നടൻ അനീഷ് ജി.മേനോൻ വിവാഹിതനാകുന്നു

മലപ്പുറം: മലയാളസിനിമയിലെ യുവനടൻ അനീഷ് ജി.മേനോന്‍ വിവാഹിതനാകുന്നു. വിവാഹത്തിനുമുന്‍പുള്ള മോതിരം മാറല്‍ ചടങ്ങ് ചൊവ്വാഴ്ച നടന്നു. ഐശ്വര്യ രാജനാണ് വധു. അനീഷ് തന്നെ ഇക്കാര്യം ഫേസ്ബുക്ക് വഴി അറിയിക്കുകയായിരുന്നു. ദൈവം എന്റെ ജീവിത കഥയില്‍ ഒരു പങ്കാളിയെ ഇതാ കൂട്ടിച്ചേര്‍ത്തിരിക്കുന്നു, ‘ഐശ്വര്യ രാജന്‍’ എന്നാണ് ഫേസ്ബുക്കിൽ അനീഷ് എഴുതിയിരിക്കുന്നത്. അനീഷിന്‍റെ കുറിപ്പ് വായിക്കാം...

''Dear friends..
സന്തോഷത്തോടെ ഒരു കാര്യം അറിയിക്കട്ടെ...
ദൈവം എന്റെ ജീവിത കഥയിൽ
ഒരു പങ്കാളിയെ ഇതാ കൂട്ടിച്ചേർത്തിരിക്കുന്നു.
"ഐശ്വര്യ രാജൻ". എന്നിലെ എല്ലിനാൽ പടച്ച പെണ്ണെ.. ഇനി എന്റെ എല്ലാം നിന്റെ കയ്യിൽ.കല്യാണ തിയ്യതി എല്ലാവരെയും അറിയിക്കാം.വളരെ ലളിതമായ ഒരു ചടങ്ങായി നമുക്ക് ഒത്തുകൂടാം. എല്ലാവരുടെയും പ്രാർത്ഥന കൂടെ ഉണ്ടാവണം. സ്നേഹത്തോടെ.. അനീഷ്''.

ബെസ്റ്റ് ആക്ടര്‍, ദൃ ശ്യം, വള്ളിയും തെറ്റി പുള്ളിയും തെറ്റി, കാപ്പുച്ചിനോ, തുടങ്ങിയ സിനിമകളിലൂടെയാണ് അനീഷ് ശ്രദ്ധേയനാകുന്നത്. ആസിഫ് അലിയും നിഷാനും പ്രധാന വേഷത്തിലെത്തിയ സിബി മലയില്‍ ചിത്രമായ അപൂര്‍വ്വരാഗത്തില്‍ വില്ലനായാണ് അരങ്ങേറ്റം. ഒടിയന്‍, ഒരു അഡാര്‍ ലവ് തുടങ്ങിയ നിരവധി പുതിയ ചിത്രങ്ങളുടേയും ഭാഗമായുണ്ട് അനീഷ്.