പ്രശ്നങ്ങളില്‍ അനിയനെ പോലെ കൂടെ നിന്നു, ഒറ്റയ്ക്ക് ഇരിക്കുന്നത് കണ്ടാല്‍ അടുത്ത് വന്നിരിക്കും; ടൊവിനോയെ കുറിച്ച് ബാല

മലയാളത്തിലെ യുവനടന്മാരില്‍ ശ്രദ്ധേയനാണ് ടൊവിനോ തോമസ്. ടൊവിനോയെ കുറിച്ച് മനസ് തുറക്കുകയാണ് നടന്‍ ബാല. സ്വകാര്യ ജീവിതത്തില്‍ പ്രശ്നങ്ങളുണ്ടായപ്പോള്‍ ഒരു അനിയനെ പോലെ കൂടെ നിന്നത് ടൊവിനോയാണെന്ന് ബാല പറയുന്നു. തന്റെ ലീവ് ടു ഗിവ് പരിപാടിയില്‍ ആയിരുന്നു ബാല മനസ് തുറന്നത്. അതിഥിയായി എത്തിയതായിരുന്നു ടൊവിനോ.

Also Read: കമലിന്‍റെ ഇടപെടലുകള്‍ ശ്ലാഘനീയം; ജന്മദിനാശംസകളുമായി പിണറായി വിജയൻ
മാനസികമായി വിഷമം അനുഭവിക്കുന്നവരെ അത് കണ്ടറിഞ്ഞു കൂടെ നിൽക്കുന്ന ആളാണ് ടൊവിനോ എന്നാണ് ബാല പറയുന്നത്. എന്ന് നിന്റെ മൊയ്‌ദീൻ എന്ന സിനിമയിൽ അഭിനയിച്ചുകൊണ്ടിരിക്കുന്ന സമയത്ത് താൻ സ്വകാര്യ ജീവിതത്തിൽ ചില ബുദ്ധിമുട്ടുകളിൽ നേരിട്ടിരുന്നു. അത് ടൊവിനോ മനസിലാക്കി. പിന്നീട് എപ്പോഴും തന്നോടൊപ്പം സമയം ചെലവഴിക്കാൻ ശ്രദ്ധിക്കുകയും ചെയ്തിരുന്നുവെന്നും ബാല പറഞ്ഞു.

Also Read: 18 മണിക്കൂറോളം ജോലി, ആദ്യ ശമ്പളം 736 രൂപ; ആ കവറിന്റെ കനം പോലും ഓര്‍മ്മയുണ്ടെന്ന് സൂര്യ

എപ്പോഴെങ്കിലും ഒറ്റക്ക് ഇരിക്കുന്നത് കണ്ടാലുടൻ "അണ്ണാ ഓക്കേ അല്ലെ" എന്ന് ചോദിച്ചു എന്ന് ചോദിച്ചു അടുത്ത് വരും. ആ വ്യക്തിത്വമാണ് ടൊവീനോയെ വേറിട്ട് നിർത്തുന്നതെന്നും ബാല അഭിപ്രായപ്പെട്ടു. ടൊവിനോ നേടിയ വിജയങ്ങളില്‍ താന്‍ അഭിമാനിക്കുന്നുണ്ടെന്നും ബാല പറഞ്ഞു. ബാല ഒരുപാടു നല്ല പ്രവർത്തികൾ ചെയ്യുന്ന ആളാണ്, നല്ലതു ചെയ്യുന്നത് അംഗീകരിക്കുക മാത്രമാണ് താൻ ചെയ്യുന്നതെന്ന് ടൊവിനോയും പറഞ്ഞു.