അദ്ദേഹം പറഞ്ഞാല്‍ തള്ളിക്കളയാനാവില്ല! രണ്ടാം വിവാഹത്തിനൊരുങ്ങി സമാന്ത? ഡിവോഴ്‌സ് കഴിഞ്ഞ് ഒരുവര്‍ഷമാവുന്നതിനിടെ വീണ്ടുമൊരു പരീക്ഷണമോ? ആകാംക്ഷയോടെ ആരാധകര്‍

തെന്നിന്ത്യന്‍ സിനിമാപ്രേക്ഷകര്‍ക്ക് പ്രിയങ്കരിയായി മാറിയ താരമാണ് സമാന്ത. അഭിനയവും ഡാന്‍സുമൊക്കെയായി സജീവമായ സമാന്തയോട് പ്രത്യേകമായൊരു സ്‌നേഹമുണ്ട് പ്രേക്ഷകര്‍ക്ക്. സ്‌ക്രീനിലെ പ്രണയം ജീവിതത്തിലേക്ക് പകര്‍ത്തിയെങ്കിലും സമാന്തയും നാഗചൈതന്യയും ഇടയ്ക്ക് വെച്ച് വേര്‍പിരിയുകയായിരുന്നു. ഇരുവരും തമ്മില്‍ അസ്വാരസ്യങ്ങളാണെന്നും വേര്‍പിരിയലിന്റെ വക്കിലാണെന്ന തരത്തിലുമൊക്കെയുള്ള റിപ്പോര്‍ട്ടുകള്‍ നേരത്തെ പ്രചരിച്ചിരുന്നു. കഴിഞ്ഞ ഒക്ടോബറിലായിരുന്നു ഇരുവരും ഡിവോഴ്‌സിനെക്കുറിച്ച് വ്യക്തമാക്കിയത്. ഇതോടെയായിരുന്നു ഇവരുടെ വ്യക്തിജീവിതം ചര്‍ച്ചയായി മാറിയത്.
പരസ്പരം ഒത്തുപോവാനാവില്ലെന്ന് മനസിലായതോടെയാണ് പിരിയാന്‍ തീരുമാനിച്ചതെന്നും വര്‍ഷങ്ങളായുള്ള സൗഹൃദം നിലനിര്‍ത്തുമെന്നുമായിരുന്നു ഇരുവരും പറഞ്ഞത്. വിവാഹമോചനമെന്നത് അത്ര എളുപ്പമുള്ള കാര്യമല്ലെന്നും മാനസികമായി തന്നെ തളര്‍ത്തിയ സംഭവമാണെന്നും പതിയെയായി അതില്‍ നിന്നും പുറത്ത് കടുക്കുകയാണെന്നും താരം പറഞ്ഞിരുന്നു. സോഷ്യല്‍മീഡിയയിലെ കുപ്രചാരണങ്ങള്‍ പലതും മാനസികമായി തളര്‍ത്തുന്നതാണെന്നും താരം പറഞ്ഞിരുന്നു.
സമാന്ത വീണ്ടും വിവാഹത്തിനൊരുങ്ങുകയാണെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. സദ്ഗുരുവിന്റെ നിര്‍ദേശപ്രകാരമായാണ് താരം വീണ്ടും വിവാഹിതയാവാന്‍ സമ്മതിച്ചതെന്നാണ് റിപ്പോര്‍ട്ടുകള്‍. ഇതേക്കുറിച്ച് സമാന്ത ഇതുവരെ പ്രതികരിച്ചിട്ടില്ല. വിവിധ മാധ്യമങ്ങളിലൂടെയായാണ് വിവാഹവാര്‍ത്ത പ്രചരിക്കുന്നത്. ഇതോടെ ആരാധകരും ആകാംക്ഷയിലാണ്. ഇനിയൊരു പ്രണയമോ വിവാഹമോ വേണ്ടെന്ന നിലപാടിലാണ് താനെന്നായിരുന്നു മുന്‍പ് സമാന്ത പറഞ്ഞത്. എന്നാല്‍ സദ്ഗുരുവിന്റെ വാക്കുകള്‍ നടിയുടെ തീരുമാനം മാറ്റിയെന്നാണ് റിപ്പോര്‍ട്ടുകളില്‍ പറയുന്നത്. ചര്‍മ്മ ചികിത്സയ്ക്കായി താരം വിദേശത്തേക്ക് പോയെന്ന തരത്തിലുള്ള റിപ്പോര്‍ട്ടുകളും അടുത്തിടെ പ്രചരിച്ചിരുന്നു. സോഷ്യല്‍മീഡിയയില്‍ പുതിയ ചിത്രങ്ങള്‍ പോസ്റ്റ് ചെയ്യാത്തതിന് കാരണം ഈ അസുഖമാണെന്നായിരുന്നു റിപ്പോര്‍ട്ടുകള്‍.