'നമ്മൾ കാലങ്ങളായി പിന്തുടരുന്ന കീഴ്‌വഴക്കങ്ങൾക്കും പുരുഷ സങ്കൽപ്പങ്ങൾക്കുമൊന്നും പിടി തരാത്ത നവീൻ'; ഭാവനയുടെ പ്രിയനെ പറ്റി വൈറലാകുന്ന കുറിപ്പ്!

മലയാളികളുടെ പ്രിയപ്പെട്ട നടി ഭാവന സോഷ്യൽ മീഡിയയിലെ നിറസാന്നിധ്യമാണ്. ഭാവന പങ്കിടുന്ന പോസ്റ്റുകളൊക്കെ ആരാധകർ ഇരു കൈയ്യും നീട്ടിയാണ് സ്വീകരിക്കുന്നത്. കഴിഞ്ഞദിവസം ഭാവന പങ്കിട്ട ചിത്രങ്ങളും ആരാധകർ ഏറ്റെടുത്തിരുന്നു. കറച്ച് കാലത്തിനു ശേഷം ഭാവന അടുത്തിടെ ഒരു പൊതുപരിപാടിയിൽ പങ്കെടുത്തിരുന്നു. ഇതിനിടെ പകർത്തിയ ചിത്രങ്ങളായിരുന്നു ഭാവന പങ്കിട്ടത്. ഇപ്പോഴിതാ ഭാവനയുടെ ഭർത്താവ് നവീനെ കുറിച്ചുള്ള ഒരു കുറിപ്പ് സോഷ്യൽ മീഡിയയിൽ വൈറലായി മാറിയിരിക്കുകയാണ്. രണ്ട് ദിവസങ്ങൾക്ക് മുൻപായിരുന്നു ഭാവനയുടെ വിവാഹ വാർഷികം. നവീനുമായുള്ള നിരവധി ചിത്രങ്ങൾ പങ്കുവെച്ചുകൊണ്ട് ഭാവന ആശംസകൾ നേരുകയും ചെയ്തിരുന്നു.ഈ വിവാഹ വാർഷികദിനത്തിൽ ഇരുവർക്കും ആശംസകളറിയിച്ചു കൊണ്ട് ഹരി മോഹൻ എന്ന വ്യക്തി ഫേസ്ബുക്കിൽ കുറിച്ച വാക്കുകളാണ് ഇപ്പോൾ വൈറലാകുന്നത്.
Also Read: സാമന്തയും നാഗചൈതന്യയും വീണ്ടുമൊന്നിക്കുന്നോ? ഇൻസ്റ്റാഗ്രാമിൽ കണ്ടത് ശുഭസൂചനയോ?

ഒരു മനുഷ്യനെക്കുറിച്ചും അയാളുമായി പ്രത്യേകിച്ചു ബന്ധമൊന്നുമില്ലാത്ത ഒരു സ്ഥാപനത്തേക്കുറിച്ചുമാണ് ഇന്നെഴുതാൻ തോന്നുന്നത്. അതിലാ മനുഷ്യൻ നമ്മൾ കാലങ്ങളായി രൂപപ്പെടുത്തിയെടുത്തു പിന്തുടരുന്ന കീഴ്‌വഴക്കങ്ങൾക്കും പുരുഷ സങ്കൽപ്പങ്ങൾക്കുമൊന്നും പിടി തരുന്നയാളല്ല. പേരു നവീൻ.

കന്നഡ സിനിമാ നിർമാതാവായിരിക്കെ 2012-ൽ താൻ നിർമിച്ച 'റോമിയോ' എന്ന സിനിമയിലെ നായികയായിരുന്ന വ്യക്തിയുമായി പ്രണയത്തിലായതു കൊണ്ടു മാത്രം നമ്മൾ മലയാളികൾക്കു പരിചിതനായ മനുഷ്യനാണയാൾ. ഏറെ വർഷങ്ങളുടെ പ്രണയമായിരുന്നു പിന്നീട് കണ്ടത്.

ഒരു വർഷത്തിനുള്ളിൽ വിവാഹം. ഇന്നവരുടെ നാലാം വിവാഹ വാർഷികമാണ്. അയാൾ ചെയ്തത് വിരലിൽ എണ്ണാവുന്നവർ മാത്രം ചേർത്തു നിർത്തിയൊരു സ്ത്രീയെ ജീവിതത്തിൽ ഉടനീളം ചേർത്തു നിർത്താനായി സമൂഹത്തിന്റെ ചോദ്യങ്ങൾക്കും വാർപ്പുമാതൃകകൾക്കും പിടിക്കൊടുക്കാതെ അയാൾ കടന്നുവന്നത് നമ്മുടെയൊക്കെ പൊതുബോധത്തിന്റെ നെഞ്ചിൽ ചവിട്ടിയും ആ പ്രിവിലേജ്ഡ് ക്രിമിനലിന്റെ മുഖമടച്ച് ഒരടി നൽകിയുമാണ്. അതുകൊണ്ടാണ് അയാളെനിക്കു പ്രിയപ്പെട്ടവനാകുന്നത്.

മറ്റൊന്ന് ഒരു സ്ഥാപനമാണ്. "Look, who's back" എന്ന തലക്കെട്ടോടെയാണ് ഇക്കഴിഞ്ഞ നവംബറിൽ വസ്ത്രസ്ഥാപനം തങ്ങളുടെ ബ്രാൻഡ് അംബാസഡറെ സോഷ്യൽ മീഡിയ വഴി അവതരിപ്പിച്ചത്. 2013 മുതൽ ഈ സ്ഥാപനം ഈ അഭിനേത്രിക്കപ്പുറം തങ്ങളുടെ ഉത്പന്നങ്ങൾ വിറ്റഴിക്കാനുള്ള പരസ്യങ്ങളിൽ അഭിനയിക്കാൻ മറ്റൊരാളെ കണ്ടെത്തിയിട്ടില്ല.

2013 മുതൽ 2017-ന്റെ ആദ്യം വരെ അതങ്ങനെ സുഗമമായി പോയിട്ടുണ്ടാകും. പക്ഷേ, പിന്നീടങ്ങോട്ട് അങ്ങനെയായിരുന്നില്ല എന്നു നമുക്കറിയാം. അങ്ങോളമിങ്ങോളമുള്ള സുഹൃത്തുക്കളുടെയും ആരാധകരുടെയും ബന്ധുക്കളുടെയുമൊക്കെ വിവാഹ വാർഷികാശംസകൾ, സോഷ്യൽ മീഡിയയിലിടുന്ന ഫോട്ടോകൾക്കു താഴെ കമന്റ്‌ ആയി വായിക്കാൻ കഴിയാത്ത ഒരു സ്ത്രീയാണ് അവരിപ്പോഴും.

കമന്റ്‌ ബോക്സ്‌ ഒരുകാലത്ത് അടച്ചിട്ടും ഇപ്പോൾ നിയന്ത്രിച്ചുമൊക്കെ പൊതുബോധ ആക്രമണങ്ങളെയും ആസൂത്രിതമായ ആക്രമണങ്ങളെയും പ്രതിരോധിച്ചാണ് അവർ തന്റെ പൊതുജീവിതം മുന്നോട്ടു കൊണ്ടുപോകുന്നത്. പരസ്യമായും രഹസ്യമായുമൊക്കെ പരിഹാസവും ആക്രമണവുമൊക്കെ നേരിട്ടു കൊണ്ടു ജീവിക്കുന്ന ഈ സ്ത്രീക്കപ്പുറം മറ്റൊരാളിലേക്കു ചിന്ത പോകാൻ ആർക്കൊക്കെ കഴിഞ്ഞില്ലെങ്കിലും ഒരു വ്യവസായ സ്ഥാപനത്തിനു കഴിയേണ്ടതാണ്.

ആത്യന്തികമായി അവരുടെ ഉദ്ദേശം ഉത്പന്നങ്ങൾ വിറ്റഴിക്കുക എന്നതാണ്. പ്രധാന ലക്ഷ്യം കുടുംബങ്ങളെയും. ആ കുടുംബങ്ങളിൽ ഭൂരിഭാഗവും ടിപ്പിക്കൽ മലയാളി കുടുംബങ്ങൾ തന്നെയാകും. അങ്ങനെയുള്ളപ്പോൾ പൊതുബോധം സംശയത്തിന്റെയോ സഹതാപത്തിന്റെയോ വെറുപ്പിന്റെയോ കണ്ണുകളിൽക്കൂടി കാണുന്ന ഒരാളെ അവരുടെ മുന്നിൽ പരസ്യരൂപത്തിൽ എത്തിക്കുക വഴി റിസ്ക്കെടുക്കാൻ നിൽക്കേണ്ടതിന്റെ ആവശ്യം അവർക്കില്ല. ജീവിത പങ്കാളിയായും ബ്രാൻഡ് അംബാസഡറായും ഈ നടി മതി എന്ന തീരുമാനമെടുക്കുക ഒട്ടും എളുപ്പമുള്ള കാര്യമല്ല. കൂടെ നിന്നവർക്ക് ഏറെ സ്നേഹം, ആദരം പ്രിയപ്പെട്ടവൾക്കു വിവാഹ വാർഷികാശംസകൾ