രേവതിക്കും റിമയ്ക്കും പാർവതിക്കും ആഷിഖിനുമെതിരെ പരാതിയുമായി ദിലീപ്

നടി ആക്രമിക്കപ്പെട്ട കേസിൽ തനിക്കനുകൂലമായി കൂറുമാറിയവരെ സോഷ്യൽമീഡിയയിൽ തേജോവധം ചെയ്യുന്ന ചലച്ചിത്രപ്രവർത്തകര്‍ക്കെതിരെ നടൻ ദിലീപ് നൽകിയ പരാതിയിൽ കോടതി നോട്ടീസ് അയക്കും. കൊച്ചിയിൽ നടി ആക്രമിക്കപ്പെട്ട കേസില്‍ പ്രതിയായ നടൻ ദിലീപിന് അനുകൂലമായി കൂറുമാറിയ നടന്‍ സിദ്ദിഖിനെയും ഭാമയെയും വിമര്‍ശിച്ചുകൊണ്ട് കഴിഞ്ഞ ദിവസങ്ങളിൽ രംഗത്തെത്തിയ രേവതി, ആഷിഖ് അബു, റിമ കല്ലിങ്കൽ, പാർവതി എന്നിവർക്കെതിരെയാണ് ദിലീപ് പരാതി നൽകിയിട്ടുള്ളത്.

Also Read: എസ്.പി.ബിയെ ആശുപത്രിയിലെത്തി കണ്ട് കമല്‍ഹാസന്‍

കേസിലെ സാക്ഷികള്‍ക്കെതിരെ സമൂഹ മാധ്യമങ്ങളിൽ വ്യാജ പ്രസ്താവന നടത്തിയെന്ന ദിലീപിന്‍റെ പരാതിയിലാണ് ഇവർക്ക് നോട്ടീസ് നൽകാൻ കോടതി നിര്‍തദ്ദേശിച്ചിരിക്കുന്നത്. സാക്ഷികള്‍ക്കെതിരെ നടിമാരും സംവിധായകനും സോഷ്യൽമീഡിയയിലൂടെ നടത്തിയ ചില പരാമര്‍ശങ്ങള്‍ രഹസ്യ വിചരണയിലുള്ള കേസിലെ ഇടപെടലാണെന്നാണ് ദിലീപ് പരാതിയിൽ ഉന്നയിച്ചിരിക്കുന്നത്.

ഇടവേള ബാബുവിനും ബിന്ദു പണിക്കർക്കും പിന്നാലെ കഴിഞ്ഞ ദിവസം സിദ്ധിഖും ഭാമയും കൂറുമാറിയിരുന്നതിനെതിരെയാണ് രേവതി ഉള്‍പ്പെടെയുള്ളവർ രംഗത്തെത്തിയിരുന്നത്.
സിനിമ രംഗത്തുള്ള സഹപ്രവർത്തകരെപ്പോലും വിശ്വാസിക്കാനാകാത്ത അവസ്ഥ ഏറെ സങ്കടകരമാണെന്നും നടിയുടെ വിശ്വസ്‌തയായിരുന്ന ഭാമ പോലീസിന് മുന്നിൽ മൊഴി മാറ്റിപറഞ്ഞത് ആശ്ചര്യപ്പെടുത്തിയെന്നും രേവതി ഫേസ്ബുക്കിൽ കുറിച്ചിരുന്നു.

Also Read: കള്ളങ്ങൾ കച്ചവടത്തിന് വയ്ക്കാതിരുന്നൂടെ? അഭിമുഖം വളച്ചൊടിച്ചു; മാധ്യമത്തിനെതിരെ റോഷന്‍ മാത്യു

അവൾക്ക് ഏറ്റവുമധികം സഹായം വേണ്ടിയിരുന്ന ഈ അവസാന നിമിഷത്തിൽ അതിജീവിച്ചവൾക്കൊപ്പം നിന്ന സഹപ്രവർത്തകർ പോലും എതിർപക്ഷത്തേക്ക് തിരിഞ്ഞതിൽ അതിയായ ദുഃഖിതയാണെന്നായിരുന്നു റിമ കുറിച്ചിരുന്നത്.

തലമുതിര്‍ന്ന നടനും നായികനടിയും കൂറുമാറിയതില്‍ അതിശയമില്ലെന്നും ഇവരും കുറ്റകൃത്യങ്ങളുടെ അനൂകൂലികളായി മാറുകയാണെന്നുമായിരുന്നു സംവിധായകൻ ആഷിഖ് അബു പേരുപറയാതെ വിമര്‍ശിച്ചിരുന്നത്. ഒരു പീഡനം തന്നെയാണ് ഇത്. സാക്ഷികൾ ശത്രുപക്ഷത്തേക്ക് മാറിയതിന്‍റെ ഞെട്ടിലിലാണ്, ഇത് ഹൃദയഭേദകമാണെന്നായിരുന്നു നടി പാര്‍വതി ഫേസ്ബുക്കിൽ കുറിച്ചിരുന്നത്.

Also Watch :