നല്ല ദിവസമാണ്
നല്ല ദിവസമാണ് പ്രിയപ്പെട്ടവളെ എന്ന ക്യാപ്ഷനോടെയായി പോസ്റ്റ് ചെയ്ത ഫോട്ടോ ക്ഷണനേരം കൊണ്ടാണ് വൈറലായി മാറിയത്. മഞ്ഞ സാല്‍വാറണിഞ്ഞ് മുല്ലപ്പൂവുമൊക്കെ വെച്ച് നാടന്‍ ലുക്കിലുള്ള അമൃതയെയാണ് ഫോട്ടോയില്‍ കാണുന്നത്. കുര്‍ത്തിയിലായിരുന്നു ഗോപി സുന്ദര്‍. ചിരിച്ച മുഖത്തോടെ ചേര്‍ന്നുനില്‍ക്കുന്ന ഫോട്ടോയാണ് അദ്ദേഹം പങ്കുവെച്ചത്. ജീവിതത്തിലെ സന്തോഷം ഇവരുടെ മുഖത്ത് പ്രകടമാണെന്നായിരുന്നു കമന്റുകള്‍.
അഭിരാമി സുരേഷും
ക്യൂട്ട് കപ്പിള്‍സ്, നിങ്ങളെ കാണാന്‍ ഒരേപോലെയാണ്. അമൃതയുടെ മുഖത്തെ ഇപ്പോഴത്തെ ചിരിച്ച് പ്രത്യേക തെളിച്ചമുണ്ട് തുടങ്ങിയ കമന്റുകളായിരുന്നു ഫോട്ടോയ്ക്ക് താഴെ വന്നത്. അമൃതയുടെ സഹോദരിയായ അഭിരാമി സുരേഷും കമന്റുമായെത്തിയിരുന്നു. നിങ്ങളെക്കൊണ്ട് ഞാന്‍ എന്നായിരുന്നു അഭിരാമി കമന്റിട്ടത്. ഗോപി സുന്ദറിനും അമൃത സുരേഷിനുമൊപ്പമുള്ള ഫോട്ടോയുമായി നേരത്തെ അഭിരാമി എത്തിയിരുന്നു.
നേരത്തെയും
സോഷ്യല്‍മീഡിയ ലൈഫിന് അപ്പുറത്ത് ചില സത്യങ്ങളുണ്ട്. നമ്മളെല്ലാം സാധാരണ മനുഷ്യരാണ്. ഒന്നും ശാശ്വതമല്ലാത്ത ഈ റോളര്‍കോസ്റ്റര്‍ ജീവിതത്തില്‍ ഞാനൊരു സഹോദരനെ കണ്ടെത്തി, എന്റെ ചേച്ചിയെ ചിരിപ്പിക്കുന്ന എന്നെ മൂത്ത മകളായി കാണുന്നയാളാണ് ഗോപി സുന്ദര്‍ എന്നായിരുന്നു മുന്‍പ് അഭിരാമി കുറിച്ചത്. നേരിട്ടറിയാത്തവരെക്കുറിച്ച് സോഷ്യല്‍മീഡിയയിലൂടെ കഥകള്‍ ഇറക്കരുതെന്നും അഭിരാമി അന്ന് പറഞ്ഞിരുന്നു.
ബാധിക്കുന്നില്ല
അമൃതയുമായുള്ള പ്രണയം പരസ്യമാക്കിയതോടെ പല തരത്തിലുള്ള വിമര്‍ശനങ്ങളായിരുന്നു ഉയര്‍ന്നത്. നേരിട്ട് ആരെങ്കിലും ചോദിച്ചാല്‍ മാത്രമേ താന്‍ അതേക്കുറിച്ച് ചിന്തിക്കുകയും മറുപടി കൊടുക്കുകയും ചെയ്യുള്ളൂവെന്നുമായിരുന്നു ഗോപി സുന്ദര്‍ പറഞ്ഞത്. അമൃതയാണ് ഇന്ന് ഞങ്ങള്‍ക്കെന്ത് സംഭവിച്ചു എന്നതിനെക്കുറിച്ച് സോഷ്യല്‍മീഡിയയില്‍ പ്രചരിക്കുന്നതിനെക്കുറിച്ച് പറഞ്ഞ് തരുന്നത്. അമൃതയെ വല്ലാതെ സങ്കടപ്പെട്ട് കണ്ടപ്പോഴാണ് ഒരു പണിയുമില്ലാത്ത വിമര്‍ശകര്‍ക്ക് പുട്ടും മുട്ടക്കറിയും സമര്‍പ്പിക്കുന്നു എന്ന് പറഞ്ഞതെന്നും ഗോപി സുന്ദര്‍ വ്യക്തമാക്കിയിരുന്നു.
പ്രണയത്തെക്കുറിച്ച്
മറ്റുള്ളവരുടെ പ്രണയകഥ അറിയാനൊക്കെ താല്‍പര്യമുള്ളവരാണ് ഞങ്ങള്‍. മനോഹരമായ പ്രണയകഥയാണ് ഞങ്ങളുടേത്. എന്നാല്‍ അത് ഞങ്ങളില്‍ത്തന്നെ സൂക്ഷിക്കാനാണ് താല്‍പര്യമെന്നും ഗോപിയും അമൃതയും പറഞ്ഞിരുന്നു. ആരാണ് ആദ്യം പ്രണയം പറഞ്ഞതെന്നും വീട്ടില്‍ അവതരിപ്പിച്ചത് എങ്ങനെയാണെന്നുമൊക്കെയുള്ള ചോദ്യങ്ങള്‍ക്കും ഇരുവരും കൃത്യമായ മറുപടി നല്‍കിയിരുന്നില്ല.