടവൾക്കൊപ്പമുള്ള ചിത്രവും!

ഗുഡ് ബൈ മുംബൈ, നാലു മാസങ്ങൾക്ക് ശേഷമാണ് ഞാൻ നിന്നെ കാണുന്നത്. ഇപ്പോൾ ഞാൻ ഡൽഹിക്കു തിരിക്കുകയാണ്. നിൻ്റെ വഴികൾക്കൊക്കെ വലിയ മാറ്റം സംഭവിച്ചിരിക്കുന്നു.അതൊക്കെ മരുഭൂമി പോലെയായി. ഒരുപക്ഷേ എൻ്റെ ഉള്ളിലെ സങ്കടം കൊണ്ട് തോന്നുന്നതാകാം.

അല്ലെങ്കിൽ ഒരുപക്ഷേ നീ വളരെ സങ്കടത്തിലാകാം. എന്തായാലും ഉടൻ വീണ്ടും വരാം, കാണാം. ഒരുപക്ഷേ വരാതിരിക്കാം. സഞ്ജന ഇൻസ്റ്റാഗ്രാമിൽ കുറിച്ചത് ഇങ്ങനെയായിരുന്നു. മുബൈ എയർപോർട്ടിൽ നിന്നുള്ള സ്വന്തം ചിത്രവും സഞ്ജന പങ്കുവെച്ചിരുന്നു.