ആസിഫിൻ്റെ പതിനൊന്ന് വർഷങ്ങൾ; ഹൃദയം തുറന്ന് കുഞ്ഞനിയൻ അസ്കർ!

യുവതാരനിരയിൽ ശ്രദ്ധേയനായ നടനാണ് ആസിഫ് അലി. കഴിഞ്ഞ വർഷമാണ് ആസിഫ് കരിയറിൽ തൻ്റെ പത്ത് വർഷം പൂർത്തിയാക്കിയത്. പതിനൊന്നാം വർഷത്തിലേക്ക് കടക്കുന്ന ഈ വേളയിൽ ആസിഫിൻ്റെ അനിയനും നടനുമായ അസ്കർ അലി ഫേസ്ബുക്കിൽ ഒരു കുറിപ്പ് പങ്കുവെച്ചിരിക്കുകയാണ്. ശ്യാമപ്രസാദ് സംവിധാനം ചെയ്ത ഋതു ആയിരുന്നു ആസിഫിൻ്റെ ആദ്യ ചിത്രം. ആ ചിത്രം കാണാൻ അമ്മയും അബ്ബയുമായി തീയേറ്ററിൽ പോയ അനുഭവം അസ്കർ പങ്കുവെച്ചിരിക്കുകയാണിപ്പോൾ.

Also Read: 'ക്ലാരയുടെ അവസാന വരവിനായി കാത്തിരിക്കുന്നവർ'

'ഋതു കാണാൻ അമ്മയും അബ്ബയുമായി തീയേറ്ററിൽ പോയ കാര്യമാണ് ആദ്യം മനസ്സിലേക്കോടി എത്തുന്നതെന്ന് അസ്കർ കുറിച്ചിരിക്കുന്നു. അന്ന് താൻ വളരെ എക്സൈറ്റഡ് ആയിരുന്നുവെന്നും എൻ്റെ കണ്ണിൽ നിറയെ ആ സന്തോഷവും എക്സൈറ്റ്മെൻ്റും പ്രകടമായിരുന്നെ'ന്നും അസ്കർ കുറിച്ചു. 'ഒരു കുഞ്ഞിൻ്റെ കൌതുകത്തോടെയാണ് അരികത്ത് നിന്നുകൊണ്ട് അപ്പുക്കുട്ടൻ്റെ വളർച്ചയും വിജയവും കണ്ടതെന്നും അസ്കർ. എൻ്റെ അധ്യാപകനാണ്, മെൻ്ററാണ്, അതിലുപരി ഒരു സൂപ്പർ ഹീറോ ആണ്. എൻ്റെയുള്ളിൽ സിനിമയെന്ന സ്വപ്നം വളർത്തിയതും സിനിമയെ പറ്റി സംസാരിച്ചതുമൊക്കെ താങ്കളായിരുന്നു'. അസ്കർ ഫേസ്ബുക്കിൽ കുറിച്ചു.

Also Read: 'മിഴി നട്ട് കാത്തിരുന്നീ മലരിതളിൻ കൂടെ'; ശലഭം വിരിഞ്ഞ സാരിയണിഞ്ഞ് സരയൂ!

കരിയറിൽ ഒരുപാട് വളരാനും വലിയ വിജയങ്ങൾ സ്വന്തമാക്കാനും അപ്പുക്കുട്ടന് സാധിക്കട്ടെ, എന്നും അരികത്തിങ്ങനെ നിന്ന് അത് കാണാനും കുറെ കാര്യങ്ങൾ പഠിക്കാനുമൊക്കെ ഒരുപാടിഷ്ടപ്പെടുന്നു. ആസിഫ് അലിയുടെ ആദ്യത്തെ ഫാൻ ബോയിയും താനാണ്. അസ്കർ കുറിച്ചു. #11YearsOfAsifAli എന്ന ഹാഷ് ടാഗോടെയാണ് അസ്കറിൻ്റെ കുറിപ്പ്. ഋതു മുതൽ കെട്ട്യോളാണെൻ്റെ മാലാഖ വരെ എത്തി നിൽക്കുകയാണ് ആസിഫിൻ്റെ കരിയർ. കുഞ്ഞെല്‍ദോ ആണ് ആസിഫിൻ്റേതായി പുറത്തിറങ്ങാനുള്ള ചിത്രം.