സുശാന്ത് സിങ്ങിന്റെ മരണം: വ്യാജകുറിപ്പടി തയ്യാറാക്കിയെന്ന് സുശാന്തിന്റെ സഹോദരി പ്രിയങ്കയ്ക്കെതിരെ റിയയുടെ പരാതി

ആംഗ്സെെറ്റിക്കുള്ള മരുന്നിനുള്ള പ്രിസ്ക്രിപ്ഷനാണ് പ്രിയങ്ക കൃത്രിമമായി നിര്‍മ്മിച്ചത്. ഡോക്ടര്‍ തരുണ്‍ കുമാര്‍ ഇതിനായി പ്രിയങ്കയെ സഹായിച്ചെന്നും റിയ പരാതില്‍ പറയുന്നു. ഈ നടപടി പരിശോധിക്കണമെന്നും പ്രിയങ്കയ്ക്കെതിരെ നടപടി വേണമെന്നുമാണ് റിയ ആവശ്യപ്പെടുന്നത്.

മൂന്ന് മരുന്നുകളാണ് ഇത്തരത്തില്‍ പ്രിയങ്ക സുശാന്തിന് എത്തിച്ചു നല്‍കിയത്. ഈ സംഭവം നടക്കുന്നത് ജൂണ്‍ എട്ടിനാണ്. സുശാന്തിനെ മരിച്ച നിലയില്‍ കണ്ടെത്തുന്നത് ജൂണ്‍ 14 നാണെന്നും അതിനാല്‍ സഹോദരിയുടെ നീക്കം പരിശോധിക്കണമെന്ന് റിയ പറയുന്നു.

ഡല്‍ഹിയിലെ ഒരു ആശുപത്രിയിലെ പ്രിസ്ക്രിപ്ഷനാണ് വ്യാജമായി നിര്‍മ്മിച്ചത്. എന്നാല്‍ ഈ സമയം സുശാന്ത് മുംബെെയിലായിരുന്നു ഉണ്ടായിരുന്നതെന്നും റിയ പറയുന്നു. പ്രിയങ്കയുടെ വാട്സ്ആപ്പ് പുറത്തു വന്ന സാഹചര്യത്തിലാണ് റിയയുടെ നീക്കം.

സുശാന്തിന് വിഷാദരോഗമുണ്ടായിരുന്നതായി അറിയില്ലെന്ന കുടുംബത്തിന്റെ വാദം തെറ്റാണെന്ന് തെളിയിക്കുന്നതാണ് പ്രിയങ്കയുടെ വാട്സ്ആപ്പ് ചാറ്റെന്നും റിയ പരാതിയില്‍ ചൂണ്ടിക്കാണിക്കുന്നുണ്ട്. റിയയെ എന്‍സിബി ചോദ്യം ചെയ്ത് വരികെയാണ്. റിയയുടെ സഹോദരന്‍ ഷോവിക് ചക്രബര്‍ത്തിയെ അറസ്റ്റ് ചെയ്തതിരുന്നു.

Also Read: എസ്പിബി കൊവിഡ് നെഗറ്റീവായി, പ്രാർത്ഥനയും ചികിത്സയും സുരക്ഷയും തുടരുന്നു!

അതേസമയം സുശാന്ത് സ്ഥിരമായി ലഹരിമരുന്ന് ഉപയോഗിക്കാറുണ്ടെന്ന് റിയ എന്‍സിബിയോട് പറഞ്ഞതായാണ് റിപ്പോര്‍ട്ട്. കേദാര്‍നാഥിന്റെ ചിത്രീകരണത്തിനിടെയാണ് ഇതിന്റെ തുടക്കം. സുശാന്തിന്റെ ആവശ്യപ്രകാരം താന്‍ ലഹരിമരുന്ന് എത്തിച്ചിരുന്നതായി റിയ സമ്മതിച്ചെന്നുമാണ് വിവരം.