ഈ പെണ്ണുങ്ങളാണ് എന്നെ ഭരിക്കുന്നതെന്ന് ഷാഹിദ്; താരത്തെ ഭരിക്കുന്ന കുറുമ്പികൾ ഇവരാണേ!

ബോളിവുഡ് നടന്‍ ഷാഹിദ് കപൂറും ഭാര്യ മിര രാജ്‍പുതും ആരാധകര്‍ ഏറെയുള്ള ദമ്പതിമാരാണ്. ഇരുവരും ഒരുമിച്ചുള്ള ചിത്രങ്ങളും വീഡിയോകളും എല്ലാം സോഷ്യല്‍ മീഡിയയില്‍ സ്ഥിരം തരംഗമാവാറുണ്ട്. അടുത്തിടെ ചലച്ചിത്രതാരം നേഹ ദുപിയയുടെ ചാറ്റ് ഷോയിലാണ് തന്‍റെ ജീവിതത്തിലെ വളരെ രസകരമായ ചില സംഭവങ്ങൾ ഷാഹിദ് പങ്കുവെച്ചത്.

മകള്‍ മീഷയും മകന്‍ സെയിനുമടങ്ങുന്ന കുടുബത്തില്‍ തന്നെ നിയന്ത്രിക്കുന്നതും ഭരിക്കുന്നതും ഭാര്യ മിരയും മകള്‍ മിഷയുമാണെന്നാണ് ഷാഹിദ് തമാശരൂപേണ പറഞ്ഞത്. രണ്ടുപേരും വിര്‍ഗോ ആണ്. നല്ല തന്‍റേടമുള്ള പെണ്ണുങ്ങളും. അവ‍ര്‍ എന്താണ് ചെയ്യുന്നതെന്നും അവര്‍ക്ക് എന്താണ് വേണ്ടതെന്നും അവര്‍ക്ക് നല്ലതുപോലെ അറിയാം എന്നാണ് താരം പറഞ്ഞത്.
വിവാഹം കഴിഞ്ഞ് ഇത്രയും വര്‍ഷമായിട്ടും ഏതൊരു പുതുജോഡിയേയും വെല്ലുവിളിക്കുന്ന വിധത്തിലാണ് ഷാഹിദും മിരയും കപ്പിൾ ഗോൾസ് സെറ്റ് ചെയ്യുന്നത്. ഒരുമിച്ച് പുറത്തു പോകാനും വര്‍ക്കൗട്ട് ചെയ്യാനും ഫോട്ടോഷൂട്ടുകളില്‍ പങ്കെടുക്കാനും വെക്കേഷൻ യാത്രകൾക്കും ഇരുവരും വളരെ പ്രാധാന്യം നല്‍കാറുണ്ട്.