ഇപ്പോൾ ആത്മഹത്യ ചെയ്യുമെന്ന് പറഞ്ഞാണ് എന്നെ വിളിക്കുന്നത്: ഒരുപാട് പേർ ജീവിതത്തിൽ ചതിച്ചിട്ടുണ്ട്; ബാല പറയുന്നു

പഴയകാര്യങ്ങൾ ഒന്നും ഞാൻ പറയുന്നില്ല. അത് ചിലപ്പോൾ ലീഗൽ ഇഷ്യൂ ആയേക്കാം. അതുകൊണ്ട് പറയാൻ താത്പര്യമില്ല. പഴയകാര്യങ്ങൾ പഴയ രീതിയിൽ പോകട്ടെ. പുതിയ കാര്യങ്ങളിലേക്ക് പോകാം. പിന്നെ അവനവൻ ചെയ്ത തെറ്റ് അവനവൻ തന്നെ അനുഭവിച്ചിരിക്കും. അവൻ എന്ന് പറയുമ്പോൾ അവനും അവളും ഒക്കെയാകാം. ജീവിതത്തിൽ കർമ്മയിൽ വിശ്വസിക്കുന്ന ആളാണ് ഞാൻ .

ഞാൻ തിരിച്ചുവന്നത് മിറക്കിൾ ആണ്. അവസാന നിമിഷം ആണ് എന്റെ അമ്മയെ അറിയിച്ചത്. ഇനി പറ്റത്തില്ല എന്നാണ് പറയുന്നത്. അതും ഡിക്ലറേഷൻ ചെയ്യുന്ന സമയത്താണ് എന്നെക്കുറിച്ചുള്ള കാര്യങ്ങൾ അമ്മ അറിയുന്നതും. അവസാന അര മണിക്കൂറിൽ ഒരു അത്ഭുതം സംഭവിച്ചു. മെഡിക്കൽ സയൻസിൽ തന്നെ ഇല്ലാത്ത അത്ഭുതം സംഭവിച്ചു. ഒരു സ്റ്റിച്ചും ഉണങ്ങാതെയാണ് ഞാൻ ജിമ്മിൽ ജോയി ചെയ്യുന്നത്. എല്ലാം ദൈവാനുഗ്രഹം- വെറൈറ്റി മീഡിയയോട് ബാല പറഞ്ഞു.

ജീവിതത്തിൽ ഒരുപാട് പേര് എന്നെ ചതിച്ചിട്ടുണ്ട്. മനസ്സിന്റെ ഉള്ളിൽ എല്ലാം കിടപ്പുണ്ട്. എല്ലാത്തിനും മിണ്ടണ്ട മനസമാധാനത്തോടെ പോകാം എന്നാണ് ഞാൻ കരുതിയത്. പക്ഷെ കുറെ ട്രിഗറിങ് നടന്നു. ആശുപത്രിയിൽ ഇരുന്നപ്പോ എത്ര ആളുകൾ എന്തെല്ലാം പറഞ്ഞുപരത്തി. അമ്മയ്ക്ക് വയ്യ എന്ന് പറഞ്ഞു വന്ന ഒരാളുണ്ട്. ഞാൻ ഉടനെ തന്നെ ക്യാഷ് കൊടുത്തു. ഞാൻ ഹോസ്പിറ്റലിൽ ആയപ്പോ എന്നെ ഒന്ന് തിരക്കിയില്ല. ഒന്നും ചോദിച്ചില്ല. എന്നെ തിരക്കിയില്ലെങ്കിലും വേണ്ടില്ല, പക്ഷെ കുറ്റം പറയരുത്.

എനിക്ക് എന്റെ സന്തോഷമാണ് ഇപ്പോൾ വലുത്. ആങ്ങനെയാണ് ജീവിക്കുന്നത്. എനിക്ക് ഒരു ദിവസം നാൽപ്പതുകോൾ എങ്കിലും വരും. അതിൽ പത്തുകോളെങ്കിലും ഞാൻ മരിക്കാൻ പോകുന്നു എന്ന് പറഞ്ഞാണ് വിളിക്കുന്നത്. ശരി എന്ന് പറഞ്ഞു ഞാൻ കട്ട് ചെയ്യും. എനിക്ക് അതിൽ ഒന്നും ചെയ്യാൻ ആകില്ല. കഷ്ട്ടതകളെ അതിജീവിച്ചെത്തട്ടെ.ഞാൻ കാരണം ലക്ഷങ്ങൾ കിട്ടിയ ആളുകൾ ഉണ്ട് അറിയാമോ- ബാല ചോദിക്കുന്നു

കുഞ്ഞിനെ കാണാൻ നിയമമോ, ദൈവമോ തടഞ്ഞാൽ പോലും എനിക്ക് സഹിക്കാൻ ആകില്ല. അത് തെറ്റല്ലേ. മരിക്കാൻ കിടക്കുമ്പോൾ മാത്രം എങ്ങനെയാണ് ആളുകൾക്ക് ബോധം വരുന്നത്. മരിക്കാൻ പോകുമ്പോൾ ആളുകൾ പറയും അവൻ നല്ല മനുഷ്യൻ എന്ന്. മരിച്ചാലും പറയും നല്ല മനുഷ്യനെന്ന് അതെന്താണ്അങ്ങനെ.

തനിക്കും എലിസബത്തിനും ഇടയിലുള്ള ഒരു വഴക്ക് ചതിക്കുന്നവരോട് ക്ഷമിക്കുന്നതിലാണ്. അവൾ എന്നെ അക്കാര്യത്തിൽ വഴക്ക് പറയും.