മലയാളിക്ക് മറക്കാൻ കഴിയാത്ത കഥാപാത്രമാണ് തൂവാനത്തുമ്പികളിലെ ജയകൃഷ്ണൻ. തൃശൂര് ടൌണിലെത്തുന്ന ജയകൃഷ്ണന് കൂട്ടായി കുറേ പരിവാരങ്ങളും ഉണ്ടാകും. "നമുക്ക് ഓരോ നാരങ്ങ വെള്ളം കാച്ചിയാലോ...ഉപ്പിട്ട നാരങ്ങാ വെള്ളം എന്തേയ്?" ഋഷിയുടെ ചോദ്യം മറക്കാത്ത മലയാളികളില്ല. എന്തായാലും ഋഷിയും ജയകൃഷ്ണനും 32 വർഷങ്ങൾക്ക് ശേഷം വടക്കുംനാഥൻ്റെ മണ്ണിൽ ഒരുമിക്കുകയാണ്.
ലൂസിഫറിന് ശേഷം ആശീർവാദ് ഒരുക്കുന്ന ഇട്ടിമാണി മെയ്ഡ് ഇൻ ചൈന എന്ന ചിത്രത്തിന് വേണ്ടിയാണ് അശോകനും മോഹൻലാലും ഒന്നിക്കുന്നത്. ഇരുവരുടെയും ചിത്രങ്ങൾ പങ്ക് വെച്ച് നമുക്കൊരു ഫുൾ ജാർ സോഡ കാച്ചിയാലോ എന്ന അടിക്കുറിപ്പോടെ അജു വർഗീസ് ചിത്രം ഷെയർ ചെയ്തിട്ടുണ്ട്.
ഇട്ടിമാണിയുടെ ലൊക്കേഷൻ ചിത്രങ്ങളും ഫസ്റ്റ് ലുക്കും ഇതിനോടകം വൈറലായിരുന്നു. മാർഗം കളി വേഷത്തിലുള്ള മോഹൻലാലിൻ്റെ പോസ്റ്ററുകൾ ആരാധകരിൽ കൌതുകം ഉണർത്തി. തമിഴ് താരം രാധിക ശരത് കുമാറും ചിത്രത്തിലെത്തുന്നുണ്ട്
ഇട്ടിമാണിയുടെ ലൊക്കേഷൻ ചിത്രങ്ങളും ഫസ്റ്റ് ലുക്കും ഇതിനോടകം വൈറലായിരുന്നു. മാർഗം കളി വേഷത്തിലുള്ള മോഹൻലാലിൻ്റെ പോസ്റ്ററുകൾ ആരാധകരിൽ കൌതുകം ഉണർത്തി. തമിഴ് താരം രാധിക ശരത് കുമാറും ചിത്രത്തിലെത്തുന്നുണ്ട്