വിവാദങ്ങൾ നിറഞ്ഞത്
സംഗീത സംവിധായകന്‍ ഗോപി സുന്ദറും ഗായിക അഭയ ഹിരൺമയിയുമായുള്ള ബന്ധം ഏറെ വിവാദങ്ങള്‍ ഉയര്‍ത്തിയിരുന്നതാണ്. ഇത് സംബന്ധിച്ച് ഗോപിസുന്ദറിന്‍റെ മുൻ ഭാര്യ തന്നെ ഫേസ്ബുക്കിലൂടെ തുറന്നുപറഞ്ഞതോടെയാണ് പുറം ലോകം ശ്രദ്ധിച്ചുതുടങ്ങിയത്. അഭയയോട് വേർപിരിഞ്ഞ ശേഷമാണു ഗായിക അമൃതയുമായി ഗോപി സുന്ദർ ജീവിതം തുടങ്ങുന്നത്.
സ്വയം സ്നേഹിക്കുന്നു!
സ്വയം സ്‌നേഹിക്കണമെന്ന് എല്ലാവരും പറയാറുണ്ടെങ്കിലും ഇപ്പോഴാണ് താൻ അത് പഠിച്ചതെന്ന് അഭയ അടുത്തിടെ ഗൃഹലക്ഷ്‍മിക്ക് നൽകിയ അഭിമുഖത്തിൽ പറയുകയുണ്ടായി. സ്‌നേഹം പങ്കുവെക്കുന്ന കാര്യത്തില്‍ എനിക്ക് ആശയക്കുഴപ്പങ്ങളുണ്ടായിരുന്നു. ആരെയാണ് കൂടുതല്‍ സ്‌നേഹിക്കേണ്ടത് എന്നതിലൊക്കെ കണ്‍ഫ്യൂഷനുണ്ടായിരുന്നു എന്നും അവർ പറഞ്ഞിരുന്നു.
കഴിഞ്ഞദിവസം!
ഗോപി സുന്ദറിനെ ആദ്യമായി കണ്ടത് തന്റെ 19ാമത്തെ വയസിലാണ് എന്ന് കഴിഞ്ഞദിവസം എംജിയോട് അഭയ പറഞ്ഞിരുന്നു. കരിയറിലും ജീവിതത്തിലും വഴിത്തിരിവായി മാറിയ കണ്ടുമുട്ടലായിരുന്നു അത്. സംഗീതത്തില്‍ തുടരാനായി പ്രേരിപ്പിച്ചത് അദ്ദേഹമായിരുന്നു എന്നും അഭയ തുറന്നു പറഞ്ഞു. മാത്രമല്ല അദ്ദേഹത്തെ തനിക്ക് ഇപ്പോഴും മിസ് ചെയ്യുന്നുണ്ട് എന്നും അഭയ പറയുകയുണ്ടായി
ആരാധകരുടെ പിന്തുണ!
"19 ആം വയസ്സിൽ അബദ്ധത്തിൽ ചെന്ന് ചാടി 14വർഷങ്ങൾ അവസാനം എല്ലാം അനുഭവിച്ചു മതിയായപ്പോൾ പടിക്കു പുറത്ത്.. നല്ല പ്രായം പോയില്ലേ.... പാടാൻ അവസരങ്ങൾ കിട്ടി എന്നുള്ളത് മാത്രം നല്ല കാര്യമായി... ആരോടും പരാതിയും പരിഭവവും ഇല്ലാതെ പോകുന്ന നിങ്ങൾക്ക് കൈയ്യടി", എന്നാണ് ആരാധകർ പറയുന്നത്. മാത്രമല്ല ഇപ്പോൾ അഭയ ശരിക്കും ചെഞ്ചായി സംസാരത്തിലും പെരുമാറ്റത്തിലും. നല്ലത് വരട്ടെ എന്നും ആരാധകർ ആശംസിക്കുന്നു.