ആരാണ് ഷക്കീല?
പതിനാറാം വയസ്സിൽ ബി ഗ്രേഡ് സിനിമയിൽ അഭിനയിച്ചു തുടങ്ങിയ നടി ഷക്കീലയുടെ യഥാർത്ഥ ജീവിതവും സിനിമാ ജീവിതവും പ്രമേയമാക്കിയാണ് ഷക്കീല സിനിമ ഒരുങ്ങുന്നത്. തെന്നിന്ത്യയിലെ താരാധിപത്യത്തിനിടയിലും ഷക്കീല ചിത്രങ്ങൾ കൈവരിച്ച വിജയങ്ങളെ കുറിച്ചും സിനിമ ചർച്ച ചെയ്യുന്നുണ്ടെന്നാണ് ട്രെയിലറിൽ നിന്ന് മനസ്സിലാക്കാനാവുന്നത്.
സംഭവ ബഹുലമായ ജീവിതം
ഇന്ദ്രജിത് ലങ്കേഷ് സംവിധാനം ചെയ്യുന്ന ചിത്രത്തില്‍ പങ്കജ് ത്രിപതി, മലയാളി താരം രാജീവ് പിള്ള, സമ്മി നന്‍വാനി, സഹില്‍ നന്‍വാനി തുടങ്ങി നിരവധി താരങ്ങൾ അഭിനയിക്കുന്നുണ്ട്. ഷക്കീലയോട് നേരിട്ട് സംസാരിച്ച് തന്നെയാണ് അവരുടെ ജീവിതത്തിലെ സംഭവങ്ങൾ സിനിമയിൽ ഇന്ദ്രജിത് അവതരിപ്പിച്ചിട്ടുള്ളത്.
Also Read: 'പാവ കഥൈകൾക്കായി ഇനി കാത്തിരിക്കാൻ വയ്യ, നീ പൊളിക്ക്!'; കണ്ണന് ആശംസകളുമായി ഗോകുൽ!
ആരാണ് സ്വാധീനിച്ചത്
ഷക്കീലയുടെ സിനിമാ പ്രവേശനത്തിന് സ്വാധീനം ചെലുത്തിയതാരാണെന്നും ബോഡി ഡ്യൂപ് വിവാദവുമൊക്കെ സിനിമയിൽ ചേർത്തിട്ടുണ്ടെന്നാണ് ട്രെയിലറിൽ നിന്ന് അറിയാനാകുന്നത്. തമിഴ്, തെലുങ്ക്, മലയാളം, കന്നഡ ഭാഷകളിലായി 250ലേറെ ചിത്രങ്ങളിലാണ് ഷക്കീല ഇതിനകം അഭിനയിച്ചിട്ടുള്ളത്.
ക്രിസ്മസ് റിലീസ്
ക്രിസ്മസിനാണ് ചിത്രം തിയേറ്ററുകളില്‍ എത്താനായി ഒരുങ്ങുന്നത്. ബോളിവുഡിലെ ശ്രദ്ധേയയായ നടി റിച്ച ഛദ്ദ, ഷക്കീലയായി അരങ്ങ് തകർപ്പൻ പ്രകടനമാണ് നടത്തിയിരിക്കുന്നതെന്നാണ് ട്രെയിലറിൽ നിന്ന് ലഭിക്കുന്ന സൂചന.
Also Read: 'ഫോറന്‍സിക്' സംവിധായകന്‍ അഖില്‍ പോള്‍ വിവാഹിതനാകുന്നു