ഇതെന്‍റെ അവസാനത്തെ മുന്നറിയിപ്പാണ്; വ്യക്തി ജീവിതത്തിൽ ഇടപെടരുത്!

ചെന്നൈയില്‍ അച്ഛന്‍ സുഖമില്ലാതെ കിടപ്പിലാണ്. ഈ കൊവിഡ് പശ്ചാത്തലത്തില്‍ അവിടെ എത്താന്‍ കഴിയാത്തതിന്‍റെ വേദനയിൽ കഴിയുകയാണ് ഞാൻ. അതിനിടെയാണ് ഞാൻ വീണ്ടും വിവാഹ ജീവിതത്തിലേക്ക് പോകുന്നു എന്ന തരത്തിൽ വാര്‍ത്തകള്‍ കാണുന്നത്. ആരും എന്നെ വിളിക്കുകയോ അഭിമുഖം എടുക്കുകയോ ഒന്നും ചെയ്തിട്ടില്ല. എങ്ങനെയാണ് ഇത്തരത്തിൽ വാര്‍ത്തകള്‍ വന്നിരിക്കുന്നതെന്നറിയില്ല, വളരെ തെറ്റായിട്ടുള്ള ഒരു വാര്‍ത്തയാണിത്. ഇതുകണ്ട് എന്നെ വിളിക്കാത്ത ആളുകളില്ല, എനിക്ക് ഉറക്കം നഷ്ടമായി ബാല വീഡിയോയിൽ പറഞ്ഞിരിക്കുകയാണ്.

ചെന്നൈ പൂര്‍ണ്ണ ലോക്ക്ഡൗണില്‍ ആണ്. അച്ഛനും അമ്മയും കഴിയുന്ന ചെന്നൈയില്‍ എങ്ങനെ എത്തണമെന്നാണ് ഓരോ നിമിഷവും ഞാന്‍ ചിന്തിച്ചുകൊണ്ടിരിക്കുന്നത്. പക്ഷേ നിലവിലെ സാഹചര്യത്തില്‍ വാഹനടിച്ച്‌ അത്രദൂരം പോകുന്നതിലെ സുരക്ഷിതത്വമില്ലായ്മ സുഹൃത്തുക്കള്‍ പറഞ്ഞതിനാലാണ് കൊച്ചിയിൽ തന്നെ കഴിയുന്തന്. ഈ വിഷമമെല്ലാം മനസില്‍ വച്ചാണ് ഓരോ നിമിഷവും ഇവിടെ ഇരിക്കുന്നത്. ഫോണില്‍ സംസാരിക്കുമ്പോഴാണ് അവിടെ അമ്മയുടെ ആശ്വാസം. ഇത്രയും ടെന്‍ഷനില്‍ നില്‍ക്കുമ്പോഴാണ് ഇന്നലെ ഈ വാര്‍ത്ത കാണുന്നത്. വൈകുന്നേരം മുതല്‍ മെസേജുകള്‍ ആയിരുന്നു. രാത്രി ഒരുപാട് ഫോണ്‍കോളുകളും വന്നു. എനിക്ക് രാത്രി ഉറങ്ങാന്‍ പറ്റിയിട്ടില്ല. എന്നെ ഒരുപാട് സ്‌നേഹിക്കുന്നവരാണ് അധികവും വിളിച്ചത്, ആരാധകരും സുഹൃത്തുക്കളും സിനിമയിലെ സുഹൃത്തുക്കളുമൊക്കെ സമയം നോക്കാതെയാണ് വിളിച്ചുകൊണ്ടിരുന്നത്. വെളുപ്പിന് നാലു മണിക്ക് ഞാന്‍ ഒന്നുറങ്ങിപ്പോയി, ബാല പറഞ്ഞിരിക്കുകയാണ്.

