ദി ടീച്ചറിലൂടെ
ദി ടീച്ചര്‍ എന്ന ചിത്രത്തിലൂടെയായാണ് അമല പോള്‍ തിരിച്ചെത്തുന്നത്. അതിരനെന്ന ചിത്രത്തിലൂടെ ശ്രദ്ധ നേടിയ വിവേകാണ് ചിത്രം ഒരുക്കുന്നത്. ത്രില്ലറായാണ് സിനിമയൊരുക്കുന്നതെന്നുള്ള വിവരങ്ങളും പുറത്തുവന്നിരുന്നു. സിനിമയെക്കുറിച്ചുള്ള വിശേഷങ്ങള്‍ പങ്കുവെക്കാനായി അമല പോളും എത്തിയിരുന്നു. ദി ടീച്ചര്‍ പ്രസ് മീറ്റിന്റെ വീഡിയോയും ചിത്രങ്ങളും വൈറലായിരുന്നു.
വിവാഹത്തെക്കുറിച്ച്
അമല പോളും പഞ്ചാബി ഗായകനായ ഭവ്‌നിന്ദര്‍ സിംഗും വിവാഹിതരായെന്ന തരത്തിലുള്ള റിപ്പോര്‍ട്ടുകളായിരുന്നു ഇടക്കാലത്ത് പ്രചരിച്ചത്. ഇരുവരും ഒന്നിച്ചുള്ള ചിത്രങ്ങളും വീഡിയോയുമെല്ലാം സോഷ്യല്‍മീഡിയയിലൂടെ വൈറലായിരുന്നു. തന്റെ ചിത്രങ്ങള്‍ മോശമായ രീതിയില്‍ ഭവ്‌നിന്ദര്‍ പ്രചരിപ്പിക്കുന്നുണ്ടെന്നുള്ള ആരോപണവുമായും അമല എത്തിയിരുന്നു. അദ്ദേഹം തന്നെ ഭീഷണിപ്പെടുത്താനായാണ് ശ്രമിക്കുന്നതെന്നും മുന്‍പ് താരം വ്യക്തമാക്കിയിരുന്നു.
വിവാഹത്തെക്കുറിച്ച്
ഭവ്‌നിന്ദര്‍ സിംഗുമായുള്ള വിവാഹം കഴിഞ്ഞുവെന്ന വാര്‍ത്തകള്‍ കേട്ടിരുന്നു. അങ്ങനെയുള്ള കാര്യങ്ങളില്‍ എന്തെങ്കിലും സത്യമുണ്ടോയെന്നായിരുന്നു ഒരാള്‍ അമലയോട് ചോദിച്ചത്. ഒരു മിനിറ്റ് നിശബ്ദമായി നിന്നതിന് ശേഷമായാണ് താരം മറുപടി നല്‍കിയത്. അത് എന്റെ പേഴ്‌സണല്‍ കാര്യമാണ്. സിനിമയെക്കുറിച്ച് സംസാരിക്കാനാണല്ലോ നമ്മള്‍ ഇവിടെ വന്നിട്ടുള്ളത്. അത് ചെയ്യാം, താങ്ക്‌സ് എന്നായിരുന്നു അമല പോള്‍ ചോദ്യകര്‍ത്താവിന് മറുപടി കൊടുത്തത്.
വൈറല്‍ ചിത്രങ്ങള്‍
പരമ്പരാഗത വേഷത്തില്‍ അമലയും ഭവ്‌നിന്ദറും ചേര്‍ന്നുനില്‍ക്കുന്ന ചിത്രങ്ങളായിരുന്നു സോഷ്യല്‍മീഡിയയിലൂടെ പ്രചരിച്ചത്. ലിപ് ലോക്ക് ചിത്രങ്ങളടക്കം സമൂഹ മാധ്യമങ്ങളിലൂടെ പ്രചരിച്ചിരുന്നു. വിവാഹത്തിന്റെ ചിത്രങ്ങളാണെന്നായിരുന്നു ഭവ്‌നിന്ദര്‍ പ്രതികരിച്ചത്. ഇതോടെയായിരുന്നു അമല പോള്‍ രണ്ടാമതും വിവാഹിതയായെന്നുള്ള വാര്‍ത്ത പ്രചരിച്ചത്.