ആയിഷയുടെ വിവാഹ നിശ്ചയം
സംവിധായകനും നടനും സംഗീത സംവിധായകനും മിമിക്രി താരവുമായ നാദിര്ഷയുടെ മകൾ ആയിഷയുടെ വിവാഹ നിശ്ചയ ചടങ്ങില് നിന്നുള്ള ചിത്രങ്ങളാണ് സോഷ്യല് മീഡിയയില് വെെറലായിക്കൊണ്ടിരിക്കുന്നത്. വ്യവസായിയായ ലത്തീഫ് ഉപ്ലയുടെ മകൻ ബിലാൽ ആണ് ആയിഷയുടെ വരൻ. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങിൽ പങ്കെടുത്തത്.
കളിക്കൂട്ടുകാരികൾ
ദിലീപും നാദിർഷയുമായി വർഷങ്ങളുടെ പരിചയമാണുള്ളത്. സിനിമയിൽ എത്തുന്നതിന് മുമ്പ് തന്നെ മിമിക്രി വേദികളിലൂടെയായിരുന്നു ഇരുവരും വളർന്നുവന്നത്. അതിനാൽ തന്നെ ഇരുവരുടേയും കുടുംബങ്ങളുമായി അഭേദ്യമായ ബന്ധമുണ്ട്. ആയിഷയും മീനാക്ഷിയും കളിക്കൂട്ടുകാർ കൂടിയാണ്. ആയിഷയുടെ വിവാഹ നിശ്ചയ ചടങ്ങിൽ എത്തിയ മീനാക്ഷിയും ഏവരുടേയും ശ്രദ്ധാ കേന്ദ്രമായിരുന്നു.
Also Read: മുണ്ടൂര് മാടനെ കഴിക്കാം ദശമൂലം കുടിക്കാം! 'സാൻഫ്രാൻസിസ്കോ'യുമായി നവജിത്ത്
നിരവധി താരങ്ങൾ
സിനിമയിൽ നിന്നുള്ള ഏതാനും താരങ്ങളും ചടങ്ങിനായെത്തിയിരുന്നു. നടി ആശ അരവിന്ദും കുടുംബവും ചടങ്ങിനെത്തിയ ചിത്രങ്ങൾ സോഷ്യൽമീഡിയയിൽ പങ്കുവെച്ചിട്ടുണ്ട്. കൂടാതെ നടി നമിതയും എത്തിയിരുന്നു. ഏറെ നാളുകള്ക്ക് ശേഷം ദിലീപും കാവ്യയും പൊതു വേദിയിലെത്തിയത് ഈ ചടങ്ങിലായതിനാൽ തന്നെ അവരുടെ ചിത്രങ്ങൾ സോഷ്യൽമീഡിയയിൽ ഫാൻസ് ഗ്രൂപ്പുകളിലൂടെ ഏറെ വൈറലായിട്ടുണ്ട്.
ആ കുട്ടി ആര്?
മീനാക്ഷിയുടെ ചിത്രങ്ങളും സോഷ്യ.മീഡിയയിൽ വൈറലായിട്ടുണ്ട്. മീനാക്ഷിക്കൊപ്പം നിൽക്കുന്ന പെൺകുട്ടി ആരെന്നും സോഷ്യൽമീഡിയയിൽ പലരും തിരയുന്നുണ്ട്. നടി ആശ അരവിന്ദിന്റെ മകളാണ് ഈ പെൺകുട്ടി. ഏതാനും പരസ്യ ചിത്രങ്ങളിൽ അഭിനയിച്ചിട്ടുമുണ്ട്.
മഹാലക്ഷി എവിടെ?
ദിലീപ്, കാവ്യ, മീനാക്ഷി ഇവരുടെ ചിത്രങ്ങൾ വന്നതോടെ മഹാലക്ഷ്മിയേയും പലരും തിരയുന്നുണ്ട്. എന്നാൽ പൊതു ചടങ്ങുകൾക്ക് ചെറിയ കുട്ടികളെ കൊണ്ടുവരരുതെന്നുള്ളതിനാൽ മഹാലക്ഷിയെ ഇവർ കൂടെ കൊണ്ടുവന്നിരുന്നില്ല. കാവ്യയുടെ ചിത്രം മൊബൈൽ ഫോണിൽ പകർത്തുന്ന ദിലീപിൻറെ ചിത്രവും സോഷ്യൽമീഡിയയിൽ വൈറലായിട്ടുണ്ട്.
Also Read: സ്മൈൽ പ്ലീസ്; സ്വന്തം ക്യാമറാമാനോടൊപ്പം കാവ്യാ മാധവൻ!