ദിലീപിനെ വെട്ടിലാക്കി ജോലിക്കാരന്റെ മൊഴി! കൂടുതലൊന്നും പറയരുത്! ദാസൻ പറഞ്ഞ കാര്യങ്ങൾ പുറത്ത്

പോലീസിനോട് കൂടുതല്‍ കാര്യങ്ങളൊന്നും പറയരുതെന്ന് ദിലീപിന്റെ അഭിഭാഷകന്‍ തന്നോട് നിര്‍ദേശിച്ചിരുന്നുവെന്ന് ദാസന്‍ പറഞ്ഞതായാണ് മൊഴിയിലുള്ളത്. ബാലചന്ദ്രകുമാറിനെക്കുറിച്ചുള്ള കാര്യങ്ങളും പറയരുതെന്നും പറഞ്ഞിരുന്നു. ദിലീപിന്റെ സഹോദരനായ അനൂപാണ് തന്നെ അഡ്വ. രാമന്‍പിള്ളയുടെ ഓഫീസിലേക്ക് കൂട്ടിക്കൊണ്ട് പോയതെന്നും ദാസന്‍ വ്യക്തമാക്കിയെന്നും റിപ്പോര്‍ട്ടില്‍ പറയുന്നു. കേസുമായി ബന്ധപ്പെട്ട് ദിലീപിന്റെ ജോലിക്കാരന്റെ മൊഴി രേഖപ്പെടുത്തും എന്ന് അറിഞ്ഞതിന് ശേഷം അനൂപ് ബന്ധപ്പെട്ടിരുന്നു. അത്യാവശ്യമായി കൊച്ചിയിലേക്ക് വരാനും ആവശ്യപ്പെട്ടിരുന്നു. ദിലീപിന്റെ നിര്‍മ്മാണക്കമ്പനിയായ ഗ്രാന്‍ഡ് പ്രൊഡക്ഷന്‍സിലേക്കായിരുന്നു ദാസ് പോയത്.

ബാലചന്ദ്രകുമാറുമായി ബന്ധപ്പെട്ട് എന്തൊക്കെ കാര്യങ്ങള്‍ പറഞ്ഞിട്ടുണ്ടെന്ന് ചോദിച്ചിരുന്നു. അതിന് ശേഷമായാണ് അനൂപ് ദാസനേയും കൂട്ടി വക്കീലിന് അരികിലേക്ക് പോയത്. കൂടുതലൊന്നും പറയരുതെന്ന് വിലക്കിയിരുന്നു അന്ന് എന്ന് ദാസന്‍ മൊഴി നല്‍കിയിട്ടുണ്ട്. അഭിഭാഷകനായ ഫിലിപ്പിന്റെ ഓഫീസിലേക്കും പിന്നീട് വിളിച്ച് വരുത്തിയിരുന്നു.

ബാലചന്ദ്രകുമാര്‍ മുഖ്യമന്ത്രിക്ക് നല്‍കിയ പരാതി വായിച്ച് കേള്‍പ്പിച്ചിരുന്നു. കൂടുതല്‍ കാര്യങ്ങളൊന്നും പോലീസിനോട് പറയണ്ട എന്നും നിര്‍ദേശിച്ചിരുന്നു. ദിലീപിന്റെ സഹോദരി ഭര്‍ത്താവായ സുരാജ് പള്‍സര്‍ സുനിയെക്കുറിച്ച് പറഞ്ഞ കാര്യങ്ങളെക്കുറിച്ചും ദാസ് മൊഴിയില്‍ സൂചിപ്പിച്ചിരുന്നു. പുറത്തിറങ്ങട്ടെ, അവനെ കാണിച്ചുകൊടുക്കുന്നുണ്ട് എന്നായിരുന്നു സുരാജ് പറഞ്ഞത്.

ദിലീപിനെക്കുറിച്ചുള്ള കാര്യങ്ങള്‍ താന്‍ പുറത്ത് പറയുകയാണെന്നറിയിച്ച് ബാലചന്ദ്രകുമാര്‍ വാട്‌സാപ്പ് സന്ദേശം അയച്ചിരുന്നു. ദിലീപിനെയോ സഹോദരനെയോ സഹോദരി ഭര്‍ത്താവിനെയോ ഇതേക്കുറിച്ച് അറിയിക്കണം എന്നും ആവശ്യപ്പെട്ടിരുന്നു. താന്‍ ഇപ്പോള്‍ അവിടെയല്ല ജോലി ചെയ്യുന്നത് എന്നായിരുന്നു അന്ന് മറുപടി നല്‍കിയത് എന്നുമാണ് ദാസൻ മൊഴി നൽകിയിട്ടുള്ളത്.