ബിജു മേനോന് പകരക്കാരനായി ജോജു
ബിജു ചേട്ടന്‍റെ ഡേറ്റ് ക്ലാഷായപ്പോള്‍ പകരക്കാരനായി എന്നെ മാലിക്കിലേക്ക് വിളിക്കുകയായിരുന്നു. സംവിധായകൻ മഹേഷ് നാരായണൻ ആയിരുന്നതിനാൽ ഞാൻ സ്ക്രിപ്റ്റ് പോലും വായിക്കാതെയാണ് ചിത്രത്തിൽ അഭിനയിക്കാൻ തീരുമാനിക്കുകയുണ്ടായത്, ജോജു ജോര്‍ജ്ജ് മനോരമ ഓൺലൈനിന് നൽകിയ അഭിമുഖത്തിൽ വെളിപ്പെടുത്തിയിരിക്കുകയാണ്.
ശരിക്ക് പണിയെടുത്തു
മഹേഷ് നാരായണന്‍ തന്നെയായിരുന്നു പ്രധാനമായി സിനിമയിലേക്ക് ആകര്‍ഷിച്ചത്. അതിനാൽ വേറെയൊന്നും നോക്കിയില്ല. ചിത്രത്തിൽ ദിലീഷിന്‍റെയും വിനയ് ഫോര്‍ട്ടിന്‍റെയും കൂടെയായിരുന്നു പ്രധാനമായും അഭിനയിച്ചത്. ഏറെ കഷ്ടപ്പെട്ടാണ് ഓരോ രംഗവും പൂര്‍ത്തിയാക്കിയത്. എല്ലാവരും ശരിക്ക് പണിയെടുത്ത ചിത്രമാണിത്.
Also Read: ഇടിച്ചിട്ടാൻ ആര്യ വരുന്നു; പാ രഞ്ജിത്ത് ചിത്രം 'സാര്‍പട്ടാ പരമ്പരൈ' ട്രെയിലർ
ബിജു മാറി ജോജു എത്തി
ഫഹദ് ഫാസിൽ, സുലൈമാന്‍ മാലിക് എന്ന കഥാപാത്രമായി എത്തുന്ന ചിത്രം ഇതിനകം ഏറെ വാർത്താപ്രാധാന്യം നേടിയിട്ടുണ്ട്. യുവാവായും പ്രയാധിക്യമുള്ളയാളായും വിവിധ ക്യാരക്ടര്‍ ട്രാൻസ്ഫോർമേഷനിലാണ് ചിത്രത്തിൽ ഫഹദ് എത്തുന്നത്. ഫഹദിന്‍റെ കരിയറിലെ ഏറ്റവും മുതല്‍മുടക്കുള്ള സിനിമയുമാണ് 25 കോടിയോളം ബജറ്റിൽ പൂര്‍ത്തിയാക്കിയ ചിത്രം.
ജൂലൈ 15ന് റിലീസ്
ചിത്രം ജൂലൈ 15ന് ആമസോൺ പ്രൈമിലൂടെയാണ് റിലീസ്. നിമിഷ സജയന്‍ നായികയായെത്തുമ്പോള്‍ ജോജു ജോർജ്, ദിലീഷ് പോത്തൻ, വിനയ് ഫോർട്ട് , ജലജ എന്നിവരും പ്രധാന കഥാപാത്രങ്ങളായുണ്ട്. സാനു ജോണ്‍ വര്‍ഗീസ് ഛായാഗ്രഹണം. സുഷിന്‍ ശ്യാം സംഗീതം. സന്തോഷ് രാമന്‍ പ്രൊഡക്ഷന്‍ ഡിസൈനിംഗ്, വിഷ്ണു ഗോവിന്ദ് ശ്രീശങ്കര്‍ എന്നിവരാണ് സൗണ്ട് ഡിസൈന്‍, അന്‍വര്‍ അലി ഗാന രചന എന്നിവ നിര്‍വ്വഹിച്ചിരിക്കുന്നു.