23 വര്‍ഷം
23 വര്‍ഷത്തെ ഒന്നിച്ചുള്ള ജീവിതം. ശാലിനി അജിത്കുമാര്‍, അജിത്കുമാര്‍സ എകെ ഫാമിലി എന്ന ഹാഷ്ടാഗോടെയാണ് ശ്യാമിലി ചേട്ടനും ചേച്ചിക്കും ആശംസ അറിയിച്ചത്. അന്യോന്യം ചേര്‍ന്ന് നില്‍ക്കുന്ന മനോഹരചിത്രവും ശ്യാമിലി പോസ്റ്റ് ചെയ്തിരുന്നു. നിരവധി പേരാണ് പോസ്റ്റിന് താഴെയായി സ്‌നേഹാശംസകള്‍ അറിയിച്ചെത്തിയിട്ടുള്ളത്.
അമര്‍ക്കളത്തിലൂടെ
ശാലിനിയും അജിത്തും ആദ്യമായി ഒന്നിച്ചഭിനയിച്ച സിനിമയാണ് അമര്‍ക്കളം. പ്ലസ്ടു പരീക്ഷയുടെ സമയമായതിനാല്‍ ഈ സിനിമ ചെയ്യുന്നില്ലെന്നായിരുന്നു ശാലിനി പറഞ്ഞത്. പരീക്ഷയ്ക്ക് ശേഷമായി സിനിമ ചെയ്യാനായി തീരുമാനിക്കുകയായിരുന്നു സംവിധായകന്‍. ഈ സിനിമയുടെ ഷൂട്ടിംഗ് സമയത്തായിരുന്നു ഇരുവരും പ്രണയത്തിലായത്.
കുറ്റബോധത്തിലൂടെ
സിനിമയുടെ ചിത്രീകരണത്തിനിടെ ശാലിനിക്ക് പരിക്കേറ്റിരുന്നു. അജിത്തിന്റെ കൈയ്യിലിരുന്ന കത്തി കൊണ്ടായിരുന്നു മുറിവേറ്റത്. അബദ്ധവശാലാണെങ്കിലും അജിത്തിനെ വല്ലാത വിഷമിപ്പിച്ച സംഭവമായിരുന്നു. വേദനയെടുത്ത് കരയുന്ന ശാലിനിയെ കണ്ടപ്പോള്‍ ഞാന്‍ കാരണമാണല്ലോ ഈ മുറിവുണ്ടായതെന്ന കുറ്റബോധത്തിലായിരുന്നു അജിത്. അതാണ് പിന്നീട് പ്രണയമായി മാറിയതും. അജിത്തായിരുന്നു ആദ്യം പ്രണയം പറഞ്ഞത്.
ശാലിനിക്ക് നല്‍കിയ വാക്ക്
തിരക്കുകള്‍ക്കിടയിലും കുടുംബത്തിനൊപ്പം ചെലവഴിക്കാനായി സമയം നീക്കിവെക്കാറുണ്ട് അജിത്. ഒരേ സമയം ഒന്നിലധികം സിനിമകള്‍ സ്വീകരിക്കില്ലെന്ന് വിവാഹത്തിന് മുന്‍പ് തന്നെ ശാലിനിക്ക് അജിത് വാക്ക് നല്‍കിയിരുന്നു. ആ വാക്ക് ഇന്നും അദ്ദേഹം പാലിക്കുന്നുമുണ്ട്. വിവാഹശേഷം കുടുംബത്തിന് കൂടുതല്‍ പരിഗണന നല്‍കി താന്‍ തന്നെയാണ് സിനിമയില്‍ നിന്നും മാറാന്‍ തീരുമാനിച്ചതെന്ന് ശാലിനിയും പറഞ്ഞിരുന്നു.