ആദി ലൊക്കേഷനിൽ പ്രണവ് സിംപിളാണ്... പുതിയ ചിത്രം കണ്ടോ

പ്രണവ് മോഹൻ ലാൽ ആദ്യമായി നായകനാകുന്ന ചിത്രം ആദിയുടെ ലൊക്കേഷനിൽ നിന്നുള്ള പുത്തൻ ചിത്രം പുറത്ത്. മുൻപും ചിത്രത്തിന്‍റെ ലൊക്കേഷനിൽ നിന്നും പല ചിത്രങ്ങളും പുറത്ത് വന്നിരുന്നു. താരപുത്രനാണെങ്കിലും ആഡംബരജീവിതം ഉചേക്ഷിച്ച് വളരെ ലളിതമായ ജീവിതം നയിക്കുന്ന പ്രണവ് ആദി ലൊക്കേഷനിലും വളരെ സിംപിളാണെന്ന റിപ്പോര്‍ട്ടുകൾ മുൻപ് വന്നിരുന്നു. ഇത് സാധുകരിക്കുന്ന തരത്തിലുള്ള ചിത്രമാണ് ഇപ്പോൾ പുറത്തു വന്നിരിക്കുന്നത്. സംവിധായകൻ ജീത്തു ജോസഫാണ് ചിത്രം പുറത്ത് വിട്ടിരിക്കുന്നത്.

ആദിയുടെ അണിയറ പ്രവര്‍ത്തകരുടെ ഷൂട്ടിംഗ് തിരക്കിനിടെ പ്രണവ് തറയില്‍ കിടക്കുന്നതായാണ് ചിത്രത്തിൽ കാണുന്നത്. താരപുത്രന്‍റെ സിംപ്ലിസിറ്റി വാഴ്ത്തപ്പെടുന്ന ഈ ചിത്രം ഞൊടിയിടയിലാണ് വൈറലായിരിക്കുന്നത്. അനുശ്രീ, സിജോ ജോയി, അദിതി രവി തുടങ്ങിയവരാണ് ചിത്രത്തിലെ മറ്റു താരങ്ങൾ. ജനുവരി 26നാണ് ആദി തീയ്യേറ്ററുകളിൽ എത്തുക.