30 വർഷങ്ങൾക്ക് മുമ്പ് 'കോട്ടയം കുഞ്ഞച്ചൻ', ഇപ്പോള്‍ 'ഷൈലോക്ക്'; മമ്മൂട്ടിക്കൊപ്പം ബൈജു

1990-ൽ കോട്ടയം കുഞ്ഞച്ചനിൽ പ്രൊപ്രൈറ്റര്‍ കുഞ്ഞച്ചന്‍റെ ഒപ്പം കട്ടക്ക് നിന്ന ബോസ്കോയെ ഓർമ്മയില്ലേ. ആ പയ്യൻ ദാ ഇപ്പോൾ 2020-ൽ നീണ്ട മുപ്പതു വ‍ർഷങ്ങൾക്ക് ശേഷമിറങ്ങുന്ന ചിത്രത്തിൽ ഷൈലോക്കിന്‍റെ ഒപ്പമെത്തുകയാണ്. ടി എസ് സുരേഷ് ബാബുവിന്‍റെ സംവിധാനത്തിൽ ഡെന്നിസ് ജോസഫ് രചിച്ച് മമ്മൂട്ടി നായകനായ ചിത്രമാണ് കോട്ടയം കുഞ്ഞച്ചൻ. തൊണ്ണൂറുകളിലെ മമ്മൂട്ടിയുടെ വിജയ ചിത്രങ്ങളിൽ ഒന്നായി മാറിയ കോട്ടയം കുഞ്ഞച്ചൻ ശേഷം മിനി സ്‌ക്രീനിലൂടെയും ഏറെ തരംഗമായിരുന്നു.

Also Read: 'ഷൈലോക്ക്' തമിഴിൽ 'കുബേരൻ'; വെടിച്ചില്ല് ടീസർ കാണാം

അതിൽ മമ്മൂട്ടി അവതരിപ്പിച്ച കോട്ടയം കുഞ്ഞച്ചൻ എന്ന ടൈറ്റിൽ കഥാപാത്രത്തിന്‍റെ ഒപ്പം കട്ടക്ക് നിന്ന ബോസ്കോ എന്ന കഥാപാത്രം അവതരിപ്പിച്ചത് നടൻ ബൈജു സന്തോഷ് ആയിരുന്നു. ഇപ്പോഴിതാ മുപ്പതു വർഷങ്ങൾക്കു ശേഷം മമ്മൂട്ടി നായകനായ ഷൈലോക്ക് എന്ന അജയ് വാസുദേവ് ചിത്രത്തിൽ മമ്മൂട്ടിയുടെ സന്തത സഹചാരി ആയി എത്തുകയാണ് ബൈജു. ബാലകൃഷ്ണ പണിക്കര്‍ എന്ന കഥാപാത്രമായാണ് താരം ചിത്രത്തിൽ എത്തുന്നത്.

അടുത്തിടെ നിരവധി സിനിമകളിൽ വ്യത്യസ്തമായ വേഷങ്ങളിലൂടെ താരം ശ്രദ്ധ നേടിയിട്ടുണ്ട്. കഴിഞ്ഞ വര്‍ഷത്തെ ഏറ്റവും വലിയ ഹിറ്റ് ചിത്രമായ ലൂസിഫറിലും ശ്രദ്ധേയമായ വേഷം ബൈജു അവതരിപ്പിച്ചിരുന്നു. ഒരു മര്യാദ വേണ്ടേ എന്ന ബൈജുവിന്‍റെ ലൂസിഫറിലെ ഡയലോഗ് ഏറെ ശ്രദ്ധിക്കപ്പെട്ടിരുന്നു.

Also Read: തനി നാട്ടിൻപുറത്തുകാരിയായി നവ്യ!, 'ഒരുത്തീ' തുടങ്ങി: ഷൂട്ടിങ് വിശേഷങ്ങൾ അറിയണ്ടേ?

രാജാധിരാജയ്ക്കും മാസ്റ്റര്‍ പീസിനും ശേഷം അജയ് വാസുദേവ് ഒരുക്കുന്ന മൂന്നാമത്തെ ചിത്രമായ ഷൈലോക്ക് രചിച്ചിരിക്കുന്നത് നവാഗതരായ ബിബിൻ മോഹൻ, അനീഷ് ഹമീദ് എന്നിവർ ചേർന്നാണ്. ഗുഡ് വിൽ എന്‍റര്‍ടെയ്ൻമെന്‍റ്സിന്‍റെ ബാനറിൽ ജോബി ജോർജ് നിർമ്മിക്കുന്ന ചിത്രം ജനുവരി 23 നാണ് തീയേറ്ററുകളിലെത്തുന്നത്.

Also Watch :