ബിഗ് ബോസ് റിയാലിറ്റി ഷോയില് നിന്നും പുറത്തായ രജിത് കുമാറിനെ സ്വീകരിക്കാന് വിമാനത്താവളത്തില് എത്തിയവരെ വിമര്ശിച്ച് നടന് അജു വര്ഗ്ഗീസ്. നിയന്ത്രണങ്ങള് ലംഘിച്ചായിരുന്നു രജിത്തിനെ സ്വീകരിക്കാന് ആരാധകരെത്തിയത്.
Also Read: 'റെയ്ഡുകളില്ലാത്ത ആ പഴയ ജീവിതം വേണം'; റെയ്ഡിനെതിരെ ഒളിയമ്പെയ്ത് വിജയ്
അതേസമയം, രജിത് കുമാറിനെ സ്വീകരിക്കാനായി തടിച്ചു കൂടിയവര്ക്കെതിരെ കേസെടുത്തു. വൈറസ് ബാധ തടയാനായി ആള്ക്കൂട്ടം ഒഴിവാക്കണമെന്ന സര്ക്കാര് നിര്ദ്ദേശം ലംഘിച്ച സാഹചര്യത്തിലാണ് കേസെടുത്തത്. പേരറിയാവുന്ന നാലു പേര്ക്കെതിരെയും കണ്ടാൽ അറിയാവുന്ന 75 പേര്ക്കെതിരെയും കേസെടുക്കാൻ എറണാകുളം ജില്ലാ കളക്ടര് എസ് സുഹാസ് പോലീസിന് നിര്ദ്ദേശം നല്കുകയായിരുന്നു.
സംഭവം ഓരോ മലയാളിയെയും നാണിപ്പിക്കുന്നതാണെന്നും മനുഷ്യജീവനെക്കാളും വില താരാരാധനയ്ക്ക് കല്പിക്കുന്ന സ്വഭാവം മലയാളിയ്ക്കില്ലെന്നും കളക്ടര് എസ് സുഹാസ് ഫേസ്ബുക്കിൽ കുറിച്ചു. ജാഗ്രതയുടെ ഭാഗമായി മത - രാഷ്ട്രീയ - സാമുദായിക സംഘടനകള് പോലും സംഘം ചേര്ന്നുള്ള പ്രവര്ത്തനങ്ങള് ഉപേക്ഷിച്ച് ജനങ്ങളുടെ നന്മയ്ക്കായി നിലകൊള്ളുമ്പോള് ഇത്തരം നിയമലംഘനങ്ങള്ക്കു നേര്ക്ക് കണ്ണടക്കാൻ നിയമ പാലകര്ക്ക് കഴിയില്ലെന്നും കളക്ടര് വ്യക്തമാക്കി.
Also Read: അസൂയയ്ക്കും അനാവശ്യ വൈരാഗ്യത്തിനുമേറ്റ തിരിച്ചടി; സന്തോഷം പങ്കുവെച്ച് വിനയൻ
"കോവിഡ് 19 പശ്ചാത്തലത്തിൽ ലോകം മുഴുവൻ ജാഗ്രതയിൽ നിൽകുമ്പോൾ ഒരു TV ഷോയിലെ മത്സരാർഥിയും ഫാൻസ് അസോസിയേഷനും ചേർന്ന് കൊച്ചി എയർപോർട്ട് പരിസരത്തു ഇന്നലെ രാത്രി നടത്തിയ പ്രകടനങ്ങൾ അക്ഷരാർഥത്തിൽ ഓരോ മലയാളിയെയും നാണിപ്പിക്കുന്നതാണ്." കളക്ടര് ഫേസ്ബുക്കിൽ കുറിച്ചു. ഇത്തരക്കാര് നടത്തുന്ന കാര്യങ്ങള് ലോകത്തിനു മുന്നിൽ കേരള സമൂഹത്തിനു തന്നെ അവമതിപ്പുണ്ടാക്കുമെന്നും കളക്ടര് വ്യക്തമാക്കി.