Also Read: കുഞ്ഞിനായുള്ള കാത്തിരിപ്പിലാണ്! പുതിയ വിശേഷം പങ്കുവെച്ച് ആലിയ, ആശംസകളുമായി താരങ്ങളും ആരാധകരും
താരദമ്പതികൾ
വിവാഹം കഴിഞ്ഞ് മൂന്ന് മാസത്തിനുള്ളിൽ തന്നെ താരദമ്പതികൾ തങ്ങളുടെ കുഞ്ഞിനായുള്ള കാത്തിരുപ്പും ആരംഭിച്ചുകഴിഞ്ഞു. വിവാഹവും ഗർഭവാർത്തയും തമ്മിലുള്ള ദൈർഘ്യക്കുറവിനെ വെച്ച് സംശയങ്ങളും ഊഹാപോഹങ്ങളും മെനഞ്ഞ് ആരാധകർ കഥകൾ പറയുകയാണ് സോഷ്യൽ മീഡിയയിൽ.
സദാചാര ആക്രമണങ്ങൾ
ഇരുവരും പെട്ടെന്ന് തന്നെ കല്യാണം നടത്തിയതിൻ്റെ പിന്നിൽ എന്തോ ഉണ്ടെന്ന സംശയം ആദ്യം മുതലേ ഉണ്ടായിരുന്നു എന്ന തരത്തിലായിരുന്നു ആദ്യം സോഷ്യൽ മീഡിയയിൽ ഉയർന്ന ചർച്ചകൾ. പിന്നാലെ ട്വിറ്ററിലും ഇൻസ്റ്റാഗ്രാമിലും ഫേസ്ബുക്കിലുമടക്കം പല മാധ്യമങ്ങളും ഇത്തരത്തിലുള്ള സംശയങ്ങളും ഊഹാപോഹങ്ങളുമൊക്കെ വെച്ച് കഥകൾ മെനഞ്ഞു തുടങ്ങുകയും താരദമ്പതികൾക്കെതിരെ സദാചാര ആക്രമണങ്ങൾ അഴിച്ചു വിടുകയും ചെയ്തിരുന്നു.
ട്രോളുകൾ
എന്നാൽ അങ്ങനെയൊന്നുമല്ല സംഗതികൾ എന്ന് ഗർഭധാരണത്തിൻ്റെ ബയോളജിക്കൽ വശങ്ങൾ കൃത്യമായി മനസിലാക്കുന്ന എല്ലാവർക്കും അറിയാവുന്നതുമാണ്. താരദമ്പതികൾ ഇപ്പോൾ ഇത്തരത്തിലൊരു വിമർശനം / ട്രോളുകൾ നേരിടേണ്ടി വരുന്നത് ആരാധകർക്കിടയിലെ ചില പ്രത്യേക തരം മാനസികാവസ്ഥ മൂലമാണ്. സാധാരണ ഗതിയിൽ താരങ്ങൾ വിവാഹിതരാകുമ്പോൾ അവരുടെ കരിയറിനു കൂടി പ്രാധാന്യം നൽകിക്കൊണ്ട് കുടുംബജീവിതം പ്ലാൻ ചെയ്യുന്നതാണ് കണ്ടു വരുന്നത്.
താരങ്ങൾ പ്ലാൻഡ് ആണ്
അത് തന്നെ ആലിയയുടെയും രൺബീറിൻ്റെയും കാര്യത്തിലും ആരാധകർ പ്രതീക്ഷിച്ചിരുന്നു. പക്ഷേ താരങ്ങളുടെ പ്ലാനിങ് മറ്റൊരു വിധത്തിലായിരുന്നു. അത് ആരാധകർ ഒട്ടും പ്രതീക്ഷിച്ചിരുന്നതേയല്ല. അതാണ് പ്രധാനമായും ഈ സൈബർ ബുള്ളിയിങ്ങിൻ്റെ കാരണമെന്നാണ് സോഷ്യൽ മീഡിയയിൽ മറ്റൊരു കൂട്ടർ വിലയിരുത്തുന്നത്.