രണ്ടാം വിവാഹവും വേർപിരിഞ്ഞോ എന്നാരും ചോദിക്കരുത്; ഗോസിപ്പുകാർക്ക് മുൻപിൽ ചുട്ട മറുപടിയുമായി മന്യ!

മന്യ, തന്റെ വിശേഷങ്ങളെല്ലാം ഇന്‍സ്റ്റഗ്രാമിലൂടെ ആരാധകരുമായി പങ്കുവയ്ക്കാറുണ്ട്. പ്രചോദനാപരമായ കാര്യങ്ങൾ ആണ് മന്യ പങ്കിട്ട പോസ്റ്റുകളിൽ അധികവും. തന്റെ വിജയമന്ത്രം എന്ന് പറയുന്നത് 'ഒരിക്കലും പിന്മാറരുത്' എന്നതാണെന്ന് ഒരിക്കൽ മന്യ പറഞ്ഞിട്ടുണ്ട്. തന്റെ മകൾക്കായി താൻ ഇത് പറഞ്ഞുനൽകാറുണ്ടെന്നും മന്യ പറഞ്ഞിരുന്നു.

സിനിമയിൽ നിന്നും വിട്ടശേഷം പഠനത്തില്‍ ശ്രദ്ധ കേന്ദ്രീകരിച്ച മന്യ യു എസ്സില്‍ ജോലി തേടി പോകുകയുമായിരുന്നു. വിവാഹ ശേഷം ഇപ്പോൾ യു എസ്സില്‍ തന്നെയാണ് പ്രിയ നടി. കന്നഡ, തമിഴ്, തെലുങ്ക് ഭാഷ ചിത്രങ്ങളില്‍ സജീവമായിരുന്നു മന്യ. സിനിമയിൽ സജീവമായിരുന്ന കാലത്താണ് 2008–ല്‍ സത്യ പട്ടേലുമായി മന്യയുടെ വിവാഹം നടക്കുന്നത്. എന്നാൽ അധികം വൈകാതെ ഇരുവരും വേര്‍പിരിഞ്ഞു.

അടുത്തിടെ താരം പങ്കിട്ട ചിത്രങ്ങളിൽ ഭർത്താവിനെ കാണാഞ്ഞതാണ് രണ്ടാം വിവാഹം പിരിഞ്ഞോ എന്നറിയാൻ പാപ്പരാസികളുടെ ആകാംക്ഷ കൂട്ടിയത്. എന്നാൽ അത്തരക്കാർക്കുള്ള ചുട്ട മറുപടിയാണ് താരത്തിന്റെ പുതിയ കുടുംബ ചിത്രം. 'ബർത്ത് ഡേ ഡിന്നർ' എന്ന ക്യാപ്ഷ്യനോടെയാണ് താരം കുടുംബത്തിന് ഒപ്പമുള്ള ചിത്രം പങ്കുവച്ചത്.

2013–ൽ ആണ് വികാസ് ബാജ്‌പേയിയുമായി മന്യ വീണ്ടും വിവാഹിതയായത്. വിവാഹത്തോടെ കുടുംബ ജീവിതവുമായി മുന്നോട്ട് പോയ നടി പൂര്‍ണമായും സിനിമ ഉപേക്ഷിക്കുകയായിരുന്നു. ഇപ്പോൾ ഫിനാന്‍ഷ്യല്‍ അനലിസ്റ്റായി ജോലി ചെയ്യുകയാണ് മലയാളത്തിന്റെ പ്രിയ നടി.