ഹിമാലയൻ മലനിരകളിൽ പെപ്പെ; പുതിയ വീഡിയോ ഏറ്റെടുത്ത് ആരാധകർ

ലിജോ ജോസ് പെല്ലിശ്ശേരി ഒരുക്കിയ 'അങ്കമാലി ഡയറീസ്' എന്ന സിനിമയിലൂടെയെത്തി സ്വന്തം പേര് തന്നെ കഥാപാത്രത്തിന്‍റെ പേരായി മാറിയ അപൂർവ്വത ജീവിതത്തിൽ സംഭവിച്ച നടനാണ് ആന്‍റണി വര്‍ഗ്ഗീസ്. ചിത്രത്തിലെ കഥാപാത്രമായ പെപ്പെയുടെ പേരിലാണ് സിനിമ ഇറങ്ങിയ ശേഷം മൂന്ന് വര്‍ഷം കഴിഞ്ഞിട്ടും ആന്‍റണി അറിയപ്പെടുന്നത്. അതിന് പിന്നാലെ സ്വാതന്ത്യം അര്‍ദ്ധരാത്രിയിൽ, ജല്ലിക്കട്ട് തുടങ്ങിയ സിനിമകളിൽ അഭിനയിച്ച താരത്തിന്‍റേതായി ഈ വര്‍ഷം നിരവധി സിനിമകളാണ് ഒരുങ്ങിക്കൊണ്ടിരിക്കുന്നത്. മാത്രമല്ല ജല്ലിക്കട്ട് ഓസ്കാർ പുരസ്കാരങ്ങളിൽ ഇന്ത്യയിൽ നിന്നുള്ള ഔദ്യോഗിക എൻട്രിയുമായിരിക്കുകയാണ്. ഇപ്പോഴിതാ ഹിമാലൻ മലനിരകളിൽ വെക്കേഷൻ മൂഡിലുള്ള ആന്‍റണിയുടെ വീഡിയോ വൈറലായിരിക്കുകയാണ്.

Also Read: പ്രിയപ്പെട്ടവൾ നൽകിയ ക്രിസ്മസ് സമ്മാനം; എനിക്കിത് ഒരു ജോലിയാവുമോയെന്ന് ടൊവി

ഫാൻസ് ഗ്രൂപ്പുകളിലൂടെയാണ് വീഡിയോ പ്രചരിക്കുന്നത്. സുഹൃത്തുക്കളോടൊപ്പമാണ് ഹിമാലയൻ ടൂറിൽ താരമുള്ളതെന്നാണ് സൂചന. ഡിസംബ‍ർ 11നാണ് ആന്‍റണി യാത്രയാരംഭിച്ചതെന്നാണ് സൂചന. അന്ന് തന്‍റെ ഇൻസ്റ്റ സ്റ്റോറിയിൽ എയർപോർട്ടിൽ നിന്നുള്ളൊരു ചിത്രം താരം പങ്കുവെച്ചിരുന്നു. ഒരാഴ്ചത്തേക്കാണ് ആന്‍റണിയുടെ ഹിമാലയൻ ടൂറെന്നാണ് അദ്ദേഹവുമായി അടുത്ത വൃത്തങ്ങളിൽ നിന്ന് ലഭിക്കുന്ന സൂചന.

Also Read: ഭക്ഷണവും ഞാന്‍ വീട്ടില്‍ കൊണ്ടു വരണോ? ഹലോയിലേക്ക് ക്ഷണിക്കാന്‍ ചെന്നപ്പോള്‍ പാര്‍വതി റാഫിയോട് പറഞ്ഞത്

ഇൻസ്റ്റയിൽ സജീവമായ ആന്‍റണി താടിയുള്ളതും താടിവടിച്ചതുമായ ചിത്രങ്ങൾ അടുത്തിടെ പങ്കുവെച്ചിരുന്നു. ഹിമാലൻ വീഡിയോയിൽ ചെറിയ താടിലുക്കിലാണ് ആന്‍റണിയുള്ളത്.
ഈ വർഷം നിരവധി സിനിമകളാണ് പെപ്പെയുടേതായി ഒരുങ്ങുന്നത്. ആനപ്പറമ്പിലെ വേൾഡ് കപ്പ്, അജഗജാന്തരം, ആരവം, മേരി ജാൻ, ദേവ് ഫക്കീർ തുടങ്ങി നിരവധി സിനിമകൾ ഇതിനകം പ്രഖ്യാപിച്ചിട്ടുണ്ട്.