ഒരു ദിവസത്തെ പ്രതിഫലം 4 ലക്ഷം! ആശ്ചര്യപ്പെടേണ്ട, അർഹിക്കുന്നത് തന്നെയാണ് വാങ്ങിക്കുന്നത്! അതൊട്ടും കൂടുതൽ അല്ലെന്ന് പ്രിയാമണി

ബോളിവുഡിൽ നടൻ അജയ് ദേവ്ഗണിനൊപ്പം മൈതാൻ, ഷാരുഖ് ഖാൻ ആറ്റ്‌ലി ചിത്രം വീരാട പർവ്വം, എന്നിങ്ങനെ നിരവധി സിനിമകളാണ് പ്രിയാമണിയുടേതായി അണിയറയിൽ ഒരുങ്ങുന്നത്. ഹിന്ദിയിലെ സൂപ്പർഹിറ്റ് വെബ് സീരിസായ ഫാമിലി മാൻ്റെ ഒന്ന്, രണ്ട് സീരിസുകളിലും പ്രിയാമണി പ്രധാന കഥാപാത്രങ്ങളിലൊന്നായി അഭിനയിച്ചിരുന്നു.

ഫാമിലി മാനിലെ മനോജ് ബാജ്‌പേയിയുടെ ശ്രീകാന്ത് തിവാരി എന്ന കഥാപാത്രത്തിൻ്റെ ഭാര്യ സുചിത്ര തിവാരി എന്ന കഥാപാത്രത്തെയാണ് അവർ അവതരിപ്പിക്കുന്നത്. ഇതിന് പിന്നാലെ നിരവധി അവസരങ്ങളാണ് പ്രിയാമണിയെ തേടിയെത്തുന്നത്. ഫാമിലി മാൻ വൻ ഹിറ്റായി മാറിയതോടെ താരങ്ങളുടെ റേഞ്ചും മാറി.

സൂപ്പർതാരങ്ങളുടെ സിനിമകളിൽ സജീവമായതോടെ പ്രിയാമണി തൻ്റെ പ്രതിഫലത്തിലും വലിയൊരു വർധനവ് നടത്തിയിരുന്നു. ഒരു അഭിമുഖത്തിൽ നടി ഇക്കാര്യം തുറന്ന് പറയുകയും ചെയ്തിരുന്നു. ബോളിവുഡ് ബബിളിന് നൽകിയ അഭിമുഖത്തിലാണ് പ്രിയാമണി തൻ്റെ പ്രതിഫലത്തെ കുറിച്ച് സംസാരിച്ചത്.

പ്രിയാമണി ഒരു ദിവസം ഒന്നരലക്ഷം രൂപയായിരുന്നു മുൻപ് പ്രതിഫലമായി വാങ്ങിയിരുന്നത്. എന്നാലിപ്പോൾ തൻ്റെ പുതിയ സിനിമകളിൽ താരം ഒരു ദിവസം മൂന്നു മുതൽ നാലു ലക്ഷം വരെയാണ് പ്രതിഫലമായി വാങ്ങുന്നത്. പ്രിയാമണിയുടെ ഏറ്റവും പുതിയ പ്രൊജക്റ്റ് ഭാമകലാപം ഒടിടിയിൽ വൻ ഹിറ്റായിരുന്നു. ആഹായിലൂടെയാണ് ഈ സിനിമ പുറത്തെത്തിയത്.

ഒരു കോമഡി സിനിമയായിരുന്നു ഇത്. പ്രിയാമണിയുടെ പ്രകടനത്തെ വിമർശകർ പോലും പ്രശംസിച്ചിരുനനു. വെങ്കിടേഷും പ്രിയാമണിയും ഒന്നിച്ച നാരപ്പ പോലും വൻ വിജയമായി മാറിയിരുന്നു. തമിഴകത്ത് തരംഗം തീർത്ത അസുരൻ്റെ റീമേക്ക് ആയിരുന്നു നാരപ്പ. 2021 ജൂലൈയിൽ, സീതയുടെ ജീവിതത്തെ ആസ്പദമാക്കി നിർമ്മിച്ച സിനിമയ്ക്കായി കരീന കപൂർ ഖാൻ പ്രതിഫലത്തുക കൂട്ടിയപ്പോൾ നടിയെ പിന്തുണച്ച് പ്രിയാമണി എത്തിയപ്പോഴും വലിയ വാർത്താ പ്രാധാന്യം കിട്ടിയിരുന്നു.

സ്ത്രീകൾ തങ്ങൾക്ക് ആവശ്യമുള്ളത് പറയാൻ കഴിയുന്ന ഒരു ഘട്ടത്തിൽ എത്തിയ കാലമാണ് ഇതെന്നും. അർഹമായത് ചോദിച്ച് വാങ്ങിക്കണമെന്നും നടി പറഞ്ഞിരുന്നു. അത് തെറ്റാണെന്നുള്ള ആളുകളുടെ കമൻ്റുകൾ കൊണ്ട് മാത്രം ആ വ്യക്തി അതിന് അർഹനല്ലാതാകില്ലെന്നും പ്രിയാമണി പറഞ്ഞിരുന്നു. ഈ നടിമാർ ഈ നിലയിലെത്താൻ കഠിനമായി പരിശ്രമിച്ചിട്ടുണ്ടെന്നും അതിനാൽ അവർ ആവശ്യപ്പെട്ട് പ്രതിഫലം വാങ്ങുന്നതിൽ തെറ്റെന്താണെന്നും പ്രിയാമണി ചോദിച്ചിരുന്നു.

സിനിമയിൽ തിളങ്ങി നിൽക്കുമ്പോഴാണ് ബിസിനസ്സുകാരൻ മുസ്തഫയെ പ്രിയാമണി പ്രണയിച്ച് വിവാഹം കഴിച്ചത്. വിവാഹശേഷവും അഭിനയരംഗത്ത് സജീവമായ താരം മിനിസ്‌ക്രീനിലെ ചില റിയാലിറ്റി ഷോകളിലും സജീവമാണ്. സോഷ്യൽ മീഡിയയിൽ നടി ഏറ സജീവയാണ്. തന്റെ പുതിയ ചിത്രങ്ങളും വിശേഷങ്ങളും നടി ആരാധകർക്കായി പങ്കുവെയ്ക്കാറുണ്ട്.