പേർസണൽ കാര്യങ്ങൾ ചോദിക്കുന്നത് ഒട്ടും ഇഷ്ടമല്ല: എങ്കിലും ബാലയോടുള്ള ഇഷ്ടംകൊണ്ട് ചോദിക്കട്ടെ അദ്ദേഹത്തിന് എന്താണ്!

കഴിഞ്ഞദിവസം ആണ് താര പത്നി യൂ ട്യൂബിലൂടെയും ഫേസ്ബുക്കിലൂടെയും വീഡിയോസ് പങ്കിട്ടുകൊണ്ട് രംഗത്ത് വന്നത്. പ്രൊഫൈൽ പിക്ച്ചർ മാറ്റിക്കൊണ്ടും, യൂ ട്യൂബിൽ വീഡിയോസ് പങ്കിട്ടുകൊണ്ടും ആയിരുന്നു എലിസബത്ത് സോഷ്യൽ മീഡിയയിൽ നിറഞ്ഞത്. ഇപ്പോൾ നിരാശ തോന്നുന്ന നിങ്ങളിൽ ഏതൊരാൾക്കും പ്രതിസന്ധികളെ അതിജീവിച്ചു തിരിച്ചെത്താൻ കഴിയും. എല്ലാം ശരിയാകും നിങ്ങളുടെ ജീവിതത്തിന് ലക്ഷ്യമുണ്ട്, നിങ്ങൾക്ക് അങ്ങനെ തോന്നുന്നില്ലെങ്കിൽ, ജീവിതം അവസാനിപ്പിക്കുന്നതിന് പകരം അത് കണ്ടെത്താൻ ശ്രമിക്കൂ എന്നും എലിസബത്ത് പങ്കിട്ട പോസ്റ്റിൽ പറയുന്നുണ്ട്

ബാലയുടെ വാർത്തകൾ വന്നതിനു പിന്നാലെ നിറയെ ചോദ്യങ്ങൾ ആണ് ആരാധകർ യൂ ട്യൂബിലൂടെയും, ഫേസ്ബുക്കിലൂടെയും എലിസബത്തിനോട് ചോദിക്കുന്നത്. പാപ്പു വരുമോ, ബാല ഓകെ അല്ലേ ഡോക്ടർ? ബാല ഹോസ്പിറ്റലിൽ ആണെന്ന് കേൾക്കുന്നു..സീരിയസ് ആണെന്നു കേൾക്കുന്നു...ശരിയാണോ ? ശരിയാവല്ലെ എന്നും പ്രാർത്ഥിക്കുന്നു എന്നുള്ള കമന്റ്സും എലിസബത്തിന് ലഭിക്കുന്നുണ്ട്.

ഡോക്ടർ... പേർസണൽ കാര്യങ്ങൾ ചോദിക്കുന്നത് ഇഷ്ടപെടാത്ത ആളാ ഞാൻ. എങ്കിലും ബാല എന്ന വ്യക്തിയോടുള്ള ഇഷ്ടംകൊണ്ട് ചോദിക്കട്ടെ അദ്ദേഹത്തിന് സീരിയസ് ആയി അമൃത ഹോസ്പിറ്റലിൽ ആണെന്ന് ന്യൂസ്‌ കണ്ടു...ഡോക്ടർ അവിടെയുണ്ടോ? റിക്കവർ ആകില്ലേ? എന്തൊക്കെയോ ന്യൂസ്‌ വന്നു... പ്രാർത്ഥിക്കുന്നു. എന്നുള്ള കമന്റുകൾ കൊണ്ട് നിറയുകയാണ് എലിസബത്തിന്റെ സോഷ്യൽ മീഡിയ ഇടം.

കരള്‍ രോഗവുമായി ബന്ധപ്പെട്ട് ഒരാഴ്ച മുമ്പും ബാല ചികിത്സ തേടിയിരുന്നു. ബാലയുടെ അമ്മയും എലിസബത്തിന്റെ കുടുംബാംഗങ്ങളുമാണ് ഇപ്പോൾ ആശുപത്രിയിലുള്ളത് എന്നും മനോരമ റിപ്പോർട്ട് ചെയ്യുന്നുണ്ട്. അതേസമയം ബാല അബോധാവസ്ഥയിലാണ് ഉള്ളത് എന്നും മാധ്യമ പ്രവർത്തകൻ സൂരജ് പാലാക്കാരൻ പങ്കിട്ട വീഡിയോയിൽ പറയുന്നുണ്ട്.

പുള്ളി ഭയങ്കര ചൈൽഡിഷ് ആണ്. കുഞ്ഞു മനസ്സായതുകൊണ്ടുതന്നെ പോസിറ്റീവും നെഗറ്റീവും ഉണ്ട്. ഒന്നും പറഞ്ഞാൽ അങ്ങോട്ട് കേൾക്കില്ല. പിന്നെ കുറച്ചു കഴിയുമ്പോൾ അങ്ങനെ പറഞ്ഞാരുന്നോ എന്ന് ചോദിക്കും. പുള്ളി മുൻപേ പറഞ്ഞ കാര്യങ്ങൾ മറന്നു പോകും എന്നാണ് ബാലയെ കുറിച്ച് അടുത്തിടെ എലിസബത്ത് പറഞ്ഞ വാക്കുകൾ.

സിനിമാ വ്യവസായവുമായി അടുത്ത ബന്ധമുള്ള കുടുംബത്തിലാണ് ബാല ജനിച്ചത്. മുത്തച്ഛൻ അരുണാചല സ്റ്റുഡിയോയുടെ ഉടമയാണ്. അദ്ദേഹത്തിന്റെ പിതാവ് ജയകുമാർ 350-ലധികം സിനിമകളും ഡോക്യുമെന്ററികളും സംവിധാനം ചെയ്തു, സഹോദരൻ ശിവ ദക്ഷിണേന്ത്യൻ സിനിമകളിൽ സംവിധായകനായും ഛായാഗ്രാഹകനായും പ്രവർത്തിച്ചിട്ടുണ്ട്. 2 മച്ച് എന്ന തെലുങ്ക് ചിത്രത്തിലൂടെയാണ് അലയുടെ അരങ്ങേറ്റം.