രാത്രിയിൽ സൊനാക്ഷിയ്ക്ക് മോഷണമാണ് പണിയല്ലേ! ചിരിപ്പിച്ച് പുതിയ വീഡിയോ

ബോളിവുഡ് സിനിമാ ലോകത്തെ ശ്രദ്ധേയ താരമാണ് ശത്രുഘ്നൻ സിൻഹയുടേയും പൂനം സിൻഹയുടേയും മകള്‍ സൊനാക്ഷി സിൻഹ. ക്രിസ്മസും പുതുവര്‍ഷവും ആഘോഷിക്കാന്‍ മിക്ക സിനിമാ താരങ്ങളും മാലി ദ്വീപും ഗോവയുമൊക്കെ തിരഞ്ഞെടുത്തപ്പോള്‍ സൊനാക്ഷി എത്തിയത് ദൈവത്തിന്‍റെ സ്വന്തം നാടായ നമ്മുടെ കേരളത്തിലായിരുന്നു.

Also Read: കയല്‍ ആനന്ദി വിവാഹിതയായി; വരൻ സോക്രട്ടീസ്!

കേരളത്തിൽ നിന്നുള്ള അവധിക്കാല ചിത്രങ്ങള്‍ സോഷ്യല്‍ മീഡിയയിലൂടെ സൊനാക്ഷി പങ്കുവെച്ചിരുന്നത് ഏറെ ശ്രദ്ധിക്കപ്പെട്ടിരുന്നു. ആലപ്പുഴയിൽ ഹൗസ് ബോട്ടിൽ ഇരുന്നു കൊണ്ട് കാഴ്ചകൾ ആസ്വദിക്കുന്നൊരു ചിത്രമായിരുന്നു അത്. ഇപ്പോഴിതാ രസകരമായ ഒരു വിഡിയോ ഇൻസ്റ്റയിൽ പങ്കുവെച്ചിരിക്കുകയാണ് സോനാക്ഷി.

ഭക്ഷണ പ്രിയയായ താരം രാത്രിയിൽ അടുക്കളയിൽ കയറി ഒളിച്ചിരുന്ന് സ്നാക്ക്സ് കഴിക്കുന്ന വീഡിയോയാണ് പുറത്തുവന്നിരിക്കുന്നത്. അലമാരയിൽ നിന്ന് ഓരോരോ സ്നാക്സുകളായി പുറത്തെടുത്ത് അടുക്കളയിൽ നിന്ന് പുറത്തേക്ക് കടത്തുന്നതാണ് വീഡിയോയിലുള്ളത്. തനിക്ക് അടുക്കളയിൽ നിന്നുള്ള ഈ മോഷണം ഏറെ ഇഷ്ടമാണെന്നും സൊനാക്ഷി കുറിച്ചിട്ടുണ്ട്.

Also Read: പത്തുവർഷം മുമ്പ് ഈ ദിവസം, ഈ സമയം , ഈ മുറിയിൽ രാജേഷ് ഉണ്ടായിരുന്നു


അക്ഷയ് കുമാര്‍, വിദ്യാ ബാലൻ, താപ്സി പന്നു എന്നിവര്‍ക്കൊപ്പം മിഷൻ മംഗളിലാണ് ഒടുവിലായി സൊനാക്ഷി അഭിനയിച്ചത്. അജയ് ദേവ്ഗണിനും സഞ്ജയ് ദത്തിനുമൊപ്പം ബുജ്-ദി പ്രൈഡ് ഓഫ് ഇന്ത്യയാണ് സൊനാക്ഷി അഭിനയിച്ച് ഇനി പുറത്തിറങ്ങാനിരിക്കുന്ന പുതിയ ചിത്രം.

Also Watch :