മലയാള സിനിമയിലെ ഏറ്റവും വലിയ ഹിറ്റ് ജോഡികളിലൊന്നാണ് സിഐഡി ദാസനും വിജയനും. മോഹന്ലാലും ശ്രീനിവാസനും അവതരിപ്പിച്ച കഥാപാത്രങ്ങള് മലയാളികളുടെ മനസില് ഇന്നും ജീവിക്കുന്നു. നമ്മുടെയൊക്കെ ജീവിതത്തിന്റെ ഭാഗമായി മാറിയിരിക്കുന്ന രണ്ട് പേരാണ് ദാസനും വിജയനും.
ഇപ്പോഴിതാ ദാസന്റേയും വിജയന്റേയും ആരും കാണാത്ത ചിത്രവുമായി നടന് അജു വര്ഗ്ഗീസ് എത്തിയിരിക്കുകയാണ്. അക്കരെയക്കരെയക്കരയെലിലെ രംഗത്തില് നിന്നുമുള്ള ചിത്രമാണ് അജു സോഷ്യല് മീഡിയയിലൂടെ പങ്കുവച്ചിരിക്കുന്നത്. ആരും കാണാത്ത ചിത്രമെന്ന് പറഞ്ഞു കൊണ്ടാണ് അജു ചിത്രം പങ്കുവച്ചിരിക്കുന്നത്.
പ്രേക്ഷകരെ നൊസ്റ്റാള്ജിയയിലേക്ക് കൊണ്ടു പോകുന്ന ചിത്രത്തില് മോഷ്ടിക്കപ്പെട്ട കിരീടവുമായി മടങ്ങി വരുന്ന ദാസനും വിജയനുമാണുള്ളത്. രസകരമായ കമന്റുകളാണ് ചിത്രത്തിന് ആരാധകര് നല്കിയിരിക്കുന്നത്. അജു പറയുന്നത് പോലെ ആരും കാണാത്ത ചിത്രമല്ലിതെന്നും ഇതൊക്കെ നേരത്തെ കണ്ടു ബോധിച്ചതാണെന്ന് ചിലര് കമന്റ് ചെയ്തിരിക്കുന്നു. അതേസമയം, ദാസനേയും വിജയനേയും പോലെ അജു വര്ഗ്ഗീസും നിവിന് പോളിയും ഒരുമിച്ചൊരു ചിത്രത്തിനായി കാത്തിരിക്കുകയാണെന്ന് ചിലര് പറയുന്നു.
Also Read: ഷെയ്ൻ വിഷയം; താരസംഘടനാ മീറ്റിങ്ങിന് ശേഷമുള്ള മോഹൻലാലിൻ്റെ പ്രതികരണം
നാടോടിക്കാറ്റിന്റെ മൂന്നാം ഭാഗമാണ് അക്കരെയക്കരെയക്കരെ. പട്ടണപ്രവേശമായിരുന്നു ആദ്യചിത്രം. മൂന്ന് ഭാഗങ്ങളും എഴുതിയത് ശ്രീനിവാസനായിരുന്നു. ആദ്യ രണ്ട് ചിത്രങ്ങളും സത്യന് അന്തിക്കാട് സംവിധാനം ചെയ്തപ്പോള് അക്കരെ അക്കരെ സംവിധാനം ചെയ്തത് പ്രിയദര്ശനമാണ്. അക്കരെയക്കരെയക്കരെയിലെ സാധനം കെെയ്യിലുണ്ടോ എന്ന ഡയലോഗ് ഇന്നും മലയാളികള് നിത്യജീവിതത്തില് പലപ്പോഴായി പ്രയോഗിക്കുന്നതാണ്.