11 വര്‍ഷം
11 വര്‍ഷമെന്ന ക്യാപ്ഷനോടെ സുപ്രിയയെ മെന്‍ഷന്‍ ചെയ്തായിരുന്നു പൃഥ്വിരാജ് മനോഹരമായ വീഡിയോ പോസ്റ്റ് ചെയ്തത്. ഒന്നിച്ച് ബോട്ടില്‍ യാത്ര ചെയ്യുന്നതിനിടെ പകര്‍ത്തിയ വീഡിയോയായിരുന്നു അദ്ദേഹം പങ്കുവെച്ചത്. 9 ലക്ഷത്തിലധികം പേരാണ് ഈ വീഡിയോ കണ്ടിട്ടുള്ളത്. നേരത്തെയും പൃഥ്വി ഈ വീഡിയോ പങ്കുവെച്ചിരുന്നു.
കമന്റുകള്‍
സച്ച് എ ക്യൂട്ട് വീഡിയോ എന്ന കമന്റുമായി ആദ്യമെത്തിയത് പ്രാര്‍ത്ഥന ഇന്ദ്രജിത്തായിരുന്നു. ഹാപ്പി ആനിവേഴ്‌സറി, ഷൂട്ട് തീര്‍ത്ത് പെട്ടെന്ന് തിരിച്ച് വരൂ എന്നായിരുന്നു സുപ്രിയയുടെ കമന്റ്. ടൊവിനോ തോമസ്, ഷിയാസ് കരീം, സെന്തില്‍ കൃഷ്ണ,സാധിക വേണുഗോപാല്‍ തുടങ്ങി നിരവധി പേരാണ് വീഡിയോയ്ക്ക് താഴെ ആശംസ അറിയിച്ച് എത്തിയിട്ടുള്ളത്.
സുപ്രിയയുടെ കുറിപ്പ്
11 വര്‍ഷത്തെ വിവാഹജീവിതത്തില്‍ ഇത് രണ്ടാമത്തെ തവണയാണ് ഈ വിശേഷ ദിനത്തില്‍ നമ്മള്‍ രണ്ടിടത്താവുന്നത്. ആടുജീവിതം പൂര്‍ത്തിയാക്കി അധികം വൈകാതെ തന്നെ നിങ്ങള്‍ തിരിച്ചെത്തുമെന്ന് കരുതുന്നു. എന്നിട്ട് നമുക്ക് ഈ സന്തോഷം ഒന്നിച്ച് ആഘോഷിക്കാമെന്നുമായിരുന്നു സുപ്രിയ കുറിച്ചത്. പൃഥ്വിക്കൊപ്പമുള്ള ചിത്രങ്ങള്‍ ചേര്‍ത്തുവെച്ചുള്ള വീഡിയോയും സുപ്രിയ പോസ്റ്റ് ചെയ്തിരുന്നു.
മല്ലികയും
മകനും മരുമകള്‍ക്കും ആശംസ അറിയിച്ച് മല്ലിക സുകുമാരനും എത്തിയിരുന്നു. എന്റെ ചിന്തകളിലും പ്രാര്‍ത്ഥനയിലും എപ്പോഴും നിങ്ങളുണ്ട്, ആശംസകള്‍ എന്നായിരുന്നു മല്ലികയുടെ കുറിപ്പ്. പൃഥ്വിയുടെ സ്വഭാവം മനസിലാക്കി അറിഞ്ഞ് പെരുമാറുന്നയാളാണ് സുപ്രിയ. കൃത്യമായി അവനെ മാനേജ് ചെയ്യുന്നുണ്ടെന്ന് അവര്‍ മുന്‍പ് പറഞ്ഞിരുന്നു.