Also Read: 3 തലമുറകള്‍ ഒറ്റ ഫ്രെയിമിൽ; സുപ്രിയ പങ്കുവെച്ച ചിത്രത്തിന് ഒരു പ്രത്യേകതയുണ്ട്!

ആ സമയത്താണ് എന്‍റെ അമ്മ വിളിച്ചത്, അച്ഛന് തീരെ വയ്യാ എന്ന് പറയാനാണ് വിളിച്ചത്, പക്ഷേ 15 മിനിറ്റത്തേക്ക് ഞാന്‍ ഉറങ്ങിപ്പോയി. ആ പതിനഞ്ച് മിനിറ്റ് എന്നു പറയുന്നത് അവര്‍ക്ക് ഒന്നര ദിവസത്തിന്‍റെ വേദനയും ടെന്‍ഷനുമായിരിക്കും. ഇതുപോലെ വ്യാജ വാര്‍ത്തകള്‍ കൊടുക്കുന്നവരെയൊക്കെ എന്തുചെയ്യണം? ഇതൊരു മുന്നറിയിപ്പാണ്. ഇത് അവസാനത്തേതായിരിക്കണം. ഞാന്‍ ഇങ്ങനെ ദേഷ്യപ്പെട്ടു സംസാരിക്കുന്ന മനുഷ്യനേയല്ല, ഇതെന്‍റെ വ്യക്തിജീവിതമാണ്, ഇതൊരു താക്കീതാണ്, ബാല വീഡിയോയിൽ പറയുന്നു.

എന്‍റെ ശരീരവും മനസ്സും കരുത്തുറ്റതാണ്, എന്നെകുറിച്ച് പേടിക്കേണ്ട. നിങ്ങള്‍ അറിയാത്ത കാര്യങ്ങള്‍ ഒരാളുടെ വ്യക്തി ജീവിതത്തിൽ പോയി പറയരുത്. ഇത് ബിസിനസ്സാക്കരുത്, നിങ്ങൾക്ക് പൈസ വേണമെങ്കിൽ ഞാൻ തരാം, ഇങ്ങനെയൊക്കെ ചെയ്താൽ ഞാൻ പ്രതികരിക്കും. നടൻ സുധീര്‍ കരമന പോലും എനിക്ക് കൺഗ്രാജുലേഷൻ പറഞ്ഞ് സന്ദേശം അയച്ചു. ഞാൻ ഞെട്ടിപ്പോയി. എന്‍റെ മകളെ ഓര്‍ത്താണ് മെസ്സേജ് അയച്ചതെന്ന് പറഞ്ഞു. എന്‍റെ മകളെ എന്നേക്കാളും വേറെ ആര്‍ക്ക് സ്നേഹിക്കാൻ പറ്റും, എന്നെ സ്നേഹിക്കുന്നവരോടാണ് ഇത് പറയുന്നത്, ബാല വീഡിയോയിൽ വ്യക്തമാക്കിയിരിക്കുകയാണ്.

വിശ്വാസം സിനിമയിലെ കണ്ണാന കണ്ണേ എന്ന പാട്ടും അതിലെ ദൃശ്യങ്ങളും എന്‍റെ ജീവിതമാണ്. അജിത്ത് സാര്‍ സിനിമയുടെ റിലീസിന് ശേഷം അരമണിക്കൂറോളം എന്നോട് സംസാരിച്ചിരുന്നു. എന്നെ ഓര്‍ത്തുകൊണ്ടാണ് ആ സിനിമയിൽ അഭിനയിച്ചതെന്ന് അദ്ദേഹം അന്ന് പറഞ്ഞിരുന്നു. ജീവിതത്തിൽ ഇടപെടരുത്. അങ്ങനെയൊക്കെ ചെയ്താൽ നടപടിയുണ്ടാകും. ഇത്തരത്തിൽ ഒരാളോടും ചെയ്യരുത്, ബാല പറഞ്ഞിരിക്കുകയാണ്.

ബാല പങ്കുവെച്ച വീഡിയോ കാണാം