ഇന്ന് രാവിലെ തൊട്ട് എല്ലാവരുടെയും ഫോണ് കോളുകള് വരികയാണെന്നും വ്യക്തിജീവിതത്തെക്കുറിച്ച് എല്ലാം സംസാരിച്ച് കഴിഞ്ഞതാണെന്നും നാല് മാസം മുമ്പ് വിവാഹ മോചനവും ലഭിച്ചിരുന്നുവെന്നും ബാല പറഞ്ഞു. സ്വാഭാവികമായും ഒരു കേസ് നടക്കുമ്പോള് സ്വയരക്ഷക്ക് കോള് റെക്കോര്ഡ് ചെയ്യുന്നുണ്ടാകുമെന്നും അത്തരത്തിൽ ഒരു വര്ഷം മുമ്പ് നടന്ന കാര്യങ്ങളാണ് ഇപ്പോള് പുറത്തുവിട്ടിരിക്കുന്നതെന്നും താരം പറയുന്നു.
മുറിവേറ്റു
ഇത് ശരിക്കും മുറിവേല്പ്പിക്കുന്നുണ്ട്. മനസിന് ഒരുപാട് വേദനയുണ്ട്. ആരും തന്നെ നേരിട്ട് വിളിച്ച് ഭീഷണിപ്പെടുത്തുന്നില്ലെന്നും പക്ഷേ എന്റെ വി ഐ പി ഫ്രണ്ട്സിനെ വിളിച്ച് ചിലതൊക്കെ പറഞ്ഞിട്ടുണ്ടെന്നും താരം ലൈവിലെത്തി പറഞ്ഞു.
ജീവിതത്തിലെ കാര്യങ്ങളല്ല
തനിക്ക് വേണമെങ്കിൽ ഇക്കാര്യത്തിന്മേൽ പോലീസില് പരാതിപ്പെടുകയോ അല്ലെങ്കില് മാധ്യമങ്ങളോട് സംസാരിക്കുകയോ ചെയ്യാം. പക്ഷേ ഇത് എന്റെ ജീവിതത്തിലെ കാര്യങ്ങളല്ലെന്നും ബാല പറയുന്നു.
ശ്രദ്ധ സിനിമയിൽ തന്നെ
സിനിമയില് തന്നെ ശ്രദ്ധ കേന്ദ്രീകരിച്ച് മുന്നോട്ട് പോകാനാണ് ആഗ്രഹം. വളരെ സില്ലിയായുള്ള കാര്യങ്ങള് ചെയ്യുന്നത് ആരാണെന്ന് പിടികിട്ടിയെന്നും അവരും നന്നായിരിക്കട്ടെയെന്നും ബാല സോഷ്യൽ മീഡിയയിൽ പങ്കുവെച്ച വീഡിയോയിലൂടെ പറഞ്ഞു.
അണ്ണാത്തേ അടുത്ത പടം
രജനികാന്തിനൊപ്പം സഹോദരന് ശിവ സംവിധാനം ചെയ്യുന്ന അണ്ണാത്തേ എന്ന സിനിമയില് ഒരു കഥാപാത്രമായി അഭിനയിക്കുന്നുണ്ടെന്നും അതിനായുള്ള തയ്യാറെടുപ്പിലാണ് താനെന്നും ബാല ലൈവിലൂടെ വ്യക്തമാക്കിയിരുന്നു